ཟླ་9ཚེས 25ཉིན་གྱི་ཕྱི་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧྲུའུ་ཅི་ཆེ་དགྲ་ལྷ་ལྷ་ས་གྲོང་ཁྱེར་སྣེའུ་ཁུལ་གསར་དུ་ཕེབས་ནས་བརྟག་ཞིབ་གནང་བ་དང་འབྲེལ་གྲོང་ཨུད་དང་གྲོང་ཁྱེར་སྲིད་གཞུང་གི་ཚབ་ཞུས་ནས་ཁུལ་གསར་གྱི་ལས་བྱེད་པ་དང་ལས་བཟོ་ཚོར་བརྒྱད་པའི་བཅོ་ལྔའི་དུས་ཆེན་དང་རྒྱལ་སྟོན་དུས་ཆེན་གྱི་བྱམས་བརྩེའི་འཚམས་འདྲི་གནང་ཞིང་། ཁོང་གིས་གོ་སྐབས་དམ་བཟུང་དང་བབ་བསྟུན་འཕྲལ་སྒྲུབ་ཀྱིས་སྣེའུ་ཁུལ་གསར་དེ་བོད་ཀྱི་དེང་རབས་ཅན་གྲོང་ཁྱེར་གྱི་དཔེ་སྟོན་ཁུལ་ཞིག་ཏུ་འཛུགས་སྐྲུན་བྱེད་དགོས་པའི་བླང་བྱ་བཏོན་གནང་བ་རེད།
ཆེ་དགྲ་ལྷས་གྲོང་ཁྱེར་གྱི་ལྟེ་བ་ཕལ་པའི་གྲས་ཤིག་ཏུ་བསྐྲུན་རྒྱུའི་བླང་བྱ་གཞིར་བཟུང་སྔོན་གཏན་འཁེལ་བའི་དམིགས་ཚད་ལ་འགྱུར་ལྡོག་མི་གཏོང་བ་དང་ཁུལ་གསར་འཕེལ་རྒྱས་ཀྱི་གནས་བབ་ལ་འགྱུར་ལྡོག་མི་གཏོང་བར་ཐོག་མཐའ་བར་གསུམ་དུ་འཆར་བཀོད་ལག་བསྟར་དང་དོན་འཁྱོལ་ལ་དམ་འཛིན་བྱས་ནས་འཕེལ་རྒྱས་དང་མི་འཚོ་སྡོད་ཀྱི་ཁོར་ཡུག་ལེགས་པོ་ཞིག་གཏོད་པ་དང་། ལས་ཀའི་སྒྲིག་སྲོལ་དང་ལམ་སྲོལ་ཐད་སྔོན་བཟོ་སྔོན་ཚོད་བྱས་ཏེ་སྒུག་རྟེན་མི་བྱེད་པ་དང་། འགན་ནུས་སྔར་བས་མཐུན་སྦྱོར་ཡོང་བ་བྱེད་པ། འཕེལ་རྒྱས་ཀྱི་དཀའ་གནད་སེལ་བ་བཅས་བྱས་ཏེ་ཁུལ་གསར་འཕེལ་རྒྱས་དང་འཚམས་པའི་ལམ་བུ་གསར་པ་འཚོལ་ཞིབ་བྱེད་པ། ཁུལ་གསར་འཛུགས་སྐྲུན་ཐད་དངུལ་རྩའི་སྒྲིག་གཞི་སོགས་དེང་རབས་ཞབས་ཞུའི་ལས་རིགས་བསྐྲུན་རྒྱུ་དང་ཟུང་འབྲེལ་བྱས་ནས་མི་འགྲུལ་དང་། ཟོག་འགྲུལ། དངུལ་འགྲུལ་བཅས་གཅིག་སྡུད་ཡོང་བ་བྱེད་པ། སྤྱོད་ཚུལ་དང་འདུ་ཤེས་ལ་འགྱུར་ལྡོག་བཏང་ནས་ལས་ཕྱོད་ཆེ་རུ་གཏོང་བ་དང་མཐུན་སྒྲིལ་འབད་འཐབ་བྱས་ཏེ་ཁུལ་གསར་གྱིས་འདི་ལོ་གྲོང་ཨུད་དང་གྲོང་ཁྱེར་སྲིད་གཞུང་གིས་གཏན་འཁེལ་བྱས་པའི་དམིགས་ཚད་དང་ལས་འགན་ཕུན་སུམ་ཚོགས་པོའི་ངང་ལེགས་གྲུབ་ཐུབ་པའི་འགན་ལེན་བྱེད་དགོས་པའི་བླང་བྱ་བཏོན་གནང་བ་རེད།