ཟླ་9ཚེས་13ཉིན་གྱི་སྔ་དྲོ་ལྗོངས་ཏང་ཨུད་འཐབ་ཕྱོགས་གཅིག་གྱུར་པུས་2012ལོའི་པུའུ་ཡི་ལས་དོན་ཚོགས་འདུ་ཐེངས་བརྒྱད་པ་དང་པུའུ་རིགས་པའི་གཞུང་ལུགས་ལྟེ་གནས་ཚོགས་ཆུང་གི་སློབ་སྦྱོང་ཚོགས་འདུ་ཐེངས་གསུམ་པ་འཚོགས་ཏེ་ཀྲུང་གུང་ཀྲུང་དབྱང་གཞུང་དོན་ཁང་དང་། ཀྲུང་དབྱང་འཐབ་ཕྱོགས་གཅིག་གྱུར་པུའུ། ལྗོངས་ཏང་ཨུད་བཅས་ཀྱི་འགོ་ཁྲིད་བློ་མཐུན་གཙོ་བོས་ཉེ་དུས་འཐབ་ཕྱོགས་གཅིག་གྱུར་གྱི་ལས་དོན་ཡག་པོ་བསྒྲུབ་རྒྱུའི་སྐོར་གྱི་མཆན་བཀོད་མཛུབ་སྟོན་གྱི་དགོངས་དོན་རབ་དང་རིམ་པ་བརྒྱུད་བསྒྲགས་དང་སློབ་སྦྱོང་བྱས་པ་རེད།

    ལྗོངས་ཏང་ཨུད་ཀྱི་རྒྱུན་ཨུ་དང་། ལྗོངས་སྲིད་གྲོས་ཏང་ཙུའུ་ཡི་ཧྲུའུ་ཅི། ཀྲུའུ་ཞི་གཞོན་པ། ལྗོངས་ཏང་ཨུད་འཐབ་ཕྱོགས་གཅིག་གྱུར་པུའི་པུའུ་ཀྲང་བཅས་ཡིན་པའི་མགོན་པོ་བཀྲ་ཤིས་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།

