ཚེས་21 ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་ཧའོ་ཕུང་ལྷ་ས་གྲོང་ཁྱེར་ཁྲེང་ཀོན་ཆུས་ཞོལ་གྲོང་ལྷན་དང་ཞོལ་གྲོང་གསར་གྱི་དམངས་ཕན་ཉེན་རྟོག་ཞབས་ཞུའི་ས་ཚིགས་སོགས་སུ་ཕེབས་ནས་གྲོང་ཁྱེར་དྲ་བ་ཅན་གྱི་དོ་དམ་སོགས་སྤྱི་ཚོགས་དོ་དམ་དང་གསར་གཏོད་ལས་དོན་ཐད་བརྟག་ཞིབ་གནང་བ་མ་ཟད་རྒྱ་ཆེའི་ལས་དོན་པ་དང་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱི་མི་དམངས་ཉེན་རྟོག་པར་བྱམས་བརྩེའི་ངང་འཚམས་འདྲི་ཡང་གནང་ཞིང་། ཁོང་གིས་ཏང་གི་ཚོགས་ཆེན་བཅོ་བརྒྱད་པའི་སྙན་སྒྲོན་ནང་དམངས་འཚོ་ལེགས་གཏོང་དང་། དོ་དམ་དང་གསར་གཏོད་བྱེད་རིང་སྤྱི་ཚོགས་འཛུགས་སྐྱོང་ལ་ཤུགས་སྣོན་རྒྱག་རྒྱུའི་ཐད་ཀྱི་བཀོད་སྒྲིག་གསར་པ་དང་བླང་བྱ་གསར་པ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་རང་ལྗོངས་ཀྱི་སྤྱི་ཚོགས་ཚན་རིག་དང་མཐུན་པའི་ངང་དོ་དམ་བྱེད་པའི་ཆུ་ཚད་མཐོ་རུ་ཏན་ཏིག་བཏང་ཐོག་སྤྱི་ཚོགས་ཞི་མཐུན་བརྟན་ལྷིང་ལ་སྐུལ་འདེད་གཏོང་ཆེད་སྟོབས་ཤུགས་ལེགས་སྐྱེས་འབུལ་དགོས་ཞེས་ནན་བཤད་གནང་བ་རེད།
ཧའོ་ཕུང་དང་བཅས་པ་དང་ཐོག་ཁྲེང་ཀོན་ཆུས་ཞོལ་གྲོང་ལྷན་དུ་ཕེབས་ཏེ་སྡེ་ཁུལ་དྲ་བ་ཅན་གྱི་དོ་དམ་བྱས་ཚུལ་དང་དེ་བཞིན་ཕྱོགས་མིར་ཞབས་ཞུའི་དོ་དམ་ལམ་ལུགས་དོན་འཁྱོལ་བྱས་ཚུལ་ཤེས་རྟོགས་ཞིབ་ཕྲ་གནང་ཞིང་། ལས་དོན་མི་སྣས་ཞོལ་སྡེ་ཁུལ་གྲོང་ལྷན་གྱིས་ཁོངས་གཏོགས་ཁུལ་དེ་དྲ་ཚིགས་མང་པོར་བགོས་ནས་དམིགས་སའི་རང་བཞིན་གྱི་ཞབས་ཞུ་བྱེད་པ་དང་ཞིབ་ཅིང་ཕྲ་བའི་དོ་དམ་བྱས་པས་སྡེ་ཁུལ་གྲོང་མིའི་གདེང་འཇོག་ཡག་པོ་ཐོབ་ཡོད་ཅེས་ངོ་སྤྲོད་ཞུས་པ་རེད། ཧའོ་ཕུང་གིས་ངོ་སྤྲོད་གསན་རྗེས་ལས་དོན་དེར་གདེང་འཇོག་ཡག་པོ་གནང་ཞིང་། ཁོང་གིས་ན་ནིང་ཚུན་ལྷ་ས་གྲོང་ཁྱེར་གྱིས་དྲ་བ་ཅན་གྱི་དོ་དམ་བྱ་རྒྱུས་གཞི་འཛིན་ས་བྱས་ཏེ “ཁྱོན་ཡོངས་གྱི་དོ་དམ་བྱེད་པ་དང་ཆད་ལུས་མེད་པར་ཞབས་འདེགས་ཞུ་རྒྱུ ”རྒྱུན་འཁྱོངས་བྱས་ཁར་སྤྱི་ཚོགས་དོ་དམ་ལ་ཤུགས་སྣོན་དང་གསར་གཏོད་བྱས་པར་གཡུར་དུ་ཟ་བའི་གྲུབ་འབྲས་ཐོབ་པར་ཉམས་མྱོང་ཕྱོགས་སྡོམ་དང་ཁྱབ་གདལ་གཏོང་ཤུགས་ཆེ་རུ་གཏོང་རིན་ལྡན་འདུག་ཅེས་གསུངས། སྡེ་ཁུལ་གྱི་ཞབས་ཞུའི་ས་ཚིགས་སུ་ཧའོ་ཕུང་གིས་ལས་དོན་མི་སྣ་དང་བྱམས་བརྩེའི་ངང་གྲོས་མོལ་གནང་བ་དང་དམངས་ཕན་ཉེན་རྟོག་ཞབས་ཞུའི་ས་ཚིགས་ཁག་གི་ལས་དོན་སྒྲུབ་ཚུལ་བཀའ་འདྲི་ཞིབ་ཕྲ་ཞུས་ཁར་ཞབས་ཞུའི་ས་ཚིགས་ཀྱིས་སྡེ་ཁུལ་གྱི་གྲོང་མིའི་ལས་ཞུགས་དང་། སྡོད་ཁང་། རྒན་གསོ་སོགས་ཀྱི་ཆ་འཕྲིན་རྩིས་ཁྲ་བཟོས་པ་དང་དོ་དམ་ཁ་གསལ་དང་ཞབས་ཞུ་བློ་ཡིད་ཚིམ་པོ་ཡོད་པ་མཁྱེན་འཕྲལ་ཐུགས་བློ་བདེ་པོ་བྱུང་ནས་ཚང་མས་དཀའ་བ་སྤྱད་པར་ཐུགས་རྗེ་ཆེ་ཞུས་ཁར་སྡེ་ཁུལ་གྱི་ཕྱོགས་བསྡུས་དོ་དམ་ལ་སྔར་བས་ཤུགས་སྣོན་རྒྱག་པ་དང་ཞབས་ཞུའི་ལས་དོན་ཡག་པོ་སྒྲུབ་ནས་ཆ་འཕྲིན་ཅན་དང་ཚད་ལྡན་ཅན་གྱི་དོ་དམ་ཆུ་ཚད་མཐོ་རུ་གཏོང་རྒྱུའི་བླང་བྱ་བཏོན་གནང་བ་རེད།
ཀུན་བདེ་གླིང་མངགས་གཏོང་ཁང་གི་ཞོལ་སྡེ་ཁུལ་གྱི་དམངས་ཕན་ཉེན་རྟོག་ཞབས་ཞུ་ས་ཚིགས་དང་ཞོལ་གྲོང་གསར་གྱི་དམངས་ཕན་ཉེན་རྟོག་ཞབས་ཞུའི་ས་ཚིགས་སུ་ཧའོ་ཕུང་དང་བཅས་པས་ལས་འགན་སྒྲུབ་བཞིན་པའི་སྤྱི་བདེའི་མི་དམངས་ཉེན་རྟོག་པར་འཚམས་འདྲི་གནང་ཞིང་། ཧའོ་ཕུང་གིས་ཉེ་དུས་རིམ་ཁག་སྤྱི་བདེའི་ལས་ཁུངས་དང་མི་དམངས་ཉེན་རྟོག་པ་ཡོངས་ཀྱིས་ལྗོངས་ཡོངས་ཀྱི་སྤྱི་ཚོགས་བརྟན་ལྷིང་སྲུང་སྐྱོང་བྱེད་པའི་ལས་དོན་གྱི་བཪྙན་འཕྲིན་ཁ་པར་ཚོགས་འདུའི་དགོངས་དོན་ལག་བསྟར་དང་དོན་འཁྱོལ་མཐའ་གཅིག་ཏུ་བྱས་ཏེ་རིམ་ཁག་ཏང་ཨུད་དང་སྲིད་གཞུང་གི་སྟོབས་ལྡན་འགོ་ཁྲིད་འོག་ཉེན་རྟོག་པ་ཡོངས་སྐུལ་སློང་གིས་མུ་མཐུད་འབད་འཐབ་བྱས་པས་གནད་དོན་ཆེ་འབྲིང་ཆུང་གསུམ་གང་ཡང་མི་ལྷགས་པའི་དམིགས་ཚད་མངོན་འགྱུར་བྱུང་ཐོག་ཏང་གི་ཚོགས་ཆེན་བཅོ་བརྒྱད་པ་བདེ་བླག་ངང་འཚོག་རྒྱུར་ཞི་མཐུན་བརྟན་ལྷིང་གི་སྤྱི་ཚོགས་ཁོར་ཡུག་ཅིག་བཏོད་པ་དང་མི་རིགས