ཟླ་8ཚེས་24ཉིན་གྱི་ཕྱི་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཏེང་ཞའོ་ཀང་གིས་ལྗོངས་ཏང་ཨུད་སྲིད་ཁྲིམས་ཨུ་ལྷན་གྱི་འགོ་ཁྲིད་ཚན་ཁག་གི་རྒྱས་འཛོམས་ཚོགས་འདུ་གཙོ་སྐྱོང་དང་སྐོང་ཚོགས་གནང་ཞིང་། ཚོགས་འདུའི་ཐོག་ལྗོངས་ཡོངས་ཀྱི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་ལས་དོན་སྔར་བས་ཡག་པོ་བསྒྲུབ་རྒྱུའི་སྐོར་གྱི་ཧྲུའུ་ཅི་ཁྲེན་ཆོན་གོ་སོགས་རང་སྐྱོང་ལྗོངས་ཀྱི་འགོ་ཁྲིད་བློ་མཐུན་གཙོ་བོའི་མཆན་བཀོད་མཛུབ་སྟོན་གལ་ཆེན་བརྒྱུད་བསྒྲགས་སློབ་སྦྱོང་བྱས་པ་དང་སྦྲགས་མཆན་བཀོད་དགོངས་དོན་སློབ་སྦྱོང་ཡག་པོ་བྱེད་པ་དང་། གོ་བ་གཏིང་ཟབ་ལེན་པ། ལག་བསྟར་དོན་འཁྱོལ་ལེགས་པོ་བྱེད་པ་བཅས་ཀྱི་ཐོག་ནས་མིག་སྔ་དང་ཏང་གི་ཚོགས་ཆེན་བཅོ་བརྒྱད་པ་འཚོག་རིང་གི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ཡག་པོ་བསྒྲུབ་རྒྱུའི་ཐད་ཞིབ་འཇུག་བཀོད་སྒྲིག་བྱས་པ་རེད།
རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་དང་། རང་སྐྱོང་ལྗོངས་ཏང་ཨུད་སྲིད་ཁྲིམས་ཨུ་ལྷན་གྱི་ཧྲུའུ་ཅི་གཞོན་པ། རང་སྐྱོང་ལྗོངས་སྤྱི་བདེ་ཐིང་ཏང་ཨུད་ཀྱི་ཧྲུའུ་ཅི། ཐིང་ཀྲང་བཅས་ཡིན་པའི་ལི་ཀྲའོ་ཚོགས་འདུར་ཕེབས་ཡོད་པ་རེད།
ཏེང་ཞའོ་ཀང་གིས་འདི་ལོ་ཚུན་དུ་ལྗོངས་ཡོངས་ཀྱི་གོང་འོག་ཚང་མའི་ཐུན་མོང་འབད་བརྩོན་འོག་དང་ལྷག་པར་དུ་རིམ་ཁག་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་སྡེ་ཚན་དང་རྒྱ་ཆེའི་སྲིད་ཁྲིམས་ལས་བྱེད་ཉེན་རྟོག་པའི་དཀའ་སྤྱད་འབད་བརྩོན་འོག་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ཁག་གི་ལས་འགན་ཕུན་སུམ་ཚོགས་པོའི་ངང་ལེགས་གྲུབ་བྱུང་ནས་ལྗོངས་ཡོངས་ཀྱི་ཞི་མཐུན་བརྟན་ལྷིང་སྲུང་སྐྱོང་ནུས་ལྡན་ཐུབ་ཡོད། ཧྲུའུ་ཅི་ཁྲེན་ཆོན་གོ་སོགས་རང་སྐྱོང་ལྗོངས་ཀྱི་འགོ་ཁྲིད་བློ་མཐུན་གཙོ་བོས་མཆན་བཀོད་མཛུབ་སྟོན་གལ་ཆེན་གནང་ནས་འདི་ལོའི་ལས་དོན་ལ་གདེང་འཇོག་གང་ལེགས་དང་ཚད་མཐོའི་མཐོང་ཆེན་གནང་ཞིང་། ལྗོངས་ཡོངས་ཀྱི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་སྔར་བས་ཡག་པོ་སྤེལ་རྒྱུའི་ཐད་བླང་བྱ་ཁ་གསལ་བཏོན་པ་མ་ཟད། ཐུགས་རེ་ནན་པོ་བཅོལ་ཡོད། ལྗོངས་ཡོངས་ཀྱི་སྲིད་ཁྲིམས་ཁོངས་གཏོགས་དང་། རྒྱ་ཆེའི་སྲིད་ཁྲིམས་ལས་བྱེད་ཉེན་རྟོག་པ་ཚོས་རང་སྐྱོང་ལྗོངས་ཀྱི་འགོ་ཁྲིད་བློ་མཐུན་གཙོ་བོའི་མཆན་བཀོད་མཛུབ་སྟོན་གལ་ཆེན་སློབ་སྦྱོང་དང་བརྒྱུད་བསྒྲགས། ལག་བསྟར་དོན་འཁྱོལ་བཅས་ལེགས་པོ་བྱ་རྒྱུ་མིག་སྔའི་ཧ་ཅང་གལ་འགངས་ཆེ་བའི་ཆབ་སྲིད་ཀྱི་ལས་འགན་ཞིག་ཏུ་བརྩིས་ནས་ཚད་མཐོའི་མཐོང་ཆེན་དང་སྒྲིག་འཛུགས་ཞིབ་ཚགས་ཀྱིས་དམ་འཛིན་ལེགས་པར་བྱེད་དགོས། སློབ་སྦྱོང་དང་ལག་བསྟར་ནན་པོ་བྱས་པ་བརྒྱུད་ལྗོངས་ཏང་ཨུད་ཀྱི་འགོ་ཁྲིད་བློ་མཐུན་གྱིས་རང་ལྗོངས་ཀྱི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ལ་བཏོན་པའི་བླང་བྱ་གསར་པ་སྟངས་འཛིན་གནད་ལ་འཁེལ་བ་བྱས་ཏེ་བསམ་བློ་དང་བྱ་སྤྱོད་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་དང་ལས་ཀའི་བླང་བྱའི་ཐོག་གཅིག་གྱུར་ཏན་ཏིག་ཡོང་བ་བྱེད་པ་དང་སྦྲགས་ལས་དོན་དེ་གོ་སྐབས་སུ་བྱས་ཏེ་འགོ་ཁྲིད་བློ་མཐུན་གྱི་ཐུགས་ཁུར་དང་། སྐུལ་ལྕག ལྕག་འདེབས་བཅས་ལས་ཀར་སྐུལ་འདེད་གཏོང་བའི་སྟོབས་ཆེའི་སྒུལ་ཤུགས་སུ་བསྒྱུར་ནས་འདོད་ཚིམས་རང་རློམ་དང་རྨོངས་ཚོད་ངང་སྤྲོ་སྣང་མི་བྱེད་པར་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ཡག་པོ་བསྒྲུབ་རྒྱུའི་དགོས་གཏུགས་ཀྱི་བསམ་པ་དང་། འགན་འཁྲིའི་བསམ་པ་སྔར་བས་ཆེ་རུ་བཏང་སྟེ་དུས་མཚམས་རྗེས་མའི་ལས་དོན་ཁག་གི་ལས་འགན་ལེགས་གྲུབ་ཏན་ཏིག་བྱས་ནས་འབད་བརྩོན་ཆེན་པོས་ལྗོངས་ཡོངས་ཀྱི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ཐད་རྣམ་པ་གསར་པ་གཏོད་དགོས་ཞེས་གསུངས་པ་རེད།
