ཟླ་2ཚེས་5ཉིན་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་། ལྗོངས་སྲིད་གྲོས་ཏང་ཙུའུ་ཡི་ཧྲུའུ་ཅི། ཀྲུའུ་ཞི་གཞོན་པ། ལྗོངས་ཏང་ཨུད་འཐབ་ཕྱོགས་གཅིག་གྱུར་པུའི་པུའུ་ཀྲང་བཅས་ཡིན་པའི་མགོན་པོ་བཀྲ་ཤིས་ཀྱི་མངགས་བཅོལ་ལྟར་རང་སྐྱོང་ལྗོངས་ཏང་ཨུད་འཐབ་ཕྱོགས་གཅིག་གྱུར་པུའི་རྒྱུན་ལས་པུའུ་ཀྲང་གཞོན་པ་བསོད་ནམས་རིག་འཛིན་གྱིས་བཀྲས་ལྷུན་དགོན་གྱི་དགེ་འདུན་པར་གཟིགས་པ་དང་འབྲེལ་འཚམས་འདྲི་ཡང་གནང་ནས་ཚང་མར་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཁྲེན་ཆོན་གོ་དང་རང་སྐྱོང་ལྗོངས་ཀྱི་ཀྲུའུ་ཞི་པད་མ་འཕྲིན་ལས་ཀྱི་བྱམས་བརྩེའི་འཚམས་འདྲི་བརྒྱུད་སྤྲོད་གནང་བ་རེད།
རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་། གཞིས་རྩེ་ས་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ། བཀྲས་ལྷུན་དགོན་དོ་དམ་ཨུ་ལྷན་གྱི་ཀྲུའུ་རེན་དང་པོ་བཅས་ཡིན་པའི་ས་ལུང་ཕུན་ལགས་དང་བཅས་པས་གཟིགས་པ་དང་འཚམས་འདྲིར་ཞུགས་ཡོད་པ་རེད།
ས་ལུང་ཕུན་ལགས་ཀྱིས་བཀྲས་ལྷུན་དགོན་གྱིས “དྲུག་གཅིག ”གི་བྱེད་སྒོར་སྐུལ་འདེད་གཏོང་བ་དང་། དགོན་སྡེར “ཡོད་པ་དགུའི ”ལས་དོན་དོན་འཁྱོལ། ཞི་མཐུན་མིག་དཔེའི་དགོན་སྡེའི་རྒྱལ་གཅེས་ཁྲིམས་སྲུང་གི་གྲྭ་བཙུན་གཏོད་པ་བཅས་ཀྱི་བྱེད་སྒོ་སྤེལ་ཚུལ་དང་། བཀྲས་ལྷུན་དགོན་དོ་དམ་ཨུ་ལྷན་གྱི་ལས་དོན་སྤེལ་ཚུལ། དགེ་འདུན་གྱི་སྤྱི་ཚོགས་འགན་བཅོལ་དོན་འཁྱོལ་བྱས་ཚུལ། ཚོར་སྐྱེན་ཆེ་བའི་མཚམས་ཚིགས་ཀྱི་དགོན་སྡེའི་དོ་དམ་དང་བརྟན་ལྷིང་ལས་དོན་དང་དེ་བཞིན་དོ་དམ་ཨུ་ལྷན་གྱི་གཞུང་དོན་ཁང་དང་འཚོ་བའི་སྡོད་གནས་འདེམས་པའི་འཆར་འགོད་ཀྱི་ལས་དོན་སྤེལ་ཚུལ་བཅས་ངོ་སྤྲོད་བྱས་པ་རེད།
བསོད་ནམས་རིག་འཛིན་གྱིས་བཀྲས་ལྷུན་དགོན་དོ་དམ་ཨུ་ལྷན་གྱི་གཞུང་དོན་ཁང་དང་སྒྲིག་བཀོད་བཀོད་སྒྲིག་གི་གནས་ཚུལ་ལ་ལྟ་ཞིབ་བྱས་པ་དང་འབྲེལ་དོ་དམ་ཨུ་ལྷན་གྱི་ཁོངས་མི་དང་བྱམས་བརྩེའི་ངང་གླེང་མོལ་བྱས་ཤིང་། རྒྱ་ཆེའི་དགེ་འདུན་པ་ཚོས་བཀྲས་ལྷུན་དགོན་གྱི་རྒྱལ་གཅེས་ཆོས་གཅེས་ཀྱི་སྲོལ་རྒྱུན་བཟང་པོ་མུ་མཐུད་རྒྱུན་འཛིན་དང་དར་སྤེལ་གཏོང་བ་དང་། དགོན་སྡེའི་དོ་དམ་ལ་ཤུགས་སྣོན་རྒྱག་པ་དང་གསར་གཏོད་བྱ་རྒྱུའི་སྐོར་གྱི་ཧྲུའུ་ཅི་ཁྲེན་ཆོན་གོ་ཡི་གསུང་བཤད་དགོངས་དོན་ལག་བསྟར་དོན་འཁྱོལ་བྱེད་པ། ཆོས་ལུགས་ལས་དོན་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམས་རྒྱུར་སྐུལ་འདེད་ཧུར་ཐག་གཏོང་བ་བཅས་བྱས་ཏེ་རང་ལྗོངས་ཀྱི་དཔལ་འབྱོར་དང་སྤྱི་ཚོགས་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་ཆེད་ལེགས་སྐྱེས་དེ་བས་ཆེ་བ་འབུལ་རྒྱུ་ཡིན་ཞེས་བཤད་པ་རེད།