ཟླ་8 ཚེས་24ཉིན་གྱི་ཉིན་གུང་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་ཧའོ་ཕུང་གིས་ཀྲུང་གོ་གསེར་ལས་ཚོགས་པ་ཀུང་སིའི་སྤྱི་ཁྱབ་ཅིང་ལི་ཏང་ཨུད་ཀྱི་ཧྲུའུ་ཅི་སུན་ཀྲའོ་ཞུའེ་བཅས་པ་དང་མཇལ་འཛོམས་གནང་བ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧྲུའུ་ཅི་ཆེ་དགྲ་ལྷས་མཇལ་འཛོམས་ལ་ཕེབས་རོགས་ཞུས་པ་རེད།
ཧའོ་ཕུང་གིས་དང་ཐོག་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་པ་དང་ཧྲུའུ་ཅི་ཁྲེན་ཆོན་གོ་དང་ཀྲུའུ་ཞི་པད་མ་འཕྲིན་ལས་ཀྱི་ཚབ་ཞུས་ཏེ་སུན་ཀྲའོ་ཞུས་དང་བཅས་པ་བོད་དུ་བརྟག་དཔྱད་རྟོག་ཞིབ་གནང་བར་ཕེབས་པར་དགའ་བསུ་ཞུས་ནས་ཀྲུང་གོ་གསེར་ལས་ཚོགས་པ་ཀུང་སིས་ལོ་མང་ནང་བོད་ཀྱི་འཕེལ་རྒྱས་དང་བརྟན་ལྷིང་གི་ལས་དོན་ཁག་ལ་སེམས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་གནང་བ་རེད། ཧའོ་ཕུང་གིས་ཀྲུང་གོ་གསེར་ལས་ཚོཌ་པ་ཀུང་སིས་མདོག་ལྡན་ལྕཌ་རིཌ་ཀྱི་གཏེར་ཁའི་ཐོན་ཁུངས་གསར་སྤེལ་བྱེད་པའི་ཐད་རང་ངོས་ལ་ལྡན་པའི་ཕུན་སུམ་ཚོཌ་པའི་དོ་དམ་ཉམས་མྱོང་དང་ལག་རྩལ་དངོས་ཤུགས་གང་ལེགས་སྤྱད་དེ་བོད་ཀྱི་ཁྱད་ལྡན་གཏེར་ཁའི་ཐོན་ཁུངས་གསར་སྤེལ་ནང་ཧུར་ཐག་ཞུགས་པ་དང་། བོད་ཀྱི་ཐོན་ཁུངས་ལེགས་ཆ་དེ་དཔལ་འབྱོར་ལེགས་ཆར་འགྱུར་བ་བྱེད་རོགས་བྱེད་པ། བོད་ཀྱི་དཔལ་འབྱོར་དང་སྤྱི་ཚོགས་ལེགས་ལ་མྱུར་བའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་བཅས་བྱས་ནས་མི་རིགས་ཁག་གི་མི་དམངས་ལ་བདེ་སྐྱིད་སྐྲུན་རྒྱུའི་རེ་བ་ཡོད་ཅེས་གསུངས་པ་རེད། རང་སྐྱོང་ལྗོངས་ཀྱི་རིམ་ཁག་ཏང་ཨུད་དང་སྲིད་གཞུང་གིས་ཀྱང་སྔར་རྒྱུན་གཞིན་ཀྲུང་གོ་གསེར་ལས་ཚོགས་པ་ཀུང་སིར་མ་འཇོག་གི་ཁོར་ཡུག་ཡག་པོ་ཞིག་གཏོད་ཐོག་ཕྱོགས་མང་ཐད་ཀྱི་སྲིད་ཇུས་ཀྱི་རྒྱབ་སྐྱོར་དང་ཕན་མཐོ་དང་སྤུས་ལེགས་ཀྱི་ཞབས་འདེགས་ཞུ་རྒྱུ་ཡིན་ཞེས་གསུངས་པ་རེད།
སུན་ཀྲའོ་ཞུའེ་ཡིས་ཀྲུང་གོ་གསེར་ལས་ཚོགས་པ་ཀུང་སིས་སྔོན་ཐོན་གྱི་ལག་རྩལ་དང་གསར་གཏོད་ཀྱི་འདུ་ཤེས་ཐོག་ནས་ཁོར་ཡུག་སྲུང་སྐྱོང་དང་དབུལ་སྐྱོར་ལས་ཞུགས་སོགས་ཀྱི་ཐད་ཀྲུང་དབྱང་ཁེ་ལས་དང་སྤྱི་ཚོགས་ཀྱི་འགན་འཁྲི་དང་ལོ་རྒྱུས་ཀྱི་འགན་འཁྲི་འཁུར་ཏེ་ས་གནས་དེ་གའི་གྲངས་ཉུང་མི་རིགས་ཀྱི་ལག་རྩལ་མི་སྣ་གསོ་སྐྱོང་ཤུགས་ཆེན་བྱས་ནས་ས་གནས་དེ་གའི་ལས་ཞུགས་རྒྱུན་ཆད་མེད་པར་རྒྱ་ཆེར་གཏོང་བ་དང་ཞིང་འབྲོག་པར་རྒྱུན་ཆད་མེད་པར་འབབ་འཕར་ཡོང་བ་བྱས་ཐོག་སྣོད་བཅུད་ཁོར་ཡུག་སྲུང་སྐྱོང་བྱ་རྒྱུར་དེ་བས་དོ་སྣང་བྱས་ནས་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ཀྱི་ཆེད་དུ་ལེགས་སྐྱེས་གསར་པ་འབུལ་རྒྱུ་ཡིན་ཞེས་གསུངས་པ་རེད།