བོད་ལྗོངས་ཉིན་རེའི་ཚགས་པར་ཁང་དུ་གནས་ཚུལ་འབྱོར་གསལ། ཉིན་ཤས་གོང་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་ཏུང་ཡུན་ཧུའུ་ཡིས་ལྗོངས་ཐད་གཏོགས་དྲིལ་བསྒྲགས་བསམ་བློ་རིག་གནས་བཅས་སྡེ་ཚན་གྱི་འགན་ཁུར་མི་སྣའི་ཚོགས་འདུ་གཙོ་སྐྱོང་དང་སྐོང་ཚོགས་གནང་སྟེ་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་བློ་མཐུན་ལི་ཁྲང་ཁྲུན་གྱིས་བོད་དུ་རྟོག་ཞིབ་དང་བརྟག་ཞིབ་གནང་རིང་གནང་བའི་གསུང་བཤད་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ནས་དྲིལ་བསྒྲགས་དང་ལག་བསྟར་གྱི་ལས་དོན་ལ་ཞིབ་འཇུག་དང་བཀོད་སྒྲིག་གནང་བ་རེད། ཏུང་ཡུན་ཧུའུ་ཡིས་བློ་མཐུན་ལི་ཁྲང་ཁྲུན་གྱིས་ལྗོངས་ཏང་ཨུད་དང་སྲིད་གཞུང་གི་ལས་དོན་སྙན་ཞུ་གསན་རྗེས་གནང་བའི་གསུང་བཤད་གལ་ཆེན་གྱིས་འཐབ་ཇུས་དང་སྤྱི་ཡོངས་ཀྱི་མཐོ་ཚད་ཐོག་ནས་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་དྲིལ་བསྒྲགས་བསམ་བློ་རིག་གནས་བཅས་ཀྱི་ལས་དོན་ཐད་ཐོབ་པའི་གྲུབ་འབྲས་ལ་གདེང་འཇོག་གང་ལེགས་གནང་བ་དང་འབྲེལ་བོད་ཀྱི་དྲིལ་བསྒྲགས་བསམ་བློ་རིག་གནས་བཅས་ཀྱི་ལས་དོན་གྱི་དམིགས་བསལ་གནས་བབ་དང་གལ་ཆེའི་དོན་སྙིང་ལ་དབྱེ་ཞིབ་གཏིང་ཟབ་གནང་སྟེ་དུས་བབ་གསར་པའི་འོག་དྲིལ་བསྒྲགས་བསམ་བློ་རིག་གནས་བཅས་ཀྱི་ལས་དོན་ཡག་པོ་བསྒྲུབ་རྒྱུའི་དམིགས་ཚད་ལས་འགན་དང་སྤྱིའི་བླང་བྱ་ཞིབ་ཅིང་ཕྲ་བའི་སྒོ་ནས་རྒྱས་བཤད་གནང་ཡོད། ང་ཚོས་ངེས་པར་དུ་སློབ་སྦྱོང་ནན་ཏན་བྱེད་པ་དང་། གོ་བ་གཏིང་ཟབ་ལེན་པ། ཁྱོན་ཡོངས་ནས་ལག་བསྟར་དོན་འཁྱོལ་བྱེད་པ་བཅས་བྱས་ཏེ་གསུང་བཤད་ཀྱི་དགོངས་དོན་དེ་རང་ལྗོངས་ཀྱི་དྲིལ་བསྒྲགས་བསམ་བློ་རིག་གནས་བཅས་ཀྱི་ལས་དོན་ལ་སྐུལ་འདེད་གཏོང་བའི་སྟོབས་ཆེའི་སྒུལ་ཤུགས་སུ་འགྱུར་བ་བྱས་ནས་བྱ་སྤྱོད་དངོས་དང་གཟེངས་སུ་ཐོན་པའི་གྲུབ་འབྲས་ཀྱི་ཐོག་ནས་ཏང་ཀྲུང་དབྱང་དང་བློ་མཐུན་ལི་ཁྲང་ཁྲུན་གྱི་ཐུགས་ཁུར་དང་གཅེས་སྐྱོང་ལ་དྲིན་ལན་འཇལ་དགོས་ཞེས་གསུངས་པ་རེད།
ཏུང་ཡུན་ཧུའུ་ཡིས་ལྗོངས་ཡོངས་ཀྱི་དྲིལ་བསྒྲགས་བསམ་བློ་རིག་གནས་བཅས་ཀྱི་འཐབ་ཕྱོགས་ཀྱིས་བྱ་སྤྱོད་ཧུར་ཐག་སྤེལ་བ་དང་། བྱེད་ཐབས་སྣ་མང་སྤྱོད་པ། ཐོན་ཁུངས་སྣ་ཚོགས་སྐོང་འཐེན་བྱེད་པ་བཅས་བྱས་ཏེ་བློ་མཐུན་ལི་ཁྲང་ཁྲུན་གྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་དྲིལ་བསྒྲགས་བྱེད་པའི་ཚ་རླབས་མགྱོགས་མྱུར་འཕྱུར་བ་བྱེད་པ་དང་། བློ་མཐུན་ལི་ཁྲང་ཁྲུན་གྱི་གསུང་བཤད་ཀྱི་དོན་སྙིང་གལ་ཆེན་དང་། ནང་དོན་གཙོ་བོ། ལས་ཀའི་བླང་བྱ་བཅས་ལ་གོ་བ་གཏིང་ཟབ་ལེན་པ་དང་དྲིལ་བསྒྲགས་ཤུགས་ཆེན་བྱེད་པ། ས་གནས་ཁག་དང་སྡེ་ཚན་ཁག་གིས་གསུང་བཤད་ཀྱི་དགོངས་དོན་སློབ་སྦྱོང་དང་ལག་བསྟར་བྱེད་པའི་གནས་ཚུལ་གང་ལེགས་སྤེལ་བ་བཅས་བྱས་ཏེ་བསམ་བློ་དང་བྱ་སྤྱོད་དེ་དྲིལ་བསྒྲགས་བསམ་བློ་རིག་གནས་བཅས་ཀྱི་ལས་དོན་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་བློ་མཐུན་ལི་ཁྲང་ཁྲུན་གྱི་གསུང་བཤད་གལ་ཆེན་གྱི་དགོངས་དོན་ཐོག་གཅིག་གྱུར་ཡོང་བ་བྱེད་དགོས། བློ་མཐུན་ལི་ཁྲང་ཁྲུན་གྱི་གསུང་བཤད་གལ་ཆེན་གྱི་བཀོད་སྒྲིག་བླང་བྱར་གཞིགས་ཏེ་བོད་ཀྱི་དོན་དངོས་དང་ཟུང་འབྲེལ་དམ་ཟབ་བྱེད་པ་དང་། ཞིབ་བཤེར་ནན་ཏན་བྱེད་པ། བསམ་ཕྱོགས་གསལ་པོ་བཟོ་བ། ལས་འགན་དབྱེ་ཕྲལ་བྱེད་པ། ལག་བསྟར་བྱ་རྒྱུ་སྒྲིག་འཛུགས་ཞིབ་ཚགས་བྱེད་པ། ལས་དོན་དོན་འཁྱོལ་བྱ་རྒྱུར་དམ་འཛིན་ནན་པོ་བྱེད་པ་བཅས་བྱེད་དགོས་ཞེས་ནན་བཤད་གནང་བ་རེད།