དཔྱིད་གསར་དུས་ཆེན་དང་བོད་ཀྱི་ལོ་གསར་འཆར་ཉེར་ཡོད་པའི་སྐབས་དེར་ཟླ་1ཚེས་17ཉིན་གྱི་ཕྱི་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཧའོ་ཕུང་གིས་ལྷ་སར་ལས་རེས་དཔུང་སྡེ་དང་སྤྱི་བདེ་དངོས་ཞབས་དཔུང་སྡེའི་དཔོན་དམག་ལ་ཆེད་མངགས་གཟིགས་པ་དང་འཚམས་འདྲི་གནང་ནས་ཁོང་ཚོར་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐུགས་ཁུར་གཟབ་བཞེས་གནང་ལུགས་དང་དུས་ཆེན་གྱི་སྨོན་འདུན་ཞུས་པ་རེད། ཁོང་གིས་རྒྱ་ཆེའི་ལས་རེས་དཔོན་དམག་གིས་དོགས་ཟོན་དམ་ཟབ་བྱས་ཏེ་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་ལྷིང་ལ་གནོད་འཚེ་བཟོ་བའི་ཁ་ཕྲལ་གཏོར་བཤིག་གི་བྱེད་སྤྱོད་མཐའ་དག་ལ་རྡུང་རྡེག་ཚ་ནན་བཏང་ནས་རང་ལྗོངས་ཀྱི་སྤྱི་ཚོགས་ཞི་མཐུན་དང་བརྟན་ལྷིང་འགན་ལེན་བྱེད་པ་དང་ལྗོངས་ཡོངས་ཀྱི་མི་རིགས་ཁག་གི་མང་ཚོགས་དགའ་སྤྲོའི་དཔལ་ལ་རོལ་བའི་དུས་ཆེན་ཞིག་གཏོང་རྒྱུ་ཡོང་བའི་འགན་ལེན་བྱེད་དགོས་པའི་ནན་བཤད་གནང་བ་རེད།

    ཧའོ་ཕུང་དང་བཅས་པ་རང་སྐྱོང་ལྗོངས་སྤྱི་བདེ་ཐིང་ཉེན་སྲུང་ཅུས་དང་དྲག་ཆས་ཉེན་རྟོག་བོད་ལྗོངས་སྤྱི་ཁྱབ་རུ་ཁག་ལྷ་ས་ཉིང་ལག་རུ་ཁག་གི་ལས་འགན་སྒྲུབ་ཡུལ། བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག ལྗོངས་སྤྱི་བདེ་ཐིང་འཇིགས་རྒོལ་དམིགས་བསལ་མྱུལ་ཞིབ་རུ་ཁག་བབ་བསྟུན་ཉིང་ལག་རུ་ཁག བོད་ལྗོངས་སྤྱི་བདེ་མེ་ཟོན་སྤྱི་ཁྱབ་རུ་ཁག་ཕོ་བྲང་པོ་ཏ་ལའི་མེ་ཟོན་རུ་ཆེན་སོགས་ལ་སྔ་རྗེས་སུ་ཕེབས་ནས་ལས་རེས་དཔོན་དམག་རེ་རེ་བཞིན་ཕྱག་བཏང་གནང་ཐོག་ཁོང་ཚོར་དཀར་གཙང་མཇལ་དར་བསྒྲོན་པ་དང་། དཔྱིད་གསར་དུས་ཆེན་གྱི་སྨོན་འདུན་བཟང་པོ་ཞུས་གནང་བ་རེད། ཧའོ་ཕུང་གིས་འདས་མ་ཐག་པའི་2011ལོར་རང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་གཡུར་ཟའི་འབྲས་བུ་ཐོབ་པ་དང་། ལོ་གཅིག་ནང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་རྒྱ་ཆེའི་ལས་རེས་དཔོན་དམག་གིས་ཏང་དང་མི་དམངས་ཀྱི་ཁེ་ཕན་དེ་ཐོག་མཐའ་བར་གསུམ་དུ་ཨང་དང་པོར་བཞག་ནས་རྒྱལ་ཁབ་དང་བཅའ་ཁྲིམས་ཀྱིས་དཀྲིས་པའི་བླ་ན་མེད་པའི་འགན་འཁྲི་བློ་དཀར་ངང་བསྒྲུབས་པ་དང་བོད་ཞི་བས་བཅིངས་འགྲོལ་བཏང་ནས་ལོ་60འཁོར་བའི་རྟེན་འབྲེལ་མཛད་སྒོའི་བདེ་འཇགས་སྲུང་སྐྱོང་ལས་དོན་ཚུད་པའི་བདེ་འཇགས་སྲུང་སྐྱོང་དང་། འཕྲལ་སྒྲུབ་དང་ཐོལ་བྱུང་དོན་རྐྱེན་ཐག་གཅོད་བྱེད་པ། མཐའ་མཚམས་ཚོད་འཛིན་དང་བརྟན་ལྷིང་སྲུང་སྐྱོང་བྱེད་པ། ཉེན་སེལ་གེགས་སྐྱོབ་སོགས་ལས་འགན་འགངས་ཆེན་ཁག་གྲུབ་འབྲས་ཐོན་པའི་ངང་ལེགས་སྒྲུབ་བྱས་ཐོག་རང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་ལོ་ཧྲིལ་པོར་བརྟན་ལྷིང་དང་ཁྱོན་ཡོངས་ནས་བརྟན་ལྷིང་ཡོང་བའི་དམིགས་ཚད་མངོན་འགྱུར་ཡོང་ཆེད་ལེགས་སྐྱེས་མངོན་གསལ་དོད་པོ་ཕུལ་བ་དང་མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ལ་སྲུང་སྐྱོང་ནུས་ལྡན་བྱས་པས་མི་རིགས་ཁག་གི་མང་ཚོགས་ཀྱི་བསྔགས་བརྗོད་རྒྱ་ཁྱབ་ངང་ཐོབ་ཡོད་ཅེས་གསུངས་པ་རེད། རང་སྐྱོང་ལྗོངས་ཏང་ཨུད་དང་སྲིད་གཞུང་གིས་རྒྱ་ཆེའི་ལས་རེས་དཔོན་དམག་གི་ལས་དོན་ལ་ཁས་ལེན་གང་ལེགས་དང་ཚད་མཐོའི་གདེང་འཇོག་གནང་བ་དང་། ཁོང་གིས་ཧྲུའུ་ཅི་ཁྲེན་ཆོན་གོ་དང་ཀྲུའུ་ཞི་པད་མ་འཕྲིན་ལས་ཀྱི་ཚབ་ཞུས་ཏེ་ཚང་མར་བླ་ན་མེད་པའི་གུས་འདུད་དང་ལྷག་བསམ་ཟོལ་མེད་ཀྱིས་ཐུགས་རྗེ་ཆེ་ཞུས་པ་རེད།

    ཧའོ་ཕུང་གིས་འདི་ལོ་ང་ཚོས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་བསུ་བ་ཞུ་རྒྱུ་ཡིན་པས་འདི་ལོའི་བརྟན་ལྷིང་སྲུང་སྐྱོང་གི་ལས་དོན་ཁག་ཡག་པོ་སྒྲུབ་པའི་འགན་འཁྲི་ལྕི་བ་དང་ལས་འགན་དཀའ་ཚེགས་ཆེ་བ་ཞིག་ཡོད། རྒྱ་ཆེའི་ལས་རེས་དཔོན་དམག་གིས་ངེས་པར་དུ་འགན་འཁྲི་ཐོག་མཐའ་བར་གསུམ་དུ་བརྟན་པོར་ངེས་པ་དང་ཏང་གི་བཀོད་འདོམས་ལ་ཉན་ནས་རང་ལྗོངས་ཀྱི་བརྟན་ལྷིང་སྲུང་སྐྱོང་གི་ལས་དོན་ལ་འཕྲད་པའི་ཪྙོག་འཛིང་ཆེ་ལ་ཛ་དྲག་ཆེ་བའི་དུས་བབ་ངོས་འཛིན་གང་ལེགས་བྱས་ཏེ་དོགས་ཟོན་ཆེ་རུ་གཏོང་བ་དང “བོད་སྐྱོད་པ་རྒན་གྲས ”ཀྱི་སྙིང་སྟོབས་དར་སྤེལ་ཤུགས་ཆེན་བཏང་ནས་ཆབ་སྲིད་ཐོག་རྦད་དེ་ཚད་ལོན་པ་དང་། དམག་དོན་ཐད་རྦད་དེ་ཉམས་སད་ཐེག་ཐུབ་པ། སྤྱོད་ཚུལ་ཐད་རྨད་དུ་བྱུང་བ་བཅས་བྱས་ཐོག་རྒྱལ་ཁབ་ཀྱི་བདེ་འཇགས་ལ་གནོད་འཚེ་བཟོ་བའི་ཁ་ཕྲལ་གཏོར་བཤིག་གི་བྱེད་སྤྱོད་མཐའ་དག་ལ་རྡུང་རྡེག་ཚ་ནན་གཏོང་བ་དང་སྤྱི་ཚོགས་བརྟན་ལྷིང་ལ་གཏོར་བཤིག་གཏོང་བའི་ཉེས་དོན་ཉེས་གསོག་བྱེད་སྤྱོད་ཚབས་ཆེན་ལ་རྡུང་རྡེག་ཚ་ནན་བཏང་ཐོག་རང་ལྗོངས་ཀྱི་སྤྱི་ཚོགས་ཞི་མཐུན་བརྟན་ལྷིང་ཡོང་བར་འགན་ལེན་བྱེད་པ་དང་དོན་ཆེན་མི་ཐོན་པ་དང་། དོན་འབྲིང་མི་ཐོན་པ། དོན་ཆུང་ཡང་མི་ཐོན་པའི་བརྩོན་ལེན་ཧུར་ཐག་བྱས་ཏེ་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་ངང་འཚོག་རྒྱུར་ཞི་མཐུན་དང་བརྟན་ལྷིང་གི་སྤྱི་ཚོགས་ཁོར་ཡུག་ཅིག་བསྐྲུན་པ་དང་2020ལོར་སླེབས་སྐབས་རང་ལྗོངས་འདི་ཉིད་རྒྱལ་ཡོངས་དང་མཉམ་དུ་འབྱོར་འབྲིང་སྤྱི་ཚོགས་སྒོ་ཀུན་ནས་འཛུགས་སྐྲུན་བྱ་རྒྱུའི་བརྗིད་ཆེའི་དམིགས་ཚད་མངོན་འགྱུར་ཐུབ་པ་བྱ་ཆེད་འབུལ་འོས་པའི་ལེགས་སྐྱེས་འབུལ་དགོས་པའི་ནན་བཤད་གནང་བ་རེད།