ཟླ་10ཚེས་17ཉིན་གྱི་སྔ་དྲོར་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་བདེ་སྐྱིད་ཀྱིས་ལྗོངས་དབང་པོ་སྐྱོན་ཅན་ལས་ཞུགས་ཞབས་ཞུ་ལྟེ་གནས་སུ་ཕེབས་ནས་ལྗོངས་དབང་པོ་སྐྱོན་ཅན་ཁ་བཏགས་འཁེལ་འཐག་ལས་ཞུགས་དབུལ་སྐྱོར་རྟེན་གཞིར་གཟིགས་ཞིབ་གནང་བ་དང་རང་ལྗོངས་ཀྱི་དབང་པོ་སྐྱོན་ཅན་ལས་རིགས་རྩལ་ནུས་གསོ་སྦྱོང་དང་ལས་ཞུགས་ལས་དོན་སོགས་ཀྱི་གནས་ཚུལ་མཁྱེན་རྟོགས་གནང་བ་མ་ཟད། ད་དུང་རང་ལྗོངས་ཀྱི་དབང་པོ་སྐྱོན་ཅན་གྱི་ལས་ཞུགས་ལས་དོན་ཡག་པོ་བསྒྲུབ་རྒྱུའི་ཐད་ཞིབ་ཕྲའི་བླང་བྱའང་བཏོན་གནང་བ་རེད།