ས་མཐོར་ལས་མི་བྱེད་པར་ཡོང་མཁན་ཡིན་ནམ་ཡང་ན་ས་གནས་ཀྱི་མི་སེར་ཡིན་རུང་ཚང་མས་ས་གནས་སུ་བཅའ་སྡོད་ཕྱོགས་མིའི་ཏང་ཀྲི་པུའུ་ལ་བསྔགས་བརྗོད་ཚད་མེད་བྱེད་ཀྱི་ཡོད། གང་ལགས་ཤེ་ན་དམངས་ཕན་གྱི་བྱ་བ་མཐའ་དག་གིས་མི་སེར་གྱི་སེམས་ནང་བག་ཆགས་བཟང་པོ་བཞག་ཡོད་པས་རེད། ཕྱོགས་མིའི་ཏང་ཀྲི་པུའུ་བརྒྱུད་མི་སེར་དེ་བས་མང་བས་ཏང་གི་དྲོ་སྐྱིད་ཚོར་ཐུབ་ཀྱི་ཡོད།
དབྱང་ལི་ཅུན་ནི་སི་ཁྲོན་ཞིང་ཆེན་ཨེ་མེ་ཧྲན་ནས་ཡིན་པ་དང་བོད་དུ་ལས་མི་བྱས་ནས་སྡོད་མཁན་ཞིག་ཡིན། 2006 ལོར་ཁོ་མོ་ལྷ་སར་འབྱོར་བ་དང་བུད་མེད་དར་མ་གཅིག་ཁྱིམ་ནས་ཐོན་ཏེ་ལས་ མི་བྱེད་པར་ཡོང་བའི་འཚོ་བ་དེ་ཧ་ཅང་དཀའ་ཚེགས་ཆེ་བ་ཞིག་རེད། འཚོ་བའི་གནོན་ཤུགས་ཆེ་བའི་དབང་གིས་ཁོ་མོར་རྟག་ཏུ་ཕ་ཡུལ་ཡིད་ལ་འཆར་གྱི་ཡོད་རུང་ལྷ་སར་ཨེ་མེ་ཧྲན་གྱི་ཕྱོགས་མིའི་ཏང་ཀྲི་པུའུ་ཡོད་སྟབས་ཁོ་མོའི་འཚོ་བར་འགྱུར་ལྡོག་ཆེན་པོ་བྱུང་ཡོད། དབྱང་ལི་ཅུན་གྱིས “རང་ཉིད་གྲོང་གསེབ་ཀྱི་བུད་མེད་དཀྱུས་མ་ཞིག་ཡིན་ཁར་རིག་གནས་མེད་པའི་དབང་གིས་ཏང་གི་སྲིད་ཇུས་ཀྱང་དེ་ཙམ་ཤེས་རྟོགས་ཐུབ་ཀྱི་མེད། ཕྱིས་སུ་ང་ཚོའི་སྦྱིན་བདག་ཙོའུ་ཤན་ཝུན་གྱི་འབད་བརྩོན་འོག་ཨེ་མེ་ཧྲན་ཕྱོགས་མིའི་ཏང་ཀྲི་པུའུ་ནང་ཞུགས་ནས་རང་ཉིད་ལ་ཡང་བག་ཆགས་བཟང་པོ་བྱུང་བ་དང་ཏང་ལ་ངོས་འཛིན་བྱེད་ཚད་ཀྱང་ཟབ་ཏུ་འགྲོ་ཐུབ་པ་བྱུང་སོང་། ད་ཆ་ང་ཚོར་དཀའ་ངལ་གང་ཞིག་ཡོད་ཀྱང་རྩ་འཛུགས་ལ་རོགས་རམ་བྱེད་རོགས་ཞེས་ཞུ་ཆོག་པ་དང་རྩ་འཛུགས་ཀྱིས་ང་ཚོར་ཁྱིམ་ཚང་ལྟར་གྱི་དྲོ་སྐྱིད་ཚོར་བ་བྱེད་ཀྱི་ཡོད ”ཅེས་བཤད།
