ཟླ་11ཚེས་28ཉིན་གྱི་སྔ་དྲོ་རང་སྐྱོང་ལྗོངས་གསར་འགྱུར་དཔེ་སྐྲུན་ཅུས་ཀྱིས་ཏང་གི་ཚོགས་ཆེན་བཅོ་བརྒྱད་པའི་ཡིག་ཆ་དང་དེ་བཞིན་ཟུར་ཁྲིད་ཀློག་དེབ་ཀྱི་པར་ཕུད་མཛད་སྒོ་འཚོགས་ཤིང་། ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་ཏུང་ཡུན་ཧུའུ་ཡིས་མཛད་སྒོའི་གསུང་བཤད་གནང་བ་དང་འབྲེལ་ཏང་གི་ཚོགས་ཆེན་བཅོ་བརྒྱད་པའི་ཡིག་ཆ་དང་དེ་བཞིན་ཟུར་ཁྲིད་ཀློག་དེབ་ཀྱི་འགྲེམས་སྟོན་འགྲེམས་འཚོང་ཆེད་སྒྲོམ་གྱི་ཡོལ་བ་ཕྱེ་ནས་སྤྱི་ཚོགས་ལས་རིགས་ཁག་གི་འཐུས་མི་དང་དེ་བཞིན་སྡེ་ཁུལ་མང་ཚོགས་ལ་ཚོགས་ཆེན་བཅོ་བརྒྱད་པའི་ཡིག་ཆ་དང་ཟུར་ཁྲིད་ཀློག་དེབ་སྤྲད་པ་མ་ཟད་གལ་ཆེའི་བླང་བྱ་ཡང་བཏོན་གནང་བ་རེད།