ཟླ་11ཚེས་28ཉིན་གྱི་སྔ་དྲོ་ལྗོངས་ཡོངས་ཀྱི་བཟའ་བཏུང་ཞབས་ཞུའི་བཟའ་བཅའི་བདེ་འཇགས་ལ་མགྱོགས་མྱུར་ཞིབ་དཔྱད་བྱེད་པའི་སྒྲིག་ཆས་སྤྲོད་པ་དང་གསོ་སྦྱོང་གི་མཛད་སྒོ་ལྷ་སར་འཚོགས་ཤིང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་བདེ་སྐྱིད་མཛད་སྒོར་ཕེབས་པ་དང་འབྲེལ་གསུང་བཤད་ཀྱང་གནང་ཡོད་། དེ་དང་དུས་མཚུངས་ས་ཁུལ (གྲོང་ཁྱེར )དང་རྫོང་ཁག་ལ་བཟའ་བཏུང་ཞབས་ཞུའི་བཟའ་བཅའི་བདེ་འཇགས་ལ་མགྱོགས་མྱུར་ཞིབ་དཔྱད་བྱེད་པའི་སྒྲིག་ཆས་སྤྲད་གནང་བ་རེད།
བདེ་སྐྱིད་ཀྱིས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་སློབ་སྦྱོང་དང་། ལག་བསྟར། དོན་འཁྱོལ་བཅས་གཏིང་ཟབ་བྱ་རྒྱུ་དེ་ནི་དེང་སྐབས་དང་སླད་ཕྱིན་སྐབས་ཤིག་རིང་གི་ཆབ་སྲིད་ཀྱི་ལས་འགན་ཨང་དང་པོ་ཡིན་པས་ངེས་པར་དུ་ཚོགས་ཆེན་བཅོ་བརྒྱད་པའི་དགོངས་དོན་སློབ་སྦྱོང་དང་། ལག་བསྟར། དོན་འཁྱོལ་བཅས་ཡག་པོ་བྱས་ནས་བཟའ་བཏུང་ཞབས་ཞུའི་བཟའ་བཅའི་བདེ་འཇགས་ལས་དོན་ཏན་ཏིག་ངང་ཡག་པོ་སྒྲུབ་སྟེ་བཟའ་བཅའ་དང་སྨན་རྫས་ལྟ་སྐུལ་གྱི་བྱ་གཞག་ཚན་རིག་དང་མཐུན་པའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས་ཞེས་ནན་གསུངས་གནང་བ་རེད།