2008 ལོར་ཨེ་མེ་ཧྲན་ཕྱོགས་མིའི་ཏང་ཀྲི་པུའི་འབད་བརྩོན་འོག་ཨེ་མེ་ཧྲན་གྲོང་ཁྱེར་རྩ་འཛུགས་ཀྱི་མཐུན་སྦྱོར་བརྒྱུད་རང་སྐྱོང་ལྗོངས་སྲིད་གཞུང་གིས་སྣེ་ཁྲིད་དེ་ཨེ་མེ་ཧྲན་གྱི་ཞིང་པའི་ན་ཚ་བལྟས་ནས་འགྲོ་སོང་རྩིས་ཞུའི་གནད་དོན་ཐག་གཅོད་བྱས་པ་དང་ད་ཆ་ཨེ་མེ་ཧྲན་ནས་ཡིན་པའི་ཞིང་པ་ལས་མི་བོད་དུ་སྨན་བཅོས་བྱེད་པར་ཨེ་མེ་ཧྲན་ལ་ལོག་ནས་འགྲོ་སོང་རྩིས་ཞུ་བྱེད་པའི་སྲིད་ཇུས་ལོངས་སུ་སྤྱོད་རྒྱུ་ཡོད། དབྱང་ལི་ཅུན་གྱིས་གསར་འགོད་པར “བོད་དུ་ལས་མི་བྱེད་མཁན་ཨེ་མེ་ཧྲན་གྱི་མི་ཉུང་མཐར་ཡང་ཁྲི་ལྔ་དྲུག་ཡོད་པ་དང་ད་ཆ་ཞིང་པ་ལས་མི་ཕལ་ཆེ་བས་གྲོང་གསེབ་ཀྱི་སྨན་བཅོས་འགན་བཅོལ་ཉོས་ཡོད་ཀྱང་ཕྱིར་ལས་མི་བྱེད་པར་སྐྱོད་རྗེས་གཟིགས་སྐྱོང་སྲིད་ཇུས་དེ་དག་ང་ཚོར་ལོངས་སུ་སྤྱོད་རྒྱུ་མེད། ཏང་ཀྲི་པུའུ་ཡིས་གནས་ཚུལ་དེ་དག་ཤེས་རྗེས་དུས་ཐོག་ཏུ་ཨེ་མེ་ཧྲན་གྲོང་ཨུད་རྩ་འཛུགས་པུའུ་ལ་བརྗོད་པ་དང་ཕྱིས་སུ་ཡང་བསྐྱར་གང་སར་མཐུན་སྦྱོར་ཡོང་བ་བྱས་པས་མཐར་ང་ཚོར་གཟིགས་སྐྱོང་གི་སྲིད་ཇུས་དེ་དག་ལོངས་སུ་སྤྱོད་རྒྱུ་བྱུང་བ་དེ་ནི་ང་ཚོར་དངོས་འབྲེལ་བྱ་བ་བཟང་པོ་བསྒྲུབས་པ་ཞིག་རེད ”ཅེས་བཤད།
ཝང་ཅུན་ཡང་བོད་དུ་ལས་མི་བྱེད་པར་ཡོང་བའི་ཕྱོགས་མི་ཞིག་ཡིན་པ་དང་ཁོང་གིས “ད་ཆ་ཏང་གི་སྲིད་ཇུས་སྔར་བས་ལེགས་སུ་སོང་བ་དང་ཕྱོགས་མིའི་ཏང་ཀྲི་པུའུ་བཙུགས་ཏེ་ང་ཚོ་ཕྱོགས་ནས་ལས་མི་བྱེད་པར་ཡོང་མཁན་ཚོར་ཁྱིམ་ཚང་ཡོད་པ་ལྟར་བྱུང་བ་མ་ཟད་ཏང་གི་དྲོ་སྐྱིད་དངོས་འབྲེལ་གང་སར་མི་ཁྱབ་པ་མིན་འདུག ”ཅེས་བཤད།
ལྷ་སར་བཅའ་སྡོད་ཙེ་དབྱང་གྲོང་ཁྱེར་ཕྱོགས་མིའི་སྤྱི་ཁྱབ་ཏང་ཀྲི་པུའི་འགོ་ཁྲིད་ཀྱིས་ཕྱོགས་མིའི་ཏང་ཡོན་ལ་སློབ་སྦྱོང་དཔྱད་ཡིག་སྣ་ཚོགས་སྐྱེལ་བ།
ལྷ་སར་བཅའ་སྡོད་ཙེ་དབྱང་གྲོང་ཁྱེར་ཕྱོགས་མིའི་སྤྱི་ཁྱབ་ཏང་ཀྲི་པུའི་ཁོངས་མི་ཚོས་ཏང་གི་ཚོགས་ཆེན་བཅུ་བདུན་པའི་དགོངས་དོན་སློབ་སྦྱོང་བྱེད་བཞིན་ཡོད་པ།