བོད་ལྗོངས་ཉིན་རེའི་ཚགས་པར་ཁང་དུ་གནས་ཚུལ་འབྱོར་གསལ། ཉིན་ཤས་བསྟུད་མར་ལྷ་ས་ལྕགས་ལམ་སྤྱི་བདེ་ཁྲུའུ་ཡིས་མེ་འཁོར་བབས་ཚུགས་དང་མཐའ་འཁོར་ས་ཁུལ་གྱི་བདེ་འཇགས་སྒྲིག་ལམ་ལ་ཆེད་དོན་བཅོས་སྒྲིག་བྱས་པར་གྲུབ་འབྲས་མངོན་གསལ་དོད་པོ་ཐོབ་པ་རེད།
ད་རེས་ཀྱི་ཆེད་དོན་བཅོས་སྒྲིག་བྱེད་སྒོ་ནི་ལྷ་ས་གྲོང་ཁྱེར་སྲིད་གཞུང་གིས་མཐུན་སྦྱོར་བྱས་པ་དང་ལྷ་ས་ལྕགས་ལམ་སྤྱི་བདེ་ཁྲུའུ་ཡིས་འགོ་ཁྲིད་དེ་ལྷ་ས་གྲོང་ཁྱེར་སྤྱི་བདེ་ཅུས་དང་། ལྷ་ས་གྲོང་ཁྱེར་སྐྱེལ་འདྲེན་དོ་དམ་ཅུས། འགྲིམ་འགྲུལ་ཉེན་རྟོག་རུ་ཁག་བཅས་དང་དེ་བཞིན་སྟོད་ལུང་བདེ་ཆེན་རྫོང་དང་སྣེའུ་ཤང་སོགས་འབྲེལ་ཡོད་སྡེ་ཚན་དང་མཉམ་འབྲེལ་གྱིས་ཕྱོགས་བསྡུས་བཅོས་སྒྲིག་བྱས་པ་ཞིག་ཡིན་ཞིང་། ད་རེས་བཅོས་སྒྲིག་བྱས་པའི་དམིགས་ཡུལ་ནི་མེ་འཁོར་བབས་ཚུགས་དང་མཐའ་འཁོར་ས་ཁུལ་གྱི་བདེ་འཇགས་སྒྲིག་ལམ་ཚད་ལྡན་ཡོང་བ་བྱས་ཏེ་ཤེས་དཔལ་ལྡན་པའི་གྲོང་ཁྱེར་གྱི་སྣང་བཪྙན་སྲུང་སྐྱོང་བྱེད་པ་དང་རྒྱ་ཆེའི་ལྗོངས་རྒྱུ་བའི་ཁྲིམས་མཐུན་ཁེ་དབང་འགན་ལེན་བྱེད་རྒྱུ་དེ་ཡིན་པ་དང་། ལས་དོན་དེ་ཚན་རིག་དང་མཐུན་པ་དང་། ལུགས་མཐུན། ནུས་ལྡན་བཅས་ཀྱི་ངང་སྤེལ་ཆེད་ཕྱོགས་བསྡུས་བཅོས་སྐྱོང་འགོ་ཁྲིད་ཚོགས་ཆུང་བཙུགས་པ་དང་ཁོང་ཚོས་ཞིབ་ཚགས་དང་དོ་ནན་ངང་བརྟག་དཔྱད་བྱས་པ་བརྒྱུད 《ལྷ་ས་མེ་འཁོར་བབས་ཚུགས་དང་མཐའ་འཁོར་ས་ཁུལ་གྱི་བདེ་འཇགས་སྒྲིག་ལམ་ལ་ཆེད་དོན་བཅོས་སྒྲིག་བྱེད་པའི་ལས་ཀའི་འཆར་གཞི 》བཟོས་པ་རེད།
བཅོས་སྒྲིག་བྱས་པ་བརྒྱུད་ལྷ་ས་མེ་འཁོར་བབས་ཚུགས་དང་མཐའ་འཁོར་ས་ཁུལ་གྱི་བདེ་འཇགས་སྒྲིག་ལམ་ལེགས་སུ་ཕྱིན་ཡོད་པ་རེད།