ཟླ་1ཚེས་23ཉིན་གྱི་སྔ་དྲོ་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་པད་མ་འཕྲིན་ལས་ཀྱིས་ལྷ་སར་དུས་ཆེན་རིང་ལས་གནས་བརྟན་སྲུང་བྱེད་མཁན་འགྲིམ་འགྲུལ་ཉེན་རྟོག་པ་དང་ཁོར་ཡུག་འཕྲོད་བསྟེན་བཟོ་པར་གཟིགས་པ་དང་འཚམས་འདྲི་གནང་ཞིང་། འདི་ནི་པད་མ་འཕྲིན་ལས་ཀྱིས་ཕོ་བྲང་པོ་ཏ་ལའི་ཐང་ཆེན་གྱི་ཁོར་ཡུག་འཕྲོད་བསྟེན་བཟོ་པར་གཟིགས་པ་དང་འཚམས་འདྲི་གནང་བཞིན་པའི་གནས་ཚུལ་ཡིན་པ།
ལུགས་ཪྙིང་ལོའི་དཔྱིད་གསར་དུས་ཆེན་གྱི་ཚེས་གཅིག་ཉིན་གནའ་གྲོང་ལྷ་སར་དུས་ཆེན་གྱི་རྣམ་པ་ཟབ་མོ་ལྡན་ཞིང་། སྔ་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་པད་མ་འཕྲིན་ལས་ཀྱིས་ལྷ་སར་དུས་ཆེན་རིང་ལས་གནས་བརྟན་སྲུང་བྱེད་མཁན་འགྲིམ་འགྲུལ་ཉེན་རྟོག་པ་དང་ཁོར་ཡུག་འཕྲོད་བསྟེན་བཟོ་པར་གཟིགས་པ་དང་འཚམས་འདྲི་གནང་ནས་ཁོང་ཚོར་དུས་ཆེན་གྱི་བཀྲ་ཤིས་རྟེན་འབྲེལ་དང་བླ་ན་མེད་པའི་གུས་འདུད་ཞུས་པ་དང་འབྲེལ་ཁོང་ཚོ་བརྒྱུད་ལྗོངས་ཡོངས་ཀྱི་ལས་རེས་མི་སྣར་བྱམས་བརྩེའི་འཚམས་འདྲི་ཡང་ཞུས་པ་རེད།
རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧྲུའུ་ཅི་ཆེ་དགྲ་ལྷ་དང་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་དང་། སྤྱི་བདེ་ཐིང་ཏང་ཨུད་ཀྱི་ཧྲུའུ་ཅི། ཐིང་ཀྲང་བཅས་ཡིན་པའི་ལི་ཀྲའོ་ལྷན་དུ་ཕེབས་ཡོད་པ་རེད།
པད་མ་འཕྲིན་ལས་དང་བཅས་པས་དང་ཐོག་དུས་ཆེན་རིང་ལས་གནས་བརྟན་སྲུང་བྱེད་བཞིན་པའི་ལས་སྒྲུབ་བུད་མེད་འགྲིམ་འགྲུལ་ཉེན་རྟོག་པར་གཟིགས་པ་དང་འཚམས་འདྲི་གནང་བ་དང་འབྲེལ་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་ནས་གྲོང་ཁྱེར་ཡོངས་ཀྱི་སྤྱི་བདེའི་འགྲིམ་འགྲུལ་ཉེན་རྟོག་པར་དུས་ཆེན་གྱི་འཚམས་འདྲི་ཡང་ཞུས་པ་རེད།
དུས་ཆེན་རིང་ལྷ་སའི་ཁོར་ཡུག་གཙང་ལ་མཛེས་སྡུག་ལྡན་པ་ཞིག་ཡོད་པ་དེ་ཁྲོམ་གཞུང་དང་སྲང་ལམ་ཆེ་ཆུང་ཁག་ཏུ་ཁུ་སིམ་མེར་ལས་ཀ་བྱེད་མཁན་ཁོར་ཡུག་འཕྲོད་བསྟེན་བཟོ་པ་ཚོའི་དཀའ་སྤྱད་ངལ་རྩོལ་དང་ཁ་འབྲལ་ཐབས་མེད་ཅིང་། པད་མ་འཕྲིན་ལས་དང་བཅས་པས་ཆེད་མངགས་ལྷ་ས་གྲོང་ཁྱེར་ཁྲེང་ཀོན་ཆུས་ཁོར་ཡུག་འཕྲོད་བསྟེན་རུ་ཆེན་དུ་ཕེབས་ནས་སྐད་གྲགས་དང་སྒེར་སེམས་མེད་པར་ལེགས་སྐྱེས་འབུལ་མཁན་ཁོར་ཡུག་འཕྲོད་བསྟེན་བཟོ་པར་དུས་ཆེན་གྱི་སྨོན་འདུན་བཟང་པོ་ཞུས་པ་རེད།
རང་སྐྱོང་ལྗོངས་སྲིད་གཞུང་གཞུང་དོན་ཐིང་དང་། ལྗོངས་དམངས་སྲིད་ཐིང་། སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་ཐིང་བཅས་དང་དེ་བཞིན་ལྷ་ས་གྲོང་ཁྱེར་འབྲེལ་ཡོད་སྡེ་ཚན་གྱི་འགན་ཁུར་བློ་མཐུན་ལ་གཟིགས་པ་དང་འཚམས་འདྲི་གནང་སྐབས་ལྷན་དུ་ཕེབས་ཡོད་པ་རེད།