ཟླ་9ཚེས་8ཉིན་2012ལོའི་བོད་ཀྱི་མཐོ་སློབ་སློབ་ཐོན་སློབ་མའི་ཁག་གཉིས་པའི་ཡོངས་བསྒྲགས་ཡིག་རྒྱུགས་དུས་བཀག་ལྟར་ལྗོངས་ཡོངས་ཀྱི་ས་ཁུལ་དང་གྲོང་ཁྱེར་བདུན་གྱི་རྒྱུགས་ར་ཁག་ཏུ་བཏང་བ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ལེའང་ཐན་ཀེང་སྔ་རྗེས་སུ་བོད་ལྗོངས་སློབ་ཆེན་ནོར་སྲིད་སློབ་གླིང་དང་། བོད་ལྗོངས་ལས་རིགས་ལག་རྩལ་སློབ་གླིང་སློབ་ཁུལ་ནུབ་མར་གནས་པའི་རྒྱུགས་རར་ཕེབས་ཏེ་ལྷ་སའི་རྒྱུགས་ཁུལ་གྱི་རྒྱུགས་ར་ཁག་གཅིག་ཏུ་ཡིག་རྒྱུགས་གནས་ཚུལ་ལ་སྐོར་གཟིགས་གནང་བ་རེད།

    ལེའང་ཐན་ཀེང་གིས་མཐོ་སློབ་སློབ་ཐོན་སློབ་མའི་ཡོངས་བསྒྲགས་ཡིག་རྒྱུགས་བསྡུ་སྤྱོད་ལས་དོན་ནི་རང་ལྗོངས་ཀྱི་གཞི་རིམ་ལས་བྱེད་པའི་དཔུང་ཁག་འཛུགས་སྐྱོང་ཐད་ཤུགས་སྣོན་རྒྱག་རྒྱུར་གལ་འགངས་ཆེན་པོ་ལྡན་ཡོད་པས་ལྗོངས་ཏང་ཨུད་རྩ་འཛུགས་པུའུ་དང་། ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་། ལྗོངས་གཞུང་ལས་པ་ཅུས་བཅས་ཀྱིས་རྒྱུགས་རའི་སྒྲིག་ཁྲིམས་ནན་པོ་སྲུང་ནས་རྒྱུགས་སྤྲོད་སློབ་མ་ཚོར་འགྲན་རྩོད་ཀྱི་ཁོར་ཡུག་ལེགས་པོ་ཞིག་གཏོད་པ་དང་ཡོངས་བསྒྲགས་དང་། དྲང་གཞག གཞུང་དྲང་བཅས་ཀྱི་རྩ་དོན་མངོན་པ་བྱེད་དགོས་ཞེས་གསུངས་པ་རེད།

    རང་སྐྱོང་ལྗོངས་གཞུང་ལས་པ་ཅུས་ཀྱི་འབྲེལ་ཡོད་འགན་འཁུར་མི་སྣས་ངོ་སྤྲོད་བྱས་པར་གཞིགས་ན། 2012ལོར་རང་ལྗོངས་ཀྱི་མཐོ་སློབ་སློབ་ཐོན་སློབ་མའི་ཁག་གཉིས་པའི་ཡོངས་བསྒྲགས་ཡིག་རྒྱུགས་ནང་ཞུགས་མཁན་ཁྱོན་མི་གྲངས་8474ཡོད་པ་རེད། ད་ཐེངས་ཀྱི་ཡོངས་བསྒྲགས་ཡིག་རྒྱུགས་ནང་གཞི་རིམ་བྱ་གཞག་ཚན་པའི་ལས་དོན་མི་སྣ་དང་ཆེད་ལས་ལག་རྩལ་མི་སྣ་6500བསྡུ་རྩིས་ཡོད་པ་རེད།