ཏེང་ཞའོ་ཀང་གིས་རང་སྐྱོང་ལྗོངས་ཀྱི་འགོ་ཁྲིད་བློ་མཐུན་གཙོ་བོའི་མཆན་བཀོད་མཛུབ་སྟོན་གལ་ཆེན་སློབ་སྦྱོང་དང་དོན་འཁྱོལ་བྱེད་པར་འགག་རྩ་ནི་ཏང་གི་ཚོགས་ཆེན་བཅོ་བརྒྱད་པ་དགའ་བས་བསུ་བའི་བརྗོད་བྱ་གཙོ་བོ་དེ་དམ་འཛིན་དང “མི་ཐོན་པ་གསུམ ”གྱི་དམིགས་ཚད་ལ་དམིགས་ནས་ལྗོངས་ཡོངས་ཀྱི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་སྔར་བས་ཇུས་འགོད་ལེགས་པོ་བྱེད་པ་དང་བརྟན་ལྷིང་སྲུང་སྐྱོང་གི་ལས་ཀའི་བྱ་ཐབས་ཁག་སྔར་བས་དོན་འཁྱོལ་གཏིང་ཟབ་བྱ་རྒྱུར་ཐུག་ཡོད། རིམ་ཁག་སྲིད་ཁྲིམས་སྡེ་ཚན་གྱིས་མིག་སྔ་དང་ཏང་གི་ཚོགས་ཆེན་བཅོ་བརྒྱད་པ་འཚོག་རིང་གི་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་དེ་ཆབ་སྲིད་ཀྱི་ལས་འགན་གཙོ་བོ་དང་ལྟེ་བའི་ལས་དོན་ལ་བརྩིས་ནས་སྲིད་ཁྲིམས་ཀྱི་བརྟན་ལྷིང་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་དོན་ཡག་པོ་བསྒྲུབ་རྒྱུའི་སྤྱི་ཡོངས་ཀྱི་འདུ་ཤེས་་དང་། འགན་འཁྲིའི་འདུ་ཤེས། སེམས་ཁྲལ་གྱི་འདུ་ཤེས་བཅས་སྔར་བས་ཆེ་རུ་གཏོང་བ་དང་། ཪྙོག་འཛིང་ཆེ་བའི་དུས་བབ་གསལ་པོ་ཤེས་པ་དང་བསམ་བློའི་ངོས་འཛིན་གཅིག་མཐུན་ཡོང་བ། རིགས་པ་དྭངས་གསལ་ཡོང་རྒྱུ་རྒྱུན་འཁྱོངས་དང་དོགས་ཟོན་ཆེན་པོ་བྱེད་པ། ལས་ཀར་ལྷོད་གཡེང་དང་། བག་གཡེང་། བསུན་སྣང་བཅས་བྱེད་པའི་བསམ་བློ་མཐའ་གཅིག་ཏུ་ཁྱད་བསད་བྱེད་པ། ངལ་དུབ་ལ་མི་སྐྲག་པ་དང་བསྟུད་མར་ལས་དོན་སྒྲུབ་པའི་སྙིང་སྟོབས་དར་སྤེལ་གཏོང་བ། ལས་དོན་སྤེལ་ལ་ཁད་ཀྱི་རྣམ་པའི་ཐོག་ནས་ལས་དོན་དོན་འཁྱོལ་ཡོང་རྒྱུར་དམ་འཛིན་ནན་པོ་བྱེད་པ་བཅས་ཀྱི་ཐོག་ནས་ལྗོངས་ཡོངས་ཀྱི་སྟོབས་ཤུགས་དང་ཉེན་རྟོག་པ་ཡོངས་ཀྱི་སྟོབས་ཤུགས་ལ་བརྟེན་ནས་ཏང་གི་ཚོགས་ཆེན་བཅོ་བརྒྱད་པ་འཚོག་རིང་གི་བདེ་འཇགས་སྲུང་སྐྱོང་གི་འགག་སྒྲོལ་ལས་ཀ་མཐའ་གཅིག་ཏུ་སྒྲུབ་དགོས་ཞེས་ནན་བཤད་གནང་བ་རེད།
