ཟླ་11ཚེས་11ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་ལྗོངས་ཏང་ཨུད་སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་ཏེང་ཞའོ་ཀང་གིས་ལྷ་ས་མེ་འཁོར་བབས་ཚུགས་དང་། ལྷ་ས་ལྕགས་ལམ་ཟམ་ཆེན་ཆེ་ཤོས། ལྷ་ས་ཟོག་འདྲེན་བབས་ཚུགས་ནུབ་མ། སྟོད་ལུང་བདེ་ཆེན་རྫོང་ཀའོ་ཐེན་ལམ་སྲུང་ས་ཚིགས་བཅས་སུ་ཕེབས་ནས་ལྕགས་ལམ་གྱི་ལས་བྱེད་ལས་བཟོ་དང་དེ་བཞིན་ལས་སྒྲུབ་སྤྱི་བདེའི་མི་དམངས་ཉེན་རྟོག་པ་དང་། དྲག་ཆས་ཉེན་རྟོག་དཔོན་དམག ལམ་སྲུང་རུ་མི་བཅས་ལ་གཟིགས་པ་མ་ཟད་འཚམས་འདྲིའང་གནང་ནས་ཏང་གི་ཚོགས་ཆེན་བཅོ་བརྒྱད་པ་འཚོགས་རིང་གི་བརྟན་ལྷིང་སྲུང་སྐྱོང་དང་ལྕགས་ལམ་ལམ་སྲུང་མཉམ་འགོག་ལས་དོན་ལ་ལྟ་སྐུལ་མཛུབ་ཁྲིད་དང་ཞིབ་བཤེར་གནང་ནས་མིག་སྔའི་མཚོ་བོད་ལྕགས་ལམ་གྱི་བདེ་འཇགས་སྲུང་སྐྱོང་ལས་དོན་ཐད་སླར་ཡང་ནན་བཤད་དང་བཀོད་སྒྲིག་གནང་ཞིང་། ཁོང་གིས་མཚོ་བོད་ལྕགས་ལམ་ལམ་རྒྱུད་ཀྱི་རིམ་པ་ཁག་དང་། སྡེ་ཚན་ཁག ཚན་པ་ཁག་བཅས་ཀྱིས་འགན་འཁྲིའི་འདུ་ཤེས་ཟབ་ཏུ་ཏན་ཏིག་གཏོང་བ་དང་། བདེ་འཇགས་འགོག་སྲུང་གི་བྱ་ཐབས་ལ་ཤུགས་སྣོན་རྒྱག་པ། ཐོལ་བྱུང་གནད་དོན་ཐག་གཅོད་ཀྱི་ནང་སྦྱོང་བྱ་རྒྱུར་ཤུགས་སྣོན་རྒྱག་པ་བཅས་བྱས་ཏེ “གནས་ཚུལ་ཆེ་འབྲིང་ཆུང་གསུམ་གང་ཡང་མི་ལྷགས་པ ”དམིགས་ཚད་དུ་བྱས་ནས་བདེ་འཇགས་འགོག་སྲུང་གི་འཛིང་རགས་བརྟན་པོ་བསྐྲུན་ཐོག་མཚོ་བོད་ལྕགས་ལམ་བདེ་འཇགས་ངང་ཤར་གཏོང་ཐུབ་རྒྱུར་འགན་ལེན་བྱེད་དགོས་པའི་བླང་བྱ་བཏོན་གནང་བ་རེད།
རང་སྐྱོང་ལྗོངས་སྲིད་གཞུང་གི་ཏང་ཙུའི་ཁོངས་མི་ལྗོངས་འཕེལ་སྒྱུར་ཨུ་ཡོན་ལྷན་ཁང་གི་ཀྲུའུ་རེན་ཅིན་ཧྲི་ཞུན་གྱིས་ཕེབས་རོགས་ཞུས་ཡོད་པ་རེད།