ཚེས་24ཉིན་གྱི་ཕྱི་དྲོ་ཆབ་མདོར་བརྟན་ལྷིང་སྲུང་སྐྱོང་ལས་དོན་ལ་ལྟ་སྐུལ་མཛུབ་ཁྲིད་དང་ཞིབ་བཤེར་གནང་བཞིན་པའི་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་སྐལ་བཟང་ཚེ་རིང་གིས་ཆབ་མདོ་ས་ཁུལ་གྱི་ལས་དོན་སྤེལ་ཚུལ་གྱི་སྙན་ཞུ་གསན་པ་དང་། ཁོང་གིས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་དང་རང་སྐྱོང་ལྗོངས་ཀྱི་ཆབ་མདོའི་ལས་དོན་ཚོགས་འདུའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་དོན་འཁྱོལ་ཡག་པོ་བྱ་རྒྱུ་བཅས་གོ་སྐབས་སུ་བྱས་ནས་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་ཟབ་དང་། དུས་བབ་ཡང་དག་ངང་གསལ་རྟོགས། ཐོབ་དཀའ་བའི་གོ་སྐབས་དམ་འཛིན་བྱེད་པ། སྟོབས་ཤུགས་གང་ཡོད་ཀྱིས་མཆོང་སྐྱོད་རྗེས་སྙེག་བཅས་བྱས་ཐོག་བོད་ཤར་རྒྱུད་ཀྱི་དཔལ་འབྱོར་སྟོབས་ཆེའི་ཁུལ་གཏོད་པ་དང་འབྱོར་འབྲིང་སྤྱི་ཚོགས་སྒོ་ཀུན་ནས་འཛུགས་སྐྲུན་ཐུབ་ཕྱིར་འབད་བརྩོན་ལྷུར་ལེན་བྱེད་དགོས་པའི་ནན་བཤད་གནང་བ་རེད།