ཏེང་ཞའོ་ཀང་གིས་རང་སྐྱོང་ལྗོངས་ཀྱི་འགོ་ཁྲིད་བློ་མཐུན་གཙོ་བོའི་མཆན་བཀོད་མཛུབ་སྟོན་གལ་ཆེན་སློབ་སྦྱོང་དང་དོན་འཁྱོལ་ལེགས་པོ་བྱེད་པར་གཙོ་བོ་ལས་ཀའི་སྤྱོད་ཚུལ་སྒྱུར་བ་དང་། འགན་འཁྲི་ནན་པོ་སྒྲུབ་པ། གཙོ་གནད་ལྷུ་ཚིགས་དང་ལས་དོན་དམ་འཛིན་ལེགས་པོ་བྱེད་པ་བཅས་ཀྱི་ཐོག་ནས་ནུས་ཤུགས་ཡོད་རྒུས་བརྟན་ལྷིང་འགན་ལེན་དང་ཞི་མཐུན་ལ་སྐུལ་འདེད་གཏོང་དགོས། ཉེ་དུས་ཏང་ཨུད་ལས་ཁུངས་ཀྱིས་སྒྲིག་འཛུགས་ཞིབ་ཚགས་བྱས་ཏེ་ལས་གནས་དམག་སྦྱོང་ཆེ་མོ་དང་། དྲག་རྩལ་འགྲན་བསྡུར་ཆེ་མོའི་གཟིགས་འབུལ་འཁྲབ་སྟོན་སོགས་ལས་དོན་གཙོ་བོ་དོན་འཁྱོལ་ལེགས་པར་བྱེད་པ་དང་། སྲིད་ཁྲིམས་ཁོངས་གཏོགས་ཀྱི་ཆ་འཕྲིན་ཅན་གྱི་འཛུགས་སྐྲུན་གོམ་སྟབས་མགྱོགས་སུ་གཏོང་རྒྱུར་སྐུལ་འདེད་བཏང་སྟེ་བརྟན་ལྷིང་སྲུང་སྐྱོང་ལ་ཞབས་འདེགས་ཞུ་བའི་དངོས་འཐབ་ནུས་པ་ཆེ་རུ་དང་ཆུ་ཚད་མཐོ་རུ་གཏོང་བ། སྲིད་ཁྲིམས་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་སྟེ་སྲིད་ཁྲིམས་ལས་བྱེད་པའི་དཔུང་ཁག་གི་གཟུགས་བཪྙན་བཟང་པོ་གཏོད་པ། “ རྒྱལ་གཅེས་དང་། མཐུན་སྒྲིལ། ཞི་མཐུན། འཕེལ་རྒྱས། ཤེས་དཔལ ”བཅས་དང “ལྷག་བསམ་དང་། དམངས་ཆེད། གཞུང་དྲང་། སྤྱོད་གཙང ”བཅས་ཀྱི་ལྟེ་བའི་རིན་ཐང་ལྟ་བ་ལག་ལེན་བསྟར་རྒྱུར་སྣེ་ཁྲིད་དེ་ལས་ཕྱོད་མཐོ་རུ་གཏོང་བ། འགན་འཁྲི་ཁ་གསལ་དང་སྒྲིག་ཁྲིམས་ནན་པོ་ཡོང་བ་བྱས་ཏེ་ཕྱོགས་ཁག་གི་སྟོབས་ཤུགས་སྐུལ་སློང་བྱེད་པ་བཅས་ལྗོངས་ཡོངས་ཞི་མཐུན་བརྟན་ལྷིང་ཐུབ་པའི་གཡུར་ཟའི་གྲུབ་འབྲས་ཐོག་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས་པའི་བླང་བྱ་བཏོན་པ་རེད།