    མགོན་པོ་བཀྲ་ཤིས་ཀྱིས་ད་ཐེངས་ཀྱི་བརྒྱུད་བསྒྲགས་དང་སློབ་སྦྱོང་བྱེད་པའི་མཆན་བཀོད་མཛུབ་སྟོན་གྱི་དགོངས་དོན་རབ་དང་རིམ་པ་ནི་ཧ་ཅང་གལ་འགངས་ཆེ་བ་ཞིག་ཡིན་ལ། མིག་སྔའི་རང་ལྗོངས་ཀྱི་འཐབ་ཕྱོགས་གཅིག་གྱུར་གྱི་ལས་དོན་ལ་ཁྲིད་སྟོན་བྱེད་པའི་མཛུབ་ཁྲིད་གལ་ཆེན་ཞིག་ཀྱང་ཡིན་པས་རིམ་ཁག་འཐབ་ཕྱོགས་གཅིག་གྱུར་སྡེ་ཚན་གྱིས་བརྒྱུད་བསྒྲགས་དང་སློབ་སྦྱོང་བྱ་རྒྱུ་སྒྲིག་འཛུགས་ཧུར་ཐག་གིས་འོས་འཚམ་སྐབས་བཞུགས་མོལ་ཚོགས་འདུ་འཚོགས་ནས་སློབ་སྦྱོང་གཏིང་ཟབ་བྱས་ཏེ་མཆན་བཀོད་མཛུབ་སྟོན་གྱི་དགོངས་དོན་ལག་བསྟར་དོན་འཁྱོལ་བྱེད་དགོས། ལོ་སྨད་དུ་རིམ་ཁག་འཐབ་ཕྱོགས་གཅིག་གྱུར་སྡེ་ཚན་གྱིས་ཞི་མཐུན་དཔེ་བཟང་གི་དགོན་སྡེ་དང་རྒྱལ་གཅེས་ཁྲིམས་སྲུང་གི་སྔོན་ཐོན་གྲྭ་བཙུན་དཔྱད་འདེམས་བྱེད་པའི་ལས་དོན་ལ་དམ་འཛིན་ཡག་པོ་བྱས་ཏེ་སྔ་ཙམ་བཀོད་སྒྲིག་བྱས་ནས་ལས་དོན་ཏན་ཏིག་དང་ཡག་པོ་སྒྲུབ་དགོས། བླ་མ་སྐྱེས་ཆེན་གྱིས་བསྟན་དོན་ཤོད་པའི་ལས་དོན་ལ་མུ་མཐུད་དམ་འཛིན་བྱས་ཏེ་བླ་མ་སྐྱེས་ཆེན་གྱིས་སྒྲོག་འགྲེལ་བཞུགས་མོལ་ཚོགས་འདུ་ཡག་པོ་འཚོག་པ་དང་རྒྱ་ཆེའི་གྲྭ་བཙུན་གྱིས་སྐུ་ཕྲེང་རིམ་བྱོན་མིག་དཔེར་འཛིན་རྒྱུར་ཁྲིད་སྟོན་བྱེད་པའི་ཐོག་རྒྱལ་གཅེས་ཆོས་གཅེས་དང་བསྟན་སྲུང་འགྲོ་ཕན་ཡོང་བ་བྱས་ནས་སྤྱི་ཚོགས་ཞི་མཐུན་འཕེལ་རྒྱས་ལ་སྐུལ་འདེད་གཏོང་དགོས། དགོན་སྡེར་བཅའ་སྡོད་ལས་བྱེད་པའི་སློབ་སྦྱོང་འཛིན་གྲྭ་ཡག་པོ་གཉེར་རྒྱུ་མཐའ་འཁྱོངས་བྱས་ཏེ་སློབ་མ་གསར་པ་སློབ་ཞུགས་དང་དོ་དམ་བྱེད་པའི་ལས་དོན་ལ་དམ་འཛིན་བྱེད་པ་དང་། སློབ་ཚན་ལུགས་མཐུན་ངང་བཀོད་སྒྲིག་བྱེད་པ། དགོན་སྡེར་བཅའ་སྡོད་ལས་བྱེད་པའི་ཕྱོགས་བསྡུས་བྱང་ཚད་དང་ཞབས་ཞུའི་འཇོན་ཐང་མཐོ་རུ་གཏོང་བ། དགོན་སྡེའི་དོ་དམ་ལ་ཤུགས་སྣོན་རྒྱག་པ་དང་གསར་གཏོད་བྱེད་པའི་ལས་དོན་ཏན་ཏིག་ངང་སྤེལ་བ། ལས་ཀའི་ལྟ་ཞིབ་ལ་ཤུགས་སྣོན་རྒྱག་པ་བཅས་བྱས་ནས་དགོན་སྡེ་ཞི་མཐུན་བརྟན་ལྷིང་ཡོང་རྒྱུར་སྐུལ་འདེད་གཏོང་དགོས། རིམ་ཁག་འཐབ་ཕྱོགས་གཅིག་གྱུར་སྡེ་ཚན་གྱིས་ཀུན་སེམས་གཅིག་སྒྲིལ་དང་ལས་དོན་ཁག་ཡག་པོ་བསྒྲུབས་ཏེ་གཟེངས་སུ་ཐོན་པའི་གྲུབ་འབྲས་ཀྱི་ཐོག་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས་ཞེས་ནན་བཤད་གནང་བ་རེད།

    ཉེ་དུས་དྲག་ཆས་ཉེན་རྟོག་བོད་ལྗོངས་སྤྱི་ཁྱབ་རུ་ཁག་གིས་རྒྱལ་རྩེའི་དྲག་ཆས་ཉེན་རྟོག་དམངས་གཅེས་སློབ་གྲྭར་སྒོར་ཁྲི་13ཙམ་རི་བའི་ཐབ་ཆས་དང 《ལང་ཚོའི་འགོག་སྲུང ——སློབ་གྲྭ་འབྲིང་ཆུང་གི་སློབ་མའི་ཉེས་གསོག་སྔོན་འགོག་ལག་དེབ 》980ཞལ་འདེབས་སུ་ཕུལ་བས་དགེ་སློབ་ཡོངས་ཀྱི་དགའ་བསུ་ཐོབ་པ།