ཟླ་8ཚེས་27ཉིན་གྱི་སྔ་དྲོ་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧྲུའུ་ཅི་ཆེ་དགྲ་ལྷས་ལྷ་ས་གྲོང་ཁྱེར་གྱི་སྐབས་བརྒྱད་པའི་གྲོང་ཨུད་ཀྱི་རྒྱུན་ལས་ཚོགས་འདུ་ཐེངས་24པའི་ཐོག་བརྟན་ལྷིང་སྲུང་སྐྱོང་གི་བྱ་ཐབས་ཁག་དོན་འཁྱོལ་ཡོང་བར་མུ་མཐུད་དམ་འཛིན་བྱས་ནས་སྤྱི་ཚོགས་དོ་དམ་ལ་སྔར་བས་ཤུགས་སྣོན་དང་གསར་གཏོད་བྱས་ཏེ་སྤྱི་ཚོགས་ཀྱི་ཁོར་ཡུག་བཟང་པོ་རྒྱུན་འཁྱོངས་བྱས་ཏེ་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས་པའི་ནན་བཤད་གནང་བ་རེད།

    ཆེ་དགྲ་ལྷས་ལྗོངས་ཏང་ཨུད་ཀྱི་འགོ་ཁྲིད་འོག་དང་རང་སྐྱོང་ལྗོངས་ཀྱི་བརྟན་ལྷིང་སྲུང་སྐྱོང་བཀོད་འདོམས་པུའི་བཀོད་འདོམས་འོག་ཉེ་ཆར་ལྷ་ས་གྲོང་ཁྱེར་གྱིས་ཞོ་སྟོན་གཙོ་བོར་བྱེད་པའི་བརྟན་ལྷིང་སྲུང་སྐྱོང་གི་ལས་དོན་ཕུན་སུམ་ཚོགས་པོའི་ངང་ལེགས་གྲུབ་བྱས་པ་དང་སྤྱི་བདེ་དང་། དྲག་ཆས་ཉེན་རྟོག མེ་ཟོན་སོགས་སྡེ་ཚན་གྱིས་ལས་དོན་སྒྲུབ་རིང་ཡ་རབས་ངང་ཁྲིམས་ལག་བསྟར་བྱས་པ་དང་སྤྲོ་སེམས་འཁོལ་བའི་ཞབས་འདེགས་ཞུས་པས་མི་དམངས་མང་ཚོགས་བློ་ཡིད་ཚིམ་པོ་དང་ཏང་ཨུད་དང་སྲིད་གཞུང་བློ་ཡིད་ཚིམ་པོ་བྱུང་ཡོད་ཅེས་གསུངས་པ་རེད།

    ཆེ་དགྲ་ལྷས་སླད་ཕྱིན་དུས་སྐབས་ཤིག་རིང་གི་བརྟན་ལྷིང་སྲུང་སྐྱོང་ལས་དོན་ཐད་བཀོད་སྒྲིག་གནང་ཞིང་། ཁོང་གིས་བརྟན་ལྷིང་སྲུང་སྐྱོང་ལས་དོན་ལ་མུ་མཐུད་ཚད་མཐོའི་མཐོང་ཆེན་བྱས་ནས་བསམ་བློའི་ཐོག་ནས་ལྷོད་གཡེང་མི་གཏོང་བ་དང་འགན་འཁྲི་ལྷོད་དུ་མི་གཏོང་བ་དང་། བརྟན་ལྷིང་སྲུང་སྐྱོང་ལས་དོན་གྱི་བྱ་ཐབས་ཁག་དོན་འཁྱོལ་ལ་མུ་མཐུད་དམ་འཛིན་བྱས་ནས་བརྟན་ལྷིང་སྲུང་སྐྱོང་གི་གྲུབ་འབྲས་བརྟན་དུ་གཏོང་བ། འགོ་ཁྲིད་མུ་མཐུད་ཚན་ཁག་ལ་དམ་འཛིན་བྱེད་པ་དང་དཔུང་ཁག་གི་སྣེ་ཡག་པོ་འཁྲིད་དེ་གནད་དོན་མངོན་གསལ་དོད་པོ་ཐག་གཅོད་བྱེད་པ་དང་རང་འགུལ་དམག་འཐབ་ཡག་པོ་བརྒྱབ་ནས་སྤྱི་ཚོགས་ཀྱི་ཁོར་ཡུག་བཟང་པོ་རྒྱུན་འཁྱོངས་བྱེད་པ་བཅས་ཀྱི་ཕུལ་བྱུང་གྲུབ་འབྲས་ཐོག་ནས་ཏང་གི་ཚོགས་ཆེན་བཅོ་བརྒྱད་པ་འཚོག་རྒྱུར་བསུ་བ་ཞུ་དགོས་པའི་ནན་བཤད་གནང་བ་རེད།

    ཆེ་དགྲ་ལྷས་ལྷ་ས་གྲོང་ཨུད་དང་གྲོང་ཁྱེར་སྲིད་གཞུང་གིས་སྤྱི་ཚོགས་དོ་དམ་ལས་དོན་ལ་ཤུགས་སྣོན་དང་གསར་གཏོད་ལ་ཚད་མཐོའི་མཐོང་ཆེན་བྱེད་པ་དང་ཆེད་དོན་ཚོགས་འདུ་ཐེངས་མང་འཚོགས་ནས་ཞིབ་འཇུག་བཀོད་སྒྲིག་བྱས་པ་དང་རྒྱུན་བསྲིང་ལྷོད་མེད་ངང་འབད་བརྩོན་བྱས་པ་བརྒྱུད་ལས་དོན་དེ་རྒྱལ་ཡོངས་ཀྱི་མདུན་གྲལ་དུ་སྤེལ་ཐུབ་པ་བྱུང་ཡོད་ཅེས་གསུངས་པ་རེད།