་ཁག་གི་མང་ཚོགས་ཀྱི་བདེ་སྐྱིད་ལྡན་པའི་འཚོ་བ་འགན་ལེན་ནུས་ལྡན་བྱས་པས་ཏང་དང་མི་དམངས་ཀྱི་བྱ་གཞག་ལ་བློ་དཀར་སེམས་དཀར་བྱས་པ་མངོན་ཡོད་ཅེས་གསུངས་ཤིང་། ཁོང་གིས་ལྗོངས་ཏང་ཨུད་དང་སྲིད་གཞུང་དང་དེ་བཞིན་རང་སྐྱོང་ལྗོངས་བརྟན་ལྷིང་སྲུང་སྐྱོང་བཀོད་འདོམས་པུའི་ཚབ་ཞུས་ཏེ་བརྟན་ལྷིང་སྲུང་སྐྱོང་གི་འཐབ་ས་མདུན་མ་བརྟན་སྲུང་བྱེད་མཁན་རྒྱ་ཆེའི་མི་དམངས་ཉེན་རྟོག་པར་འཚམས་འདྲི་དང་སྙིང་དབུས་ནས་ཐུགས་རྗེ་ཆེ་ཞུས་པ་རེད།
ཧའོ་ཕུང་གིས་རིམ་ཁག་སྤྱི་བདེ་ལས་ཁུངས་དང་རྒྱ་ཆེའི་སྤྱི་བདེའི་མི་དམངས་ཉེན་རྟོག་པར་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར། དོན་འཁྱོལ་བཅས་བྱ་རྒྱུ་སྒུལ་ཤུགས་ཆེན་པོར་བརྩིས་ཏེ་སྤྱི་ཚོགས་ཞི་མཐུན་བརྟན་ལྷིང་སྲུང་སྐྱོང་བྱ་རྒྱུའི་སྐོར་གྱི་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་ཁག་ལ་གཞིགས་ནས “དྲ་བ་ཅན་ལ་དོ་དམ་བྱེད་པ་དང་ཆད་ལུས་མེད་པར་ཞབས་ཞུ་བྱེད་པའི ”བསམ་ཕྱོགས་ལྟར་དམངས་དོན་དུ་ཁྲིམས་འཛིན་བྱ་རྒྱུ་རྒྱུན་འཁྱོངས་བྱེད་པ་དང་། དམངས་ལ་སྟབས་བདེ་དང་དམངས་ལ་ཕན་པ་སྐྲུན་རྒྱུ་མངོན་གསལ་དོད་པོ་ཡོང་བ་བྱེད་པ། ཡ་རབས་ངང་ཁྲིམས་འཛིན་བྱེད་པ། ཚད་ལྡན་ངང་ཁྲིམས་འཛིན་བྱེད་པ། དྲང་བདེན་ཡིན་ལ་ཞིབ་ཅིང་ཕྲ་བའི་དོ་དམ་དང་ཞབས་ཞུ་བཅས་ལ་བརྟེན་ནས་བརྟན་ལྷིང་སྲུང་སྐྱོང་གི་ལས་དོན་ལ་སྤྱི་ཚོགས་ལས་རིགས་ཁག་གིས་བསམ་ཤེས་དང་རྒྱབ་སྐྱོར་ཐོབ་པ་བྱེད་དགོས། འབད་འབུངས་སྟོབས་བརྩོན་དང་ལྷོད་གཡེང་ཁྱད་བསད་བྱེད་པའི་བསམ་བློ་མུ་མཐུད་རྒྱུན་འཁྱོངས་བྱས་ཏེ་གྲོང་ཁྱེར་དང་གྲོང་རྡལ་གྱི་སྡེ་ཁུལ་དྲ་བ་ཅན་དོ་དམ་བྱེད་ལམ་འཐུས་ཚང་དུ་གཏོང་བ་དང་བརྟན་ལྷིང་སྲུང་སྐྱོང་བྱེད་པའི་ལས་དོན་ཧུར་ཐག་སྒྲུབ་ནས་ཁྱོན་ཡོངས་བརྟན་ལྷིང་དང་ལོ་ཧྲིལ་པོ་བརྟན་ལྷིང་ཡོང་བའི་དམིགས་ཚད་མངོན་འགྱུར་ཡོང་ཆེད་སྟོབས་ཤུགས་ལེགས་སྐྱེས་སུ་འབུལ་དགོས་ཞེས་ནན་བཤད་གནང་བ་རེད།