ཟླ་6ཚེས་19ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་རང་སྐྱོང་ལྗོངས་ཏང་ཨུད་ཏང་འཛུགས་སྐྱོང་ལས་དོན་འགོ་ཁྲིད་ཚོགས་ཆུང་གི་ཙུའུ་ཀྲང་ཧའོ་ཕུང་གིས་རང་ལྗོངས་ཀྱི་གཞུང་ཁོངས་ཁེ་ལས་ཀྱི་ཏང་འཛུགས་སྐྱོང་ལས་དོན་ལ་བརྟག་ཞིབ་གནང་ཞིང་། འདི་ནི་ཧའོ་ཕུང་གིས་བོད་ལྗོངས་རླངས་འཁོར་བཟོ་ལས་ཚོང་དོན་ཚད་ཡོད་ཀུང་སིར་ཏང་འཛུགས་སྐྱོང་གི་འབྲེལ་ཡོད་དཔྱད་གཞིའི་ཡིག་ཆར་གཟིགས་ཞིབ་གནང་བཞིན་པའི་གནས་ཚུལ་ཡིན་པ།
བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཚེས་19ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་རང་སྐྱོང་ལྗོངས་ཏང་ཨུད་ཏང་འཛུགས་སྐྱོང་ལས་དོན་འགོ་ཁྲིད་ཚོགས་ཆུང་གི་ཙུའུ་ཀྲང་ཧའོ་ཕུང་གིས་སྔ་རྗེས་སུ་བོད་ལྗོངས་རླངས་འཁོར་བཟོ་ལས་ཚོང་དོན་ཚད་ཡོད་ཀུང་སི་དང་བོད་ལྗོངས་མཁའ་ལམ་ཨར་སྐྲུན་བཟོ་ལས་ཚོགས་པ་ཚད་ཡོད་ཀུང་སིར་ཕེབས་ནས་རང་ལྗོངས་ཀྱི་གཞུང་ཁོངས་ཁེ་ལས་ཀྱི་ཏང་འཛུགས་སྐྱོང་ལས་དོན་ལ་བརྟག་ཞིབ་གནང་ཞིང་། ཁོང་གིས་ལྗོངས་ཡོངས་ཀྱི་གཞུང་ཁོངས་ཁེ་ལས་ཀྱི་ཏང་རྩ་འཛུགས་ཀྱིས་ཏང་འཛུགས་སྐྱོང་ལས་དོན་ལ་སྔར་བས་ཤུགས་སྣོན་རྒྱག་པ་དང་ཁེ་ལས་ཀྱི་འཕེལ་རྒྱས་ལ་སྐུལ་འདེད་བཏང་སྟེ་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ཆེད་སྟོབས་ཤུཌ་ལེཌ་སྐྱེས་སུ་འབུལ་དགོས་པའི་ནན་བཤད་གནང་བ་རེད།
ཧའོ་ཕུང་དང་བཅས་པས་དང་ཐོག་བོད་ལྗོངས་རླངས་འཁོར་བཟོ་ལས་ཚོང་དོན་ཚད་ཡོད་ཀུང་སིར་ཕེབས་ནས་ཁེ་ལས་ཀྱི་ལས་བཟོའི་ཁྲོད་ནས་ཏང་ཡོན་འཕེལ་རྒྱས་བཏང་བའི་གནས་ཚུལ་མཁྱེན་རྟོགས་དང་ཏང་ཡོན་གྱི་ཡིག་ཚགས་དང་ཏང་ཡོན་གྱི་སློབ་སྦྱོང་ཟིན་བྲིས་སོགས་དཔྱད་གཞིའི་ཡིག་ཆར་ནན་ཏན་ངང་གཟིགས་ཞིབ་གནང་ཞིང་། ད་ཕན་ལོ་ཤས་རིང་ཁེ་ལས་དེས་མི་ཤུགས་ཐོན་ཁུངས་ཀྱི་དོ་དམ་ཆུ་ཚད་མཐོ་རུ་གཏོང་བ་དང་ཁེ་ལས་ཀྱི་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་རྒྱུར་དམིགས་ནས “དཔལ་འབྱོར་ལ་གཞིགས་ཏེ་ཏང་འཛུགས་སྐྱོང་ལ་དམ་འཛིན་དང་ཏང་འཛུགས་སྐྱོང་ལ་དམ་འཛིན་ཡག་པོ་བྱས་ནས་འཕེལ་རྒྱས་ལ་སྐུལ་འདེད་གཏོང་བའི ”ཏང་འཛུགས་སྐྱོང་ལས་དོན་གྱི་བསམ་ཕྱོགས་རིམ་བཞིན་འཚོལ་ཞིབ་བྱས་པ་དང་འབྲེལ་འཐུས་སྒོ་ཚང་དུ་གཏོང་བ་དང་ཏང་འཛུགས་སྐྱོང་ལས་དོན་གྱི་སྒྲིག་གཞི་འཛུགས་པ་དང་འཐུས་སྒོ་ཚང་དུ་བཏང་བས་ཁེ་ལས་ཀྱི་ཏང་འཛུགས་སྐྱོང་ལས་དོན་ལམ་ལུགས་ཅན་དང་ཚད་ལྡན་ཅན་གྱི་སྒོ་ནས་འཁོར་སྐྱོད་ཐུབ་པ་མཁྱེན་རྟོགས་བྱུང་རྗེས་ཧའོ་ཕུང་གིས་དེའི་ཐད་ཁས་ལེན་གང་ལེགས་གནང་བ་རེད། ཁེ་ལས་དེའི་ལས་བཟོའི་དཔེ་དེབ་ཁང་དུ་ཧའོ་ཕུང་གིས་ཁེ་ལས་ཀྱི་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་རྒན་གྲས་ཀྱི་འཐུས་མིར་གཟིགས་པ་དང་འབྲེལ་ཁོང་ཚོ་དང་བྱམས་བརྩེའི་ངང་གླེང་མོལ་གནང་བ་དང་ཁེ་ལས་ཀྱི་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་གྱི་རྩ་འཛུགས་འཚོ་བ་སྔར་བས་ཡག་པོ་སྤེལ་རྒྱུའི་ཐད་ཁོང་ཚོས་བཏོན་པའི་གྲོས་འགོ་དང་བསམ་འཆར་གསན་ཞིང་། ཏང་ཡོན་རྒན་གྲས་ངག་དབང་འཇིགས་གྲགས་ཀྱིས་ཧའོ་ཕུང་དང་བཅས་པར་ཀུང་སིའི་ཏང་ཨུད་ཀྱིས་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་གྱི་ཏང་འཛུགས་སྐྱོང་ལས་དོན་ལ་ཚད་མཐོའི་མཐོང་ཆེན་བྱས་ནས་ལྷ་ས་དང་ཁྲེང་ཏུའུ་རུ་ཏང་ཀྲི་པུའུ་གཉིས་བཙུགས་ཡོད་པས་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་ཚང་མས་རྒྱུན་གཏན་གྱི་རྩ་འཛུགས་འཚོ་བ་སྐྱེལ་རྒྱུ་འགན་ལེན་བྱུང་བ་དང་ཆབས་ཅིག་ལོ་ལྟར་ཏང་ཡོན་རྒན་གྲས་ལྗོངས་ནང་ཁུལ་དུ་རྟོག་ཞིབ་དང་ལྟ་སྐོར་བྱེད་པའི་བྱེད་སྒོ་ཐེངས་རེ་བཀོད་སྒྲིག་བྱས་ནས་ཁོང་ཚོས་ལྗོངས་ནང་ཁུལ་གྱི་འཕེལ་རྒྱས་གསར་པ་དང་འཕོ་འགྱུར་གསར་པ་ཁྱོན་ཡོངས་ནས་ཤེས་རྟོགས་ཐུབ་པ་བྱེད་ཀྱི་ཡོད་པས་ཏང་གི་རྗེས་སུ་འབྲངས་བའི་ཁོང་ཚོའི་ཡིད་ཆེས་དང་ཆོད་སེམས་དེ་བས་བརྟན་དུ་ཕྱིན་ཡོད་ཅེས་ངོ་སྤྲོད་བྱས་པ་ཧའོ་ཕུང་གིས་གསན་རྗེས་དགྱེས་ཚོར་ཧ་ཅང་ཆེན་པོ་གནང་བ་དང་ཁེ་ལས་ཀྱི་ལས་བྲལ་དང་ལས་འཁྱུར་ངལ་གསོ་རྒྱག་མཁན་ཏང་ཡོན་རྒན་གྲས་ཚོ་ལས་འཁྱུར་བྱས་ཀྱང་སྙིང་སྟོབས་མི་ཉམས་པར་ཐོག་མཐའ་བར་གསུམ་དུ་ཆབ་སྲིད་ཀྱི་དད་སེམས་བརྟན་པོ་དང་བསམ་པའི་ཉམས་འགྱུར་བཟང་པོ་རྒྱུན་འཁྱོངས་ཀྱིས་ཁ་ཕྲལ་ལ་ངོ་རྒོལ་མཐའ་གཅིག་ཏུ་བྱེད་པ་དང་མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་སྲུང་སྐྱོང་བྱེད་པར་ཐུགས་མགུ་པོ་གནང་བ་རེད།
