ཟླ་11ཚེས་28ཉིན་གྱི་སྔ་དྲོ་བོད་སྡོད་དཔུང་སྡེས་2012ལོ་འཁོར་གྱི་དམག་མི་གསར་ཪྙིང་གི་ཕེབས་བསུ་ཕེབས་སྐྱེལ་མཛད་སྒོ་ཐོག་མ་དེ་གོང་དཀར་གནམ་ཐང་དུ་འཚོགས་ཤིང་། ཀྲུང་གོ་གུང་ཁྲན་ཏང་སྐབས་བཅོ་བརྒྱད་པའི་ཀྲུང་དབྱང་ཨུ་ཡོན་ལྷན་ཁང་གི་ཨུ་ཡོན་དང་། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ། བོད་དམག་ཁུལ་ཁང་གི་སི་ལིན་ཡོན་བཅས་ཡིན་པའི་དབྱང་ཅིན་ཧྲན་དང་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཏུང་མིང་ཅུན་མཛད་སྒོར་ཕེབས་པ་རེད། བོད་སྡོད་དྲག་ཆས་ཉེན་རྟོག་པ་དང་མཁའ་དམག་དཔུང་སྡེའི་འཐུས་མི་དང་ས་གནས་མང་ཚོགས་ཁག་གཅིག་མཛད་སྒོར་ཞུགས་པ་རེད།

    དབྱང་ཅིན་ཧྲན་གྱིས་རང་སྐྱོང་ལྗོངས་ཏང་ཨུད་དང་བོད་དམག་ཁུལ་ཁང་ཏང་ཨུད་འགོ་ཁྲིད་ལས་ཁུངས་ཀྱི་ཚབ་ཞུས་ཏེ་དམག་མི་ཪྙིང་པར་སྤྲོ་སེམས་འཁོལ་བའི་ཕེབས་སྐྱེལ་དང་བླ་ན་མེད་པའི་གུས་འདུས་ཞུས་པ་རེད། ཁོང་གིས་དམག་ཁོངས་སུ་སྡོད་རིང་འཐབ་འཛིང་པ་ཚོས་བཅིངས་འགྲོལ་དམག་གི་སློབ་གྲྭ་ཆེ་མོ་དེའི་ནང་དམག་མིས་ཤེས་དགོས་པའི་ཆེད་ལས་ཤེས་པ་མ་ཟད། ས་གནས་ཀྱིས་ཀྱང་སྤྱོད་ཆོག་པའི་རྩལ་ནུས་སྦྱངས་ཡོད། ཚང་མས་དམག་གྲབས་དང་། སློབ་གསོ། སྦྱོང་བརྡར། དོ་དམ། ལས་རེས། ཉེན་སྐྱོབ་གེགས་སེལ། སྤྱི་ཚོགས་རིང་ལུགས་འཛུགས་སྐྲུན་ལ་རོགས་སྐྱོར་སོགས་བྱས་པ་བརྒྱུད་རྒྱལ་ཁབ་དང་ལྷག་དོན་དུ་བོད་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ཡོང་ཆེད་སྟོབས་ཤུགས་སྐྱེས་སུ་ཕུལ་ཡོད་ཅེས་གསུངས་པ་རེད། ཏུ

    ང་མིང་ཅུན་གྱིས་དམག་མི་ཪྙིང་པ་ཚོས་ཐོག་མཐའ་བར་གསུམ་དུ་མང་ཚོགས་དང་དབུགས་ལམ་གཅིག་གྱུར་དང་། བདེ་སྡུག་མཉམ་མྱོང་། གཅིག་སེམས་གཅིག་སྒྲིལ་བཅས་བྱས་པ་དང་། ཐོག་མཐའ་བར་གསུམ་དུ་བཅའ་སྡོད་བྱ་ཡུལ་ཕ་ཡུལ་དུ་བརྩི་བ་དང་མི་དམངས་ཕ་མར་བརྩིས་ནས་མཐའ་མཚམས་བརྟན་སྲུང་དང་། སྤྱི་ཚོགས་བརྟན་ལྷིང་སྲུང་སྐྱོང་། བོད་ཀྱི་དཔལ་འབྱོར་འཛུགས་སྐྲུན་ལ་ནུས་ཤུགས་འདོན་པ། རང་རྟོགས་ངང་མི་རིགས་མཐུན་སྒྲིལ་སྲུང་སྐྱོང་བྱེད་པ་བཅས་ཀྱི་ཐོག་ནས་འབྱོར་འབྲིང་བོད་ལྗོངས་དང་། དུས་བདེའི་བོད་ལྗོངས་། ཞི་མཐུན་བོད་ལྗོངས། སྣོད་བཅུད་བཟང་བའི་བོད་ལྗོངས་བཅས་འཛུགས་སྐྲུན་ཆེད་དམིགས་བསལ་གྱི་ལེགས་སྐྱེས་ཕུལ་ཡོད། ངས་རང་སྐྱོང་ལྗོངས་ཏང་ཨུད་དང་སྲིད་གཞུང་དང་མི་རིགས་ཁག་གི་མི་དམངས་ཁྲི་300ལྷག་ཙམ་གྱི་ཚབ་ཞུས་ཏེ་དམག་ཞབས་འཐིམ་པའི་དམག་མི་ཪྙིང་པ་ཚོར་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས་པ་རེད།

    མཛད་སྒོའི་ནང་ཞུགས་མཁན་དམག་ཞབས་འཐིམ་པའི་དམག་མི་ཪྙིང་པ་280ལྷག་ཙམ་གྱིས་ཕ་ཡུལ་གཉིས་པ་ནས་ཁ་བྲལ་མི་ཕོད་པའི་བརྩེ་སེམས་མཚོན་པར་བྱས་པ་རེད།