བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཟླ་8ཚེས་9ཉིན་གྱི་ཕྱི་དྲོ་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་བྱམས་པ་ཕུན་ཚོགས་ཀྱི་བཀའ་མངགས་ལྟར་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་གྲོང་ཚོར་བཅའ་སྡོད་རྨང་བརྟན་དམངས་ཕན་བྱེད་སྒོའི་གནས་ཚུལ་སྙན་སེང་ཚོགས་འདུ་འཚོགས་ནས་མཚོ་སྨད་རྫོང་དུ་བཅའ་སྡོད་རང་སྐྱོང་ལྗོངས་མི་དམངས་འཐུས་ཚོགས་ལས་ཁུངས་ཀྱི་ལས་དོན་རུ་ཁག་གི་གྲོང་ཚོར་བཅའ་སྡོད་ལས་ཀའི་གནས་ཚུལ་སྙན་སེང་ཉན་པ་རེད།
རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དྲུང་ཆེ་ཀྲའོ་ཀྲེང་ཤིའུ་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།
ཀྲའོ་ཀྲེང་ཤིའུ་ཡིས་ཀྲུང་དབྱང་གི་དགོངས་དོན་དང་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་གལ་ཆེན་ལག་བསྟར་དོན་འཁྱོལ་གཏིང་ཟབ་བྱ་རྒྱུ་དེ་སྔ་ཕྱི་བར་གསུམ་དུ་རྨང་བརྟན་དམངས་ཕན་བྱེད་སྒོའི་གནས་བབ་དང་པོར་འཇོག་པ་དང་། ཞིང་འབྲོག་ཁུལ་གྱི་ཚན་རིག་དང་མཐུན་པའི་འཕེལ་རྒྱས་ལ་རོགས་རམ་བྱེད་པ་དང་སྤྱི་ཚོགས་ཞི་མཐུན་བརྟན་ལྷིང་ལ་སྐུལ་འདེད་གཏོང་རྒྱུ་དེ་སྔ་ཕྱི་བར་གསུམ་དུ་རྨང་བརྟན་དམངས་ཕན་བྱེད་སྒོའི་བརྒྱུད་རིམ་ཡོངས་ལ་ཁྱབ་པ། མང་ཚོགས་ཀྱི་སེམས་ཁྲལ་དང་དཀའ་ངལ་སེལ་བ་དང་མང་ཚོགས་ལ་ཞབས་འདེགས་ཧུར་ཐག་ཞུ་རྒྱུ་དེ་སྔ་ཕྱིར་བར་གསུམ་དུ་རྨང་བརྟན་དམངས་ཕན་བྱེད་སྒོའི་འགོ་འཛུགས་ས་དང་གཞི་ཚུགས་སར་བརྩི་བ་བཅས་བྱེད་དགོས་པའི་བླང་བྱ་བཏོན་གནང་བ་རེད།