དེ་རྗེས་ཧའོ་ཕུང་དང་བཅས་པས་བོད་ལྗོངས་མཁའ་ལམ་ཨར་སྐྲུན་བཟོ་ལས་ཚོགས་པ་ཚད་ཡོད་ཀུང་སིར་ཕེབས་ནས་ཁེ་ལས་ཀྱི་ཏང་འཛུགས་སྐྱོང་ལས་དོན་གྱི་གྲུབ་འབྲས་འགྲེམས་སྟོན་ལ་གཟིགས་ཞིབ་ཞིབ་ཕྲ་གནང་བ་དང་མཁའ་ལམ་ཚོགས་པས “བཟང་པོ་བཞིའི ”ཚན་ཁག་དང་། “སྟོབས་ལྡན་བཞིའི ”ཏང་རྩ་འཛུགས། “ཕུལ་བྱུང་བཞིའི ”གུང་ཁྲན་ཏང་ཡོན་བཅས་སྲོལ་གཏོད་ཀྱི་བྱེད་སྒོ་གཏིང་ཟབ་སྤེལ་རྒྱུ་དམ་འཛིན་བྱ་གཞིར་བྱས་ཏེ་ཁེ་ལས་ཀྱི་ཏང་འཛུགས་སྐྱོང་ལས་དོན་གྱི་ཚན་རིག་ཅན་དང་། ཚད་ལྡན་ཅན། ལམ་ལུགས་ཅན་བཅས་ཀྱི་ཆུ་ཚད་རྒྱུན་ཆད་མེད་པར་མཐོ་རུ་བཏང་བ་དང་རང་ངོས་ཀྱི་ཁྱད་ཆོས་དང་ཟུང་འབྲེལ་བྱས་ཏེ་རྣམ་གྲངས་འཛུགས་སྐྲུན་གྱི་ལས་ཡུལ་དུ་གནས་སྐབས་ཏང་ཀྲི་པུའུ་བཙུགས་པའི་བྱེད་ཐབས་ལ་བསྔགས་བརྗོད་གནང་བ་རེད།
ཧའོ་ཕུང་གིས་གཞུང་ཁོངས་ཁེ་ལས་ཀྱི་རིམ་ཁག་ཏང་རྩ་འཛུགས་ཀྱིས་གཞི་རིམ་རྩ་འཛུགས་འཛུགས་སྐྱོང་ལོར་སྐུལ་འདེད་ཏན་ཏིག་གཏོང་རྒྱུ་དེ་དམ་འཛིན་བྱ་གཞིར་བྱས་ནས་ཏང་འཛུགས་སྐྱོང་ལས་དོན་ལ་སྔར་བས་ཤུགས་སྣོན་རྒྱག་པ་དང་གཞུང་ཁོངས་ཁེ་ལས་ཀྱི་ཏང་རྩ་འཛུགས་ཀྱི་ཆབ་སྲིད་ཀྱི་སྲོག་ཤིང་ནུས་པ་འདོན་པ་དང་ཁེ་ལས་ཚན་རིག་དང་མཐུན་པའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་ཐད་འབད་བརྩོན་བྱས་ཐོག་ཁེ་ལས་ཀྱི་ཏང་ཨུད་ཧྲུའུ་ཅི་སྐུ་ངོ་མས་དམ་འཛིན་བྱེད་པ་དང་གཙོ་འགན་འཁུར་མཁན་འགོ་ཁྲིད་ཀྱིས་ཞིབ་ཕྲའི་དམ་འཛིན་བྱེད་པའི་བླང་བྱར་གཞིགས་ཏེ་རིམ་པ་བཞིན་དམ་འཛིན་དང་རིམ་པ་བཞིན་དོན་འཁྱོལ་ལ་དམ་འཛིན་བྱེད་པའི་ཏང་འཛུགས་སྐྱོང་ལས་དོན་གྱི་རྣམ་པ་ཞིག་ཆགས་པ་བྱས་ནས་གཞུང་ཁོངས་ཁེ་ལས་རྒྱ་སྟོབས་ཆེ་རུ་གཏོང་ཆེད་ཆབ་སྲིད་ཀྱི་འགན་ལེན་དང་རྩ་འཛུགས་ཀྱི་འགན་ལེན་ནུས་ལྡན་ཞིག་མཁོ་འདོན་བྱེད་དགོས། ལྟེ་བ་ཡིན་པའི་ཐོན་སྐྱེད་གཉེར་སྐྱོང་ལ་དམ་པོར་དམིགས་ནས་ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་དང་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་བྱས་ཏེ་གཞུང་ཁོངས་དཔལ་འབྱོར་འཕེལ་རྒྱས་དང་སྟོབས་ཆེར་གཏོང་བ་དང་། གཞུང་ཁོངས་རྒྱུ་ནོར་གྱི་རིན་ཐང་བརྟན་སྲུང་དང་རིན་ཐང་འཕར་རྒྱུར་སྐུལ་འདེད་གཏོང་བ། ཏང་འཛུགས་སྐྱོང་ལས་དོན་དང་ཐོན་སྐྱེད་གཉེར་སྐྱོང་གཉིས་ཀར་ཕན་འབྲས་ཐོན་པ་བཅས་བྱས་ནས་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་ཆེད་སྟོབས་ཤུགས་སྐྱེས་སུ་ཕུལ་ཏེ་གཡུར་ཟའི་གྲུབ་འབྲས་ཐོག་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་དགོས་པའི་ནན་བཤད་གནང་བ་རེད།