བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཟླ་8ཚེས་5ཉིན་གྱི་ཕྱི་དྲོ་ལྷ་ས་གྲོང་ཁྱེར་གྱི་ལས་བྱེད་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་པའི་ལས་དོན་ཚོགས་འདུའི་ཐོག་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧུའུ་ཅི་ཆེ་དགྲ་ལྷས་བྱང་ཚད་མཐོ་བའི་ལས་བྱེད་དཔུང་ཁག་ཅིག་ཧུར་ཐག་བཙུགས་ནས་ལྟེ་བའི་གྲོང་ཁྱེར་གྱི་གནས་བབ་ནུས་པ་གང་ལེགས་འདོན་པ་དང་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་མ་གཏོང་རྒྱུར་རྩ་འཛུགས་ཀྱི་ནུས་པ་སྟོབས་ཆེན་ཞིག་འདོན་དགོས་པའི་བླང་བྱ་བཏོན་གནང་བ་རེད།
ཆེ་དགྲ་ལྷས་བསམ་བློ་འཛུགས་སྐྱོང་བྱ་རྒྱུ་ནི་ལས་བྱེད་དཔུང་ཁག་འཛུགས་སྐྱོང་ཁྲོད་ཀྱི་སྲོག་ཤིང་དང་བླ་སྲོག་ལྟ་བུ་ཡིན་ལ་ལས་འགན་ཨང་དང་པོའང་ཡིན། ད་ཆ་ཚན་རིག་དང་མཐུན་པའི་ངང་འགོ་ཁྲིད་ལས་བྱེད་པའི་བསམ་བློའི་གནས་སྟངས་ལ་དབྱེ་ཞིབ་དང་ཤེས་རྟོགས་བྱས་ཏེ་དམིགས་ས་ཡོད་པའི་སྒོ་ནས་འགོ་ཁྲིད་ཚན་ཁག་དང་ལས་བྱེད་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་རྒྱུ་ནི་གྲོང་ཁྱེར་འདི་ཡོངས་ཀྱི་མི་རིགས་ཁག་གི་མི་དམངས་རྣམས་ལ་མཐུན་སྒྲིལ་དང་སྣེ་ཁྲིད་ཀྱིས་འབྱོར་འབྲིང་སྤྱི་ཚོགས་འཛུགས་རྒྱུར་དོན་སྙིང་གལ་ཆེན་ལྡན་ཡོད་ཅེས་གསུངས་པ་རེད།
ཆེ་དགྲ་ལྷས་རིགས་པའི་གཞུང་ལུགས་ཀྱིས་བསམ་བློར་དྲག་ཆས་སྤྲས་ཏེ་ལས་བྱེད་པའི་དཔུང་ཁག་གི་རིག་གཞུང་བྱང་ཚད་མཐོ་རུ་གཏོང་དགོས་པ་དང་། བསམ་བློར་བཅིངས་འགྲོལ་གཏོང་རྒྱུ་མཐའ་འཁྱོངས་དང་ཚན་རིག་དང་མཐུན་པའི་གོང་འཕེལ་ལྟ་བ་བཙུགས་ནས་ཚན་རིག་དང་མཐུན་པའི་གོང་འཕེལ་ལྟ་བ་དང་མ་འཚམ་པ་དང་མ་མཐུན་པའི་བསམ་བློའི་འཁྱེར་སོར་འགྱུར་བ་གཏོང་བ་དང་། ཚན་རིག་དང་མཐུན་པའི་གོང་འཕེལ་འགྲོ་རྒྱུར་ཤུགས་རྐྱེན་དང་ཚོད་འཛིན་ཐེབས་པའི་མངོན་གསལ་དོད་པའི་གནད་དོན་གཙོ་གནད་དུ་ཐག་གཅོད་བྱེད་པ། “མཐོ་སར་འཛེག་རྒྱུར ”སྐྲག་པ་དང “དཀའ་གནད་ལ་ཞུམ་པའི ”བསམ་བློ་ཁྱད་དུ་གསོད་པ། བསམ་བློ་གཏོང་སྟངས་གཅིག་རང་གིས་མི་འཆིང་བ་དང་འགལ་རྐྱེན་སྣ་ཚོགས་ཀྱིས་གཡོ་འགུལ་མི་ཐེབས་པར་སྤོབས་སེམས་ཆེན་པོས་མདུན་སྐྱོད་དང་ཧུར་བསྐྱེད་ཡར་བརྩོན་གྱི་སེམས་ཤུགས་ཐོག་མཐའ་བར་གསུམ་དུ་མཐའ་འཁྱོངས་བྱེད་པ་བཅས་བྱས་ཏེ་དྲན་པ་སྐྱེན་ཞིང་བསམ་རྒྱ་ཡངས་པ་དང་སྙིང་སྟོབས་རབ་ཏུ་འཕེལ་ཞིང་གསར་གཏོད་བྱེད་ཕོད་པའི་ལས་བྱེད་དཔུང་ཁག་ཅིག་འཛུགས་སྐྱོང་ཧུར་ཐག་བྱས་ནས་མི་སེམས་ལ་སྐུལ་ལྕག་ཐེབས་པའི་སྔོན་ཐོན་བསམ་བློས་ཚན་རིག་དང་མཐུན་པའི་འཕེལ་རྒྱས་ལ་སྣེ་ཁྲིད་ཐུབ་པ་བྱེད་དགོས་པའི་བླང་བྱ་བཏོན་གནང་ཡོད།
ཆེ་དགྲ་ལྷས་འགོ་ཁྲིད་ཚན་ཁག་འཛུགས་སྐྱོང་ལ་སྔར་བས་ཤུགས་སྣོན་རྒྱག་པ་དང་། ལས་བྱེད་དཔུང་ཁག་དོ་དམ་ལམ་ལུགས་སྔར་བས་འཐུས་སྒོ་ཚང་དུ་གཏོང་བ། ལས་བྱེད་དཔུང་ཁག་གསོ་སྦྱོང་བྱ་ཤུགས་སྔར་བས་ཆེ་རུ་གཏོང་བ་བཅས་ཐོག་ནས་ལས་བྱེད་དཔུང་ཁག་གི་རྩ་འཛུགས་འཛུགས་སྐྱོང་ལ་ཁྱོན་ཡོངས་ནས་ཤུགས་སྣོན་རྒྱག་པ། ཆབ་སྲིད་དང་། ལས་ཀ སྤྱོད་གཙང་བཅས་ཀྱི་སྒྲིག་ལམ་ནན་པོ་སྲུང་ཞིང་ལས་བྱེད་དཔུང་ཁག་གི་སྤྱོད་སྲོལ་འཛུགས་སྐྱོང་ལ་ཁྱོན་ཡོངས་ནས་སྐུལ་མ་གཏོང་བ་དང་མི་དམངས་དང་མང་ཚོགས་དབར་གྱི་ཤ་ཁྲག་ལྟ་བུའི་འབྲེལ་བ་ཐོག་མཐའ་བར་གསུམ་དུ་རྒྱུན་འཁྱོངས་བྱེད་དགོས། སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡི་གསུང་བཤད་གལ་ཆེན་གྱི་དགོངས་དོན་ངེས་པར་དུ་ལག་བསྟར་དོན་འཁྱོལ་ནན་ཏན་བྱས་ཏེ་ལྗོངས་ཏང་ཨུད་དང་གྲོང་ཨུད་དང་དེ་བཞིན་གྲོང་ཁྱེར་སྲིད་གཞུང་གི་བཀོད་སྒྲིག་བླང་བྱ་ལྟར་ཚད་མཐོའི་ཆབ་སྲིད་ཀྱི་འགན་སེམས་དང་ལས་འགན་སྒྲུབ་སེམས་འཆང་བ་དང་སེམས་ཐག་ཆོད་པོ་དང་བྱ་ཐབས་ནན་པོའི་སྒོ་ནས་ལས་བྱེད་དཔུང་ཁག་འཛུགས་སྐྱོང་ལ་སྔར་བས་ཤུགས་སྣོན་བརྒྱབ་སྟེ་རིམ་ཁག་ལས་བྱེད་པས་དྲང་བདེན་སྲུང་བ་དང་། ཧུར་བསྐྱེད་ཡར་བརྩོན། སྐྱེས་སྟོབས་འབར་བ་བཅས་སྔ་བར་ཕྱི་གསུམ་དུ་རྒྱུན་འཁྱོངས་ཐུབ་པ་དང་ཨང་དང་པོ་གཏོད་པའི་འདུ་ཤེས་བཅངས་ཏེ་སྙིང་སྟོབས་སྔར་ལས་ཆེ་བ་དང་། སེམས་རྩ་སྔར་ལས་འཁོལ་བ། བྱ་ཐབས་སྔར་བས་བཟང་བ། སྤྱོད་ཚུལ་སྔར་བས་ལེགས་པ་བཅས་ཀྱི་སྒོ་ནས་ལྷ་སའི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་མ་གཏོང་ཆེད་རྩ་འཛུགས་ཀྱི་་འགན་ལེན་ནུས་ལྡན་བྱས་ཏེ་ཕུལ་བྱུང་གྲུབ་འབྲས་ཐོག་ནས་ཏང་གི་ཚོགས་ཆེན་བཅོ་བརྒྱད་པར་ལེགས་སྐྱེས་འབུལ་དགོས་པའི་ནན་བཤད་གནང་བ་རེད།