བོད་ལྗོངས་ཉིན་རེའི་ཚགས་པར་ཁང་དུ་གནས་ཚུལ་འབྱོར་གསལ། ཟླ་7ཚེས་26ཉིན་གྱི་ཕྱི་དྲོ་རང་སྐྱོང་ལྗོངས་སྒྲིག་ཨུད་ལྟ་ཞིབ་ཐིང་གིས་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་ལས་དོན་སྙན་སེང་ཚོགས་འདུ་འཚོགས་ནས་ཀྲུང་དབྱང་སྒྲིག་ཨུད་ཡིག་འབུལ་ངོ་བཅར་གཞུང་ལས་ཁང་གི་བོད་སྐྱོད་བརྟག་ཞིབ་ཚོགས་ཆུང་དང་བཅས་པར་ཏང་གི་ཚོགས་ཆེན་བཅུ་བདུན་པ་ནས་བཟུང་རང་ལྗོངས་ཀྱི་སྒྲིག་བཤེར་ལྟ་ཞིབ་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་ལས་དོན་གྱིས་སྤེལ་བའི་གནས་ཚུལ་གཙོ་བོ་དང་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་ལས་དོན་ཚན་རིག་ཅན་ཐད་ཀྱི་ལས་ཀའི་གནས་ཚུལ་སྙན་སེང་ཞུས་པ་རེད།
རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་སྒྲིག་ཨུད་ཀྱི་ཧྲུའུ་ཅི་ཅིན་ཧྲུའུ་པོ་སྙན་སེང་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།
ཅིན་ཧྲུའུ་པོས་ཀྲུང་དབྱང་སྒྲིག་ཨུད་ཡིག་འབུལ་ངོ་བཅར་གཞུང་ལས་ཁང་གི་བོད་སྐྱོད་བརྟག་ཞིབ་ཚོགས་ཆུང་དང་བཅས་པ་ཆེད་མངགས་བོད་དུ་ཕེབས་ནས་རང་ལྗོངས་ཀྱི་སྒྲིག་བཤེར་ལྟ་ཞིབ་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་ལས་དོན་ཚན་རིག་ཅན་གྱི་ཐད་བརྟག་ཞིབ་གནང་བ་དང་འབྲེལ་ཀྲུང་དབྱང་སྒྲིག་ཨུད་ཀྱིས་བསྒྲུབ་རྒྱུར་སྤྲད་པའི་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་གྱོད་གཞི་བདག་སྤྲོད་ཀྱི་ལས་དོན་ལ་ལྟ་སྐུལ་མཛུབ་ཁྲིད་དང་ཞིབ་བཤེར་གནང་བ་དེ་ནི་རང་ལྗོངས་ཀྱི་སྒྲིག་བཤེར་ལྟ་ཞིབ་ཀྱི་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་ལས་དོན་ལ་སྐུལ་འདེད་ནུས་ལྡན་བཏང་བ་ཞིག་ཡིན་ལ་ང་ཚོར་རྒྱབ་སྐྱོར་དང་སྐུལ་ལྕག་ཧ་ཅང་ཆེན་པོ་གནང་བ་ཞིག་དེ་བས་ཀྱང་རེད་ཅེས་གསུངས་པ་རེད།
ཅིན་ཧྲུའུ་པོས་ཉེ་ལམ་ལོ་ཤས་རིང་ལྗོངས་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱི་ཡིག་འབུལ་ངོ་བཅར་དང་ཐེར་འདོན་ཉེས་ཞུའི་སྡེ་ཚན་གྱིས་ལྗོངས་སྒྲིག་ཨུད་རྒྱུན་ཨུད་ཀྱི་འགྱུར་མེད་སྟོབས་ལྡན་གྱི་འགོ་ཁྲིད་འོག་སྔ་ཕྱི་བར་གསུམ་དུ་ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་བ་དང་། ཡིག་འབུལ་ངོ་བཅར་གྱི་གནས་ཚུལ་མཚོན་པར་བྱེད་ཤུགས་ཆེ་རུ་གཏོང་བ། ཡིག་འབུལ་ངོ་བཅར་གྱི་གནད་དོན་ཐག་གཅོད་བྱ་རྒྱུར་ཤུགས་རྒྱག་པ། མང་ཚོགས་ཀྱི་ངོ་བཅར་ཐག་གཅོད་འོས་འཚམ་བྱེད་པ། འགལ་བ་དང་རྩོད་གཞི་ནུས་ལྡན་ངང་སེལ་བ། འགན་ནུས་འདོན་སྤེལ་གང་ལེགས་བྱེད་པ། རྒྱ་ཆེའི་མི་དམངས་མང་ཚོགས་ཀྱི་ཁེ་ཕན་སྲུང་སྐྱོང་མཐའ་གཅིག་ཏུ་བྱེད་པ་བཅས་བྱས་ནས་རང་ལྗོངས་ཀྱི་སྤྱི་ཚོགས་ཞི་མཐུན་བརྟན་ལྷིང་སྲུང་སྐྱོང་དང་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ལས་དོན་གཏིང་ཟབ་སྤེལ་རྒྱུར་སྐུལ་མ་གཏོང་ཆེད་དགེ་མཚན་ལྡན་པའི་ལེགས་སྐྱེས་ཕུལ་ཡོད་ཅེས་བསྟན་པ་རེད།