ཚེས་23ཉིན་གྱི་ཕྱི་དྲོ་ལྗོངས་ཏང་ཨུད་ཀྱི་རྒྱུན་ཨུ་ཆབ་མདོ་ས་ཨུད་ཀྱི་ཧྲུའུ་ཅི་ནོར་བུ་དོན་གྲུབ་ཀྱིས་ལྗོངས་ཏང་ཨུད་དྲིལ་བསྒྲགས་པུའི་སྐོར་གཟིགས་པ་ལྗོངས་རྨང་བརྟན་དམངས་ཕན་གཞུང་ལས་ཁང་གི་ཀྲུའུ་རེན་གཞོན་པ་གངས་ཆེན་གྱིས་ཚོགས་གཙོ་གནང་བའི་ལྗོངས་ཡོངས་ཀྱི་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་བྱེད་སྒོའི་དཔའ་བོ་དཔེ་བཟང་མི་སྣའི་སྔོན་ཐོན་བྱས་རྗེས་སྙན་ཞུ་ཚོགས་པར་མཇལ་འཕྲད་གནང་བ་རེད།
ནོར་བུ་དོན་གྲུབ་ཀྱིས་སྙན་ཞུ་ཚོགས་པ་ཆབ་མདོར་ཆེད་མངགས་སྙན་ཞུ་བྱེད་པར་ཡོང་བར་ཐུགས་རྗེ་ཆེ་ཞུས་གནང་བ་དང་ཆབས་ཅིག་རྨང་བརྟན་དམངས་ཕན་བྱེད་སྒོའི་ཁྲོད་ལེགས་སྐྱེས་མངོན་གསལ་དོད་པོ་ཕུལ་མཁན་དང་རྩ་ཆེའི་ཚེ་སྲོག་ལེགས་སྐྱེས་སུ་ཕུལ་མཁན་དཔའ་བོ་དཔེ་བཟང་ཚོར་བླ་ན་མ་མཆིས་པའི་གུས་འདུད་ཞུས་པ་མ་ཟད། གཞི་རིམ་གྱི་འཐབ་ཕྱོགས་དང་པོ་བརྟན་སྲུང་དང་སྐད་གྲགས་མེད་པར་འབད་འཐབ་དང་ལེགས་སྐྱེས་ཕུལ་མཁན་གྱི་གྲོང་ཚོར་བཅའ་སྡོད་ལས་དོན་རུ་ཁག་གི་རྒྱ་ཆེའི་རུ་མི་ཚོ་དང་ཁོང་ཚོའི་ནང་མིར་ལྷག་བསམ་ཟོལ་མེད་ཀྱི་འཚམས་འདྲི་ཞུས་གནང་བ་རེད།
ནོར་བུ་དོན་གྲུབ་ཀྱིས་ཆབ་མདོའི་ལས་དོན་ཚོགས་འདུ་དེ་ལོ་རྒྱུས་ཀྱི་དུས་སྐབས་གསར་པ་དང་འཕེལ་རྒྱས་ཀྱི་འགོ་འཛུགས་ས་གསར་པའི་ཐོག་ཆབ་མདོ་དེ་ལྗོངས་ཡོངས་དང་གོམ་སྟབས་གཅིག་མཚུངས་ཐོག་འབྱོར་འབྲིང་སྤྱི་ཚོགས་ཀྱི་ཕྱོགས་སུ་བསྐྱོད་པ་དང་ཆབ་མདོའི་ཞི་མཐུན་བརྟན་ལྷིང་འགན་ལེན་གྱི་འགག་རྩའི་དུས་སུ་འཚོགས་པའི་ཚོགས་འདུ་གལ་ཆེན་ཞིག་ཡིན་པ་དང་དེར་ལམ་ཚད་རྡོ་རིང་གི་དོན་སྙིང་ལྡན་ཡོད་པས་ཆབ་མདོའི་མི་དམངས་ལ་སྔར་བས་བསམ་བློར་བཅིངས་འགྲོལ་གཏོང་བ་དང་གོ་སྐབས་དམ་འཛིན་བྱེད་པ་དང་སྔར་བས་དངོས་སྒྲུབ་ཀྱི་ལས་ཀའི་སྤྱོད་ཚུལ་དང་སྔར་བས་ནུས་ལྡན་གྱི་བྱ་ཐབས་ལ་བརྟེན་ནས་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་སྤེལ་མགྱོགས་པོ་གཏོང་རྒྱུར་ལྕག་སྐུལ་ཆེན་པོ་ཐེབས་ངེས་རེད། ཆབ་མདོའི་མི་རིགས་ཁག་གི་ལས་བྱེད་པ་དང་མང་ཚོགས་ཚོས་གོ་སྐབས་གང་ལེགས་སྤྱད་དེ་དཔའ་བོ་དཔེ་བཟང་གི་བྱས་རྗེས་ལ་བརྟེན་ནས་རང་ངོས་ལ་ལྕག་སྐུལ་གཏོང་བ་དང་འབད་འབུངས་ཡར་བརྩོན་གྱི་སྙིང་སྟོབས་ལ་བརྟེན་ནས་གཙང་གསུམ་ནགས་ཁུལ་གྱི་ས་གཞི་ཆེན་པོ་དེ་སྔར་བས་གང་མགྱོགས་འཛུགས་སྐྲུན་ཡག་པོ་བྱ་རྒྱུའི་ཆོད་སེམས་ཡོད་ཅེས་ནན་བཤད་གནང་བ་རེད།