ཚེས་16ཉིན་གྱི་སྔ་དྲོ་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་མ་རུའུ་ལུང་གིས་ལྷ་སར་བཅའ་སྡོད་ལིན་ཞ་ཀྲོའུ་དོན་གཅོད་ཁྲུའུ་དང་། གྲོང་ཁྱེར་བྱང་འདབས་ཟོག་འདྲེན་ལྟེ་གནས། ཤིང་ཆ་ཉོ་ཚོང་ཁྲོམ་ར། མུའུ་སི་ལིན་མང་ཚོགས་ཀྱི་གནས་སྐབས་ཕྱག་མཆོད་ཁང་ཁག་གཅིག་བཅས་སུ་ཕེབས་ནས་བརྟན་ལྷིང་སྲུང་སྐྱོང་གི་བདེ་སྲུང་ལས་དོན་ལ་ཞིབ་བཤེར་དང་ལྟ་སྐུལ་མཛུབ་ཁྲིད་གནང་བ་རེད།
གང་དུ་ཕེབས་རིམ་བཞིན་མ་རུའུ་ལུང་གིས་འགན་ཁུར་བའི་ས་ནས་འབྲེལ་ཡོད་གནས་ཚུལ་ཤེས་རྟོགས་གནང་བ་མ་ཟད། སྒོ་སྲུང་ལམ་ལུགས་དང་། ཐོ་བཀོད་ལམ་ལུགས། སྡོད་བྱའི་སྐོར་གཡེང་ལམ་ལུགས་སོགས་ལ་ཞིབ་བཤེར་ནན་ཏན་གནང་བ་རེད། ཁོང་གིས་གནས་གསུམ་གྱི་ཚོགས་ཆེན་བཅོ་བརྒྱད་པའི་རིང་གི་བརྟན་ལྷིང་སྲུང་སྐྱོང་གི་བདེ་སྲུང་ལས་དོན་ཐད་ཐོབ་པའི་གྲུབ་འབྲས་ལ་གདེང་འཇོག་གང་ལེགས་གནང་བ་དང་འབྲེལ་ཐུགས་རྗེ་ཆེ་ཡང་ཞུས་པ་རེད། རྒྱ་ཆེའི་མུའུ་སི་ལིན་མང་ཚོགས་ཚོས་ཡང་འབད་བསྐྱར་འབད་དང་སྲོལ་རྒྱུན་དར་སྤེལ་བཏང་ནས་བསམ་བློ་དང་བྱ་སྤྱོད་ཚོགས་ཆེན་བཅོ་བརྒྱད་པའི་དགོངས་དོན་ཐོག་གཅིག་གྱུར་ཡོང་བ་དང་། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ། རང་ལྗོངས་ཀྱི་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་ཛ་དྲག་རང་བཞིན་དང་། ཪྙོག་འཛིང་རང་བཞིན། རྣོ་ངར་རང་བཞིན། ཡུན་རིང་རང་བཞིན་བཅས་ལ་ངོས་འཛིན་གཏིང་ཟབ་བྱེད་པ། ལྷོད་གཡེང་དང་རྣམ་གཡེང་གི་བསམ་བློ་མཐའ་གཅིག་ཏུ་ཁྱད་བསད་བྱེད་པ། དུས་རྟག་ཏུ་རིག་པ་དྭངས་གསལ་བྱ་རྒྱུ་རྒྱུན་འཁྱོངས་བྱེད་པ། གཏིང་ཟབ་ལ་ཞིབ་ཅིང་ཕྲ་བའི་སྒོ་ནས་བརྟན་ལྷིང་སྲུང་སྐྱོང་གི་ལས་དོན་དམ་འཛིན་ཡག་པོ་བྱེད་པ་བཅས་བྱས་ཏེ་བརྟན་ལྷིང་སྲུང་སྐྱོང་གི་ལས་དོན་ཁག་ཡང་ནས་ཡང་དུ་དོན་འཁྱོལ་དང་བརྟན་ལྷིང་སྲུང་སྐྱོང་གི་བྱེད་ཐབས་ཁག་ཡང་ནས་ཡང་དུ་ཞིབ་ཏུ་གཏོང་བའི་ཐོག་བརྟན་ལྷིང་སྲུང་སྐྱོང་དང་འཕེལ་རྒྱས་ལ་སྐུལ་འདེད་གཏོང་བའི་བྱ་སྤྱོད་དངོས་ཀྱི་ཐོག་ནས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་ལག་བསྟར་དོན་འཁྱོལ་བྱ་རྒྱུའི་ཐུགས་རེ་གནང་བ་རེད།