ཟླ་11ཚེས་4ཉིན་གྱི་སྔ་དྲོ་ལྗོངས་ཏང་ཨུད་ཀྱི་རྒྱུན་ཨུ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཏེང་ཞའོ་ཀང་རྒྱལ་ཁབ་རླུང་འཕྲིན་བཪྙན་འཕྲིན་སྤྱི་ཁྱབ་ཅུས་ཀྱི་ལས་སྟེགས་202དང་། ནུབ་འདབས་འཐུང་ཆུ་གཏོང་ཡུལ། ཀུན་བདེ་གླིང་སྣུམ་སྣོན་ས་ཚིགས། ཐེན་ལུའུ་གསོ་རླུང་བཟོ་གྲྭའི་བྲིན་ཚོང་པུའུ་བཅས་སུ་ཕེབས་ཏེ་ཚོགས་ཆེན་བཅོ་བརྒྱད་པའི་བརྟན་ལྷིང་སྲུང་སྐྱོང་དང་བདེ་འཇགས་འགན་སྲུང་གི་ལས་དོན་ལ་ལྟ་སྐུལ་ཞིབ་བཤེར་གནང་བ་དང་ལས་སྒྲུབ་དྲག་ཆས་ཉེན་རྟོག་པའི་དཔོན་དམག་དང་། སྲིད་ཁྲིམས་ཀྱི་ལས་བྱེད་ཉེན་རྟོག་པ་དང་ལས་གནས་བརྟན་སྲུང་གནང་བཞིན་པའི་ལས་བྱེད་པ་དང་ལས་བཟོ། ལས་རེས་སྣེ་ཁྲིད་པ་དང་ལས་རེས་པ་བཅས་ལ་བྱམས་བརྩེའི་འཚམས་འདྲི་གནང་ཐོག་ཆད་ལུས་དང་། མི་འདང་བའི་ཆ་ཡོད་མེད། དོན་འཁྱོལ་བྱེད་མིན་ལ་དམིགས་ཏེ་རང་འཁྲིའི་ལས་འགན་ཡག་པོ་སྒྲུབ་དགོས་པ་དང་དེང་སྐབས་བརྟན་ལྷིང་སྲུང་སྐྱོང་གི་ལས་དོན་དམ་འཛིན་ཏན་ཏིག་བྱེད་དགོས་པའི་སྐོར་ནན་བཤད་བསྐྱར་མ་དང་བཀོད་སྒྲིག་ཡང་ཡང་གནང་ཞིང་། ཁོང་གིས་དེང་སྐབས་ཀྱི་བརྟན་ལྷིང་སྲུང་སྐྱོང་གི་ལས་དོན་ཡག་པོ་སྒྲུབ་དགོས་པའི་སྐོར་གྱི་རང་སྐྱོང་ལྗོངས་ཏང་ཨུད་ཀྱི་ཐབས་ཇུས་དང་བཀོད་སྒྲིག་རབ་དང་རིམ་པ་ལས་ཁུངས་ཁག་གིས་ངེས་པར་དུ་ལག་བསྟར་དོན་འཁྱོལ་བྱེད་དགོས་པ་དང་བརྟན་ལྷིང་སྲུང་སྐྱོང་གི་བྱ་ཐབས་དོན་འཁྱོལ་བྱ་རྒྱུར་དམ་འཛིན་བྱས་ནས “གནས་ཚུལ་ཆེ་འབྲིང་ཆུང་གསུམ་མི་ཐོན་པ ”འགན་ལེན་མཐའ་གཅིག་ཏུ་བྱས་པ་བརྒྱུད་གཡུར་ཟའི་གྲུབ་འབྲས་ཐོག་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་སྐོང་ཚོགས་བྱ་རྒྱུར་བསུ་བ་ཞུ་དགོས་པའི་ནན་གསུངས་གནང་བ་རེད།

    ཏེང་ཞའོ་ཀང་གིས་ད་སྐབས་རང་ལྗོངས་ཀྱི་ཚོགས་ཆེན་བཅོ་བརྒྱད་པའི་བརྟན་ལྷིང་སྲུང་སྐྱོང་དང་བདེ་འཇགས་འགན་སྲུང་གི་ལས་དོན་སྒོ་ཀུན་ནས་སྒྲུབ་པའི་འགག་སྒྲོལ་གྱི་དུས་མཚམས་སུ་སླེབས་ཡོད་པས་ཪྙོག་འཛིང་ཆེ་བའི་བརྟན་ལྷིང་སྲུང་སྐྱོང་ལས་དོན་གྱི་དུས་བབ་དང་དཀའ་ཚེགས་ལྡན་ལ་ལྗིད་རྫོབས་ཆེ་བའི་ལས་འགན་ལ་དམིགས་ནས་རིམ་ཁག་སྡེ་ཚན་གྱིས་ངེས་པར་དུ་འགན་འཁུར་བ་ཨང་དང་པོའི་འདུ་ཤེས་དང་ལས་དོན་ཡག་པོ་སྒྲུབ་པའི་བསམ་བློ་བརྟན་པོ་འཛུགས་པ་དང་། ཁོངས་གཏོགས་དོ་དམ་གྱི་འགན་འཁྲི་དོན་འཁྱོལ་བྱེད་པ། རང་སྐྱོང་ལྗོངས་ཏང་ཨུད་དང་སྲིད་གཞུང་གིས་གཏན་ལ་ཕབ་པའི་བཀོད་སྒྲིག་ལ་ནན་པོར་གཞིགས་པ། ཐམས་ཅད་བརྟན་ལྷིང་ལ་དམིགས་པ་དང་ཐམས་ཅད་བརྟན་ལྷིང་ལ་ཞབས་འདེགས་ཞུ་བ་བཅས་ཀྱི་སྒོ་ནས་ལས་ཀའི་བྱ་ཐབས་ཁག་ལ་ཞིབ་བཤེར་དང་དོན་འཁྱོལ་ཡང་ཡང་བྱེད་དགོས་པའི་ནན་གསུངས་གནང་བ་རེད།