ཟླ་9ཚེས་21ཉིན་གྱི་ཕྱི་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་ཧའོ་ཕུང་གིས་ནང་སོག་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་ཝུའུ་ལན་བཅས་པ་དང་མཇལ་འཛོམས་གནང་བ་རེད།

    རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་ཏུང་ཡུན་ཧུའུ་ཡིས་ལྷན་དུ་མཇལ་འཛོམས་གནང་བ་རེད། ཧའོ་ཕུང་གིས་དང་ཐོག་རང་སྐྱོང་ལྗོངས་ཏང་ཨུད་དང་སྲིད་གཞུང་དང་ལྗོངས་ཡོངས་ཀྱི་མི་རིགས་ཁག་གི་མི་དམངས་ཁྲི་30ཡི་ཚབ་ཞུས་ཏེ་ཝུའུ་ལན་གྱིས་ཚོགས་པའི་སྣེ་ཁྲིད་དེ་བོད་དུ་ལས་དོན་རྟོག་ཞིབ་དང་མཛུབ་ཁྲིད་གནང་བར་ཕེབས་པར་སྤྲོ་སེམས་འཁོལ་བའི་དགའ་བསུ་ཞུས་གནང་བ་དང་འབྲེལ་རང་ལྗོངས་ཀྱི་གཞི་རྩའི་གནས་ཚུལ་ངོ་སྤྲོད་གནང་བ་རེད།

    ཧའོ་ཕུང་གིས་བོད་དང་ནང་སོག་གཉིས་མེས་རྒྱལ་གྱི་མཐའ་མཚམས་སུ་གནས་ཤིང་དུས་ཡུན་རིང་པོའི་ནང་མཛའ་གྲོགས་ཟབ་མོ་ཆགས་ཡོད་པ་དང་། སྤུན་ཟླའི་རང་སྐྱོང་ལྗོངས་ཤིག་ཡིན་པའི་ངོས་ནས་ང་ཚོས་ཉེ་ལམ་ལོ་ཤས་ནང་ནང་སོག་ལ་དཔལ་འབྱོར་དང་སྤྱི་ཚོགས་ཕྱོགས་ཁག་ཐད་ཐོབ་པའི་འཕེལ་རྒྱས་གསར་པ་དང་ཡར་རྒྱས་གསར་པར་སེམས་གཏིང་ནས་ཡིད་སྨོན་སྐྱེ་བ་དང་དགའ་པོ་ཡོང་གི་འདུག བོད་དང་ནང་སོག་གི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་འདྲ་བའི་ཆ་དང་མཐུན་ས་མང་པོ་ཡོད་པས་རེ་བར་ཕྱོགས་གཉིས་པོས་སློབ་སྦྱོང་དང་སྤེལ་རེས་ལ་སྔར་བས་ཤུགས་སྣོན་བརྒྱབ་སྟེ་སྐྱོན་སྤོང་དགེ་སྒྲུབ་ཀྱིས་ཐུན་མོང་ཐོག་ལས་ཀའི་ཆུ་ཚད་རྒྱུན་ཆད་མེད་པར་མཐོ་རུ་འགྲོ་རྒྱུར་སྐུལ་འདེད་གཏོང་དགོས་ཞེས་གསུངས་པ་རེད།

    ཝུའུ་ལན་གྱིས་ད་རེས་བོད་དུ་རྟོག་ཞིབ་དང་བརྟག་ཞིབ་བྱེད་པར་ཡོང་བའི་གནས་ཚུལ་ངོ་སྤྲོད་མདོར་བསྡུས་གནང་བ་དང་འབྲེལ་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐོབ་པའི་གྲུབ་འབྲས་མངོན་གསལ་དོད་པོར་རྟེན་འབྲེལ་ཞུས་གནང་ཞིང་། ཁོང་གིས་ཕྱོགས་གཉིས་པོས་དྲིལ་བསྒྲགས་དང་རིག་གནས་བྱ་གཞག་སོགས་ལས་དོན་ཁག་གི་མཉམ་ལས་དང་སྤེལ་རེས་ལ་མུ་མཐུད་ཤུགས་སྣོན་བརྒྱབ་སྟེ་མཉམ་ལས་ཀྱི་ཁྱབ་ཁོངས་རྒྱུན་ཆད་མེད་པར་ཆེ་རུ་གཏོང་བ་དང་མཉམ་ལས་ཀྱི་རིམ་པ་གཏིང་ཟབ་ཏུ་བཏང་ནས་དཔལ་འབྱོར་དང་སྤྱི་ཚོགས་སྐྱོན་བྲལ་ངང་མགྱོགས་མྱུར་འཕེལ་རྒྱས་འགྲོ་རྒྱུར་ཐུན་མོང་ཐོག་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས་པ་རེད།

    རང་སྐྱོང་ལྗོངས་ཏང་ཨུད་ཀྱི་དྲུང་ཆེ་ལྗོངས་ཐད་གཏོགས་ལས་ཁུངས་ལས་དོན་ཨུ་ལྷན་གྱི་ཧྲུའུ་ཅི་ཝང་རུའེ་ལན་མཇལ་འཛོམས་གནང་སྐབས་ལྷན་དུ་ཕེབས་ཡོད་པ་རེད།

    བོད་དུ་བཞུགས་རིང་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཁྲེན་ཆོན་གོས་ཝུའུ་ལན་བཅས་པ་དང་མཇལ་འཛོམས་གནང་བ་རེད།