ཟླ་9ཚེས་22ཉིན་གྱི་ཕྱི་དྲོ 《བོད་རང་སྐྱོང་ལྗོངས་ཀྱི་བྱུང་རབས་ནང་ཚན་ཞིབ་དཔྱོད་བྱུང་རབས 》ཀྱི་མཐའ་མའི་ཞིབ་དཔྱད་ཚོགས་འདུ་ལྷ་སར་འཚོགས་པ་རེད།
རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་བློ་བཟང་རྒྱལ་མཚན་དང་རང་སྐྱོང་ལྗོངས་མི་དམངས་ཞིབ་དཔྱོད་ཁང་གི་ཅན་ཁྲ་ཀྲང་ཀྲང་ཕེ་ཀྲུང་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།
བློ་བཟང་རྒྱལ་མཚན་གྱིས་བོད་ས་གནས་ཀྱི་བྱུང་རབས་ནི་རྒྱལ་ཡོངས་ས་གནས་བྱུང་རབས་ཀྱི་གྲུབ་ཆ་གལ་ཆེན་ཞིག་ཡིན། རང་སྐྱོང་ལྗོངས་ཏང་ཨུད་དང་སྲིད་གཞུང་གིས་བྱུང་རབས་བཟོ་བཅོས་རྒྱག་པའི་ལས་དོན་ལ་མཐོང་ཧ་ཅང་ཆེན་པོ་གནང་ནས་ཆེད་མངགས་ལས་དོན་སྒྲིག་གཞི་བཙུགས་ཁར་མི་ཤུགས་དང་ནོར་ཤུགས་འདང་ངེས་བཏང་སྟེ་ས་གནས་ཀྱི་བྱུང་རབས་རྩོམ་སྒྲིག་བྱེད་པའི་ལས་དོན་ལ་རྒྱབ་སྐྱོར་གནང་ཡོད། བྱུང་རབས་དེ་དག་ནང་གི་ཆེད་ལས་ཀྱི་བྱུང་རབས་མང་ཆེ་བ་ནི་ལོ་རྒྱུས་ཐོག་ཐེངས་དང་པོ་ཡིན་པས་སྟོང་ཆ་གསར་པ་སྐོང་བ་དང་ལོ་རྒྱུས་གསར་པ་གཏོད་རྒྱུར་དོན་སྙིང་གལ་ཆེན་ལྡན་ཡོད། གོང་ཚེས་ཉིན་མཐའ་མའི་ཞིབ་དཔྱད་ཐོབ་པའི 《བོད་རང་སྐྱོང་ལྗོངས་ཀྱི་བྱུང་རབས་ནང་ཚན་ཞིབ་དཔྱོད་བྱུང་རབས 》ནི་དེའི་ཁྲོད་ཀྱི་རྩོམ་སྒྲིག་ཐོག་མ་བྱས་པའི་ཆེད་ལས་འབྱུང་རབས་ཤིག་ཡིན་ཞེས་གསུངས་པ་རེད།
བློ་བཟང་རྒྱལ་མཚན་གྱིས་བྱུང་རབས་སྒྲིག་བཟོ་བྱེད་མཁན་ཚོས་ངེས་པར་དུ་སྔོག་འདོན་གཏིང་ཟབ་དང་། ཕྱོགས་བསྡུས་ནན་ཏན། ཁྱོན་ཡོངས་ནས་མཚོན་པ། དོན་དངོས་ལྟར་འབྲི་བ་བཅས་བྱེད་དགོས། ངེས་པར་དུ་སེམས་པ་གནས་ཐུབ་པ་དང་། བརྩོན་ཞིབ་ཐུབ་པ། ཡུལ་པོ་བཟོད་ཐུབ་པ། ལེགས་སྐྱེས་འབུལ་བ། ལྷག་བསམ་མངོན་པ། འགན་འཁྲི་སྒྲུབ་པ་བཅས་བྱས་ཏེ་ཚད་མཐོའི་སྤྱི་ཚོགས་ཀྱི་འགན་འཁྲིའི་ཁུར་སེམས་དང་ལོ་རྒྱུས་ཀྱི་བྱ་གཞག་སྒྲུབ་སེམས་ཐོག་ནས་སྲིད་སྐྱོང་མི་སྐྱོང་དང་ཇི་སྲིད་བར་ཉར་ཚགས་བྱེད་པའི་ལས་དོན་དེ་ལེགས་ལ་གཏིང་ཟབ་པ་དང་ཞིབ་ཚགས་ཏན་ཏིག་ངང་སྒྲུབ་དགོས། རིམ་ཁག་འགོ་ཁྲིད་དང་སྡེ་ཚན་གྱིས་བྱུང་རབས་བཟོ་བཅོས་རྒྱག་པའི་ལས་དོན་ནང་འཕྲད་པའི་དཀའ་ངལ་དང་གནད་དོན་ཐག་གཅོད་ཏན་ཏིག་བྱེད་པ་དང་བྱུང་རབས་བཟོ་བཅོས་རྒྱག་མཁན་འཚར་ལོངས་དང་ཡར་རྒྱས་ཡོང་རྒྱུར་སེམས་ཁུར་ཏན་ཏིག་བྱས་ནས་ཁོང་ཚོ་བློ་གཅིག་སེམས་གཅིག་ངང་ཕན་ཡོད་ཀྱི་ལས་ཀ་དེའི་ནང་ཞུགས་ཐུབ་རྒྱུའི་ཐུགས་རེ་གནང་བ་རེད།
ཀྲང་ཕེ་ཀྲུང་གིས་གོང་ཚེས་ཉིན་ཞིབ་དཔྱད་མཐའ་མ་བྱས་པའི 《བོད་རང་སྐྱོང་ལྗོངས་ཀྱི་བྱུང་རབས་ནང་ཚན་ཞིབ་དཔྱོད་བྱུང་རབས 》ཀྱི་དཀར་ཆག་བསྒྲིགས་པ་དང་རིགས་དབྱེ་བའི་ལས་དོན་ཐད་ཞིབ་དཔྱོད་ལས་ཁུངས་ཀྱི་ལས་རིགས་ཁྱད་ཆོས་ལ་བརྩི་སྲུང་ནན་པོ་བྱས་ནས་ཚན་རིག་དང་མཐུན་པ་དང་ཁྱོན་ཡོངས་ནས་བོད་ཀྱི་ཞིབ་དཔྱོད་ལས་དོན་འཕེལ་རྒྱས་ཀྱི་ཁྱད་ཆོས་མངོན་ཡོད། བྱུང་རབས་སྒྲིག་བཟོ་བྱེད་པའི་ལས་དོན་ལེགས་གྲུབ་བྱུང་བ་དེས་བོད་ཀྱི་ཞིབ་དཔྱོད་བྱ་གཞག་འཕེལ་རྒྱས་ལ་སྔར་བས་སྐུལ་འདེད་གཏོང་རྒྱུར་ལོ་རྒྱུས་ཀྱི་དཔྱད་གཞིའི་མེ་ལོང་མཁོ་འདོན་དང་ལྗོངས་ཡོངས་ཀྱི་ཞིབ་དཔྱོད་ལས་བྱེད་ཉེན་རྟོག་པའི་སྙིང་སྟོབས་ཡར་འཕེལ་དང་བློ་སྟོབས་ལ་སྐུལ་ལྕག་ཐོབ་ངེས་རེད་ཅེས་གསུངས་པ་རེད།