བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་8ཚེས་12ཉིན་གནས་ཚུལ་འབྱོར་གསལ། ཚེས་12ཉིན་གྱི་ཕྱི་དྲོ་ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ལེའང་ཐེན་ཀེང་གིས་ལྷ་སར་རྒྱལ་ཡོངས་སྤྱི་ཁྱབ་བཟོ་ཚོགས་ཧྲུའུ་ཅི་ཁྲུའི་ཧྲུའུ་ཅི་ལི་པིང་ཧྲེང་བཅས་པ་དང་མཇལ་འཛོམས་གནང་བ་རེད།

    རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་ལྗོངས་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་དབྱངས་ཅན་མཇལ་འཛོམས་སྐབས་ལྷན་དུ་ཕེབས་ཡོད་པ་རེད།

    ལེའང་ཐེན་ཀེང་གིས་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ཚབ་ཞུས་ཏེ་ལི་པིང་ཧྲེང་དང་བཅས་པ་བོད་དུ་སྒྲོག་འགྲེལ་དང་མཛུབ་ཁྲིད་ལས་དོན་སྤེལ་བར་ཕེབས་པར་དགའ་བསུ་ཞུས་པ་དང་སྦྲགས་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡིས་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོའི་ཆེད་དོན་ཞིབ་བསྡུར་འཛིན་གྲྭའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱས་ཚུལ་ངོ་སྤྲོད་གནང་བ་དང་། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་དོན་དངོས་དང་ཟུང་འབྲེལ་བྱས་ཏེ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བཟོ་ཚོགས་འཕེལ་རྒྱས་ལམ་བུའི་རྒྱལ་ཡོངས་སྒྲོག་འགྲེལ་བྱེད་སྒོ་སྤེལ་ནས་བོད་དུ་སྒྲོག་འགྲེལ་དུ་ཕེབས་པར་ཐུགས་རྗེ་ཆེ་ཞུས་གནང་བ་རེད། ལེའང་ཐེན་ཀེང་གིས་རང་ལྗོངས་ཀྱི་གནས་ཚུལ་དང་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་ཚུལ་ངོ་སྤྲོད་མདོར་བསྡུས་གནང་རྗེས་ད་ཐེངས་ཀྱི་སྒྲོག་འགྲེལ་བརྒྱུད་བློ་མཐུན་ཧུའུ་ཅིན་ཐའོ་ཡི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ནན་ཏན་བྱེད་པ་དང་། གོ་བ་གཏིང་ཟབ་ལེན་པ། ལག་བསྟར་དོན་འཁྱོལ་བྱས་ཏེ་རང་ལྗོངས་ཀྱི་བཟོ་ཚོགས་ཁོངས་གཏོགས་ཀྱི་ཕྱོགས་ཡོངས་མཐུན་སྦྱོར་ངང་རྒྱུན་མཐུད་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་ནུས་པ་གལ་ཆེན་ཐོན་རྒྱུ་རེད་ཅེས་གསུངས་པ་རེད།

    ལི་པིང་ཧྲེང་གིས་ལེའང་ཐེན་ཀེང་གིས་མཛད་བྲེལ་ཆེ་ཡང་མཇལ་འཛོམས་གནང་བར་ཐུགས་རྗེ་ཆེ་ཞུས་པ་དང་། ཁོང་གིས་སྒྲོག་འགྲེལ་བྱེད་སྒོ་བརྒྱུད་རང་ལྗོངས་ཀྱི་རིམ་ཁག་བཟོ་ཚོགས་སྡེ་ཚན་གྱིས་བསམ་བློ་དང་བྱ་སྤྱོད་དེ་བློ་མཐུན་ཧུའུ་ཅིན་ཐའོ་ཡི་གསུང་བཤད་གལ་ཆེན་དང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བཟོ་ཚོགས་འཕེལ་རྒྱས་ཀྱི་ལམ་བུའི་ཐོག་གཅིག་གྱུར་ཡོང་བ་བྱས་ཏེ་རང་ལྗོངས་ཀྱི་བཟོ་ཚོགས་འཕེལ་རྒྱས་ལ་སྐུལ་འདེད་གཏོང་བའི་སྟོབས་ཆེའི་སྒུལ་ཤུགས་ཤིག་ཆགས་པ་བྱས་ནས་བཟོ་ཚོགས་ཀྱི་ལས་དོན་གསར་གཏོད་དང་འཕེལ་རྒྱས་ལ་སྐུལ་འདེད་གཏོང་རྒྱུའི་ཐུགས་རེ་གནང་བ་རེད།