བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་4ཚེས་27ཉིན་གནས་ཚུལ་འབྱོར་གསལ། གོང་ཚེས་ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཏང་ཙུའུ་ཡི་ཧྲུའུ་ཅི་བྱམས་པ་ཕུན་ཚོགས་ཀྱིས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཡི་ཚོགས་འདུ་གཙོ་སྐྱོང་གནང་ནས་འཚོགས་ཤིང་། ཚོགས་འདུའི་ཐོག་2011ལོ་འཁོར་གྱི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་བཀོད་སྒྲིག་བསམ་འཆར་དང་ཏང་ཙུའུ་ཡི་ཁོངས་མི་ཞིང་འབྲོག་ཁུལ་གྱི་ཏང་འཛུགས་སྐྱོང་དང་དབུལ་སྐྱོར་གསར་སྤེལ་ལས་དོན་གྱི་འབྲེལ་གཏུགས་ས་ཚིགས་སུ་བརྟག་ཞིབ་བྱེད་པར་བསྐྱོད་རྒྱུའི་གྲོས་འགོ་དང་གྲོས་གཞིར་ཞིབ་འཇུག་བྱས་ནས་རྩ་དོན་ཐོག་མོས་མཐུན་བྱས་པ་རེད།

    རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཏང་ཙུའུ་ཡི་ཁོངས་མི་ཀྲོའུ་ཁྲུན་ལའེ་དང་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དང་། དྲུང་ཆེ། ཏང་ཙུའུ་ཡི་ཁོངས་མི་བཅས་ཡིན་པའི་ཀྲའོ་ཀྲེན་ཤིའུ་ཚོགས་འདུར་ཕེབས་པ་རེད།

    བྱམས་པ་ཕུན་ཚོགས་ཀྱིས་ཏང་ཡོན་འགོ་ཁྲིད་ལས་བྱེད་པའི་སྲིད་ཇུས་དང་རིགས་པའི་གཞུང་ལུགས་ཀྱི་ཆུ་ཚད་སྔར་བས་མཐོ་རུ་དང་ཁྲིམས་ལྟར་ལས་སྒྲུབ་ཀྱི་ནུས་པ་ཆེ་རུ་གཏོང་ཕྱིར་དུས་བབ་གསར་པ་དང་ལས་འགན་གསར་པ་དང་དེ་བཞིན་མི་དམངས་འཐུས་ཚོགས་ཀྱི་ལས་ཀའི་དོན་དངོས་དང་ཟུང་འབྲེལ་བྱས་ནས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཡི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2011ལོ་འཁོར་གྱི་རིགས་པའི་གཞུང་ལུཌ་སློབ་སྦྱོང་བྱ་རྒྱུ་བཀོད་སྒྲིག་བྱས་པ་རེད། རིགས་པའི་གཞུང་ལུགས་སློབ་སྦྱོང་ལྟེ་བའི་ཚོཌ་ཆུང་གིས་ཁོངས་མི་ཚོས་གཅིག་ནི་མི་དམངས་འཐུས་ཚོགས་ཀྱི་ལས་ཀའི་དོན་དངོས་དང་ཟུང་འབྲེལ་དམ་ཟབ་བྱས་ནས་བསམ་བློ་ཡོད་རྒུ་གཏོང་བ་དང་བསམ་གཞིཌ་གཏིང་ཟབ་བྱས་ཏེ་རིགས་པའི་གཞུང་ལུགས་ཀྱི་ཐོག་ནས་བསམ་བློ་གཏོང་རྒྱུའི་འཐབ་ཇུས་ཀྱི་ཆུ་ཚད་མཐོ་རུ་བཏང་ཐོག་སློབ་སྦྱོང་བྱེད་རིང་བཀྲག་མདངས་འཚེར་ས་གསར་པ་དང་། ཐབས་ལམ་གསར་པ། བསམ་ཕྱོགས་གསར་པ་བཅས་བཏོན་ནས་སློབ་སྦྱོང་གི་སྤུས་ཚད་དང་ཕན་འབྲས་འགན་ལེན་བྱེད་པ་དང་། གཉིས་ནི་རིགས་པའི་གཞུང་ལུགས་དང་དོན་དངོས་ཟུང་འབྲེལ་བྱེད་པའི་མར་ཁེ་སི་རིང་ལུགས་ཀྱི་སློབ་སྲོལ་དར་སྤེལ་ཤུགས་ཆེན་བཏང་སྟེ་མར་ཁེ་སི་རིང་ལུགས་ཀྱི་ལངས་ཕྱོགས་དང་། ལྟ་བ། བྱེད་ཐབས་བཅས་འབད་བརྩོན་ཆེན་པོའི་ངང་ཁོང་དུ་ཆུད་པ་བྱེད་པ་དང་བེད་སྤྱོད་བཏང་ནས་དུས་བབ་ལ་ལྟ་ཞིབ་དང་། གནད་དོན་ལ་དབྱེ་ཞིབ། ལས་དོན་ལ་མཛུབ་ཁྲིད་བཅས་བྱས་ཐོག་སློབ་སྦྱོང་གི་གྲུབ་འབྲས་དེ་བསམ་བློར་མུ་མཐུད་བཅིངས་འགྲོལ་གཏོང་བ་དང་། སྒྱུར་བཅོས་སྒོ་དབྱེ་མཐའ་འཁྱོངས་བྱེད་པ། ཚན་རིག་དང་མཐུན་པའི་འཕེལ་རྒྱས་ལ་སྐུལ་མ་གཏོང་བ། སྤྱི་ཚོགས་མཐུན་སྦྱོར་ལྡན་པར་སྐུལ་མ་གཏོང་བ་བཅས་ཀྱི་ནུས་པར་དངོས་གནས་འགྱུར་བ་བྱེད་པ། གསུམ་ནི་སློབ་སྦྱོང་གི་ལམ་ལུགས་བརྩི་སྲུང་ནན་པོ་བྱེད་པ་དང་། ཚན་རིག་དང་མཐུན་པའི་ངང་ལས་དོན་བཀོད་སྒྲིག་བྱེད་པ། ལས་ཀ་དང་སློབ་སྦྱོང་དབར་གྱི་འགལ་བ་ཐག་གཅོད་འོས་འཚམ་བྱེད་པ་བཅས་ཀྱི་ཐོག་ནས་སློབ་སྦྱོང་གི་དུས་ཚོད་འགན་ལེན་བྱས་ཏེ་སློབ་སྦྱོང་དང་ལས་ཀ་གཉིས་ཀ་འཐུས་ཤོར་མི་ཐེབས་པ་དང་གཉིས་ཀར་སྐུལ་མ་ཐེབས་པ་བཅས་བྱེད་དགོས་ཞེས་གསུངས་པ་རེད།

    བྱམས་པ་ཕུན་ཚོགས་ཀྱིས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་སྐོར་གྱི་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་དང་། ཧྲུའུ་ཅི་ཀྲང་ཆིང་ལིའི་མཛུབ་སྟོན་དགོངས་དོན་གལ་ཆེན། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་ཏང་ཙུའུ་ཡི་2011ལོ་འཁོར་གྱི་ལས་ཀའི་གཙོ་གནད་བཅས་གཞིར་བཟུང་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཞིང་ཆེན་རིམ་པའི་འགོ་ཁྲིད་ལས་བྱེད་པ་དུས་བགོས་ཁག་བགོས་ངང་རང་སོ་སོའི་ཏང་འཛུགས་སྐྱོང་དང་དབུལ་སྐྱོར་གསར་སྤེལ་ལས་ཀའི་འབྲེལ་གཏུགས་ས་ཚིགས་སོ་སོར་བརྟག་དཔྱད་ཞིབ་འཇུག་བྱེད་པར་བསྐྱོད་རྒྱུ་བཀོད་སྒྲིག་བྱ་རྒྱུ་དེ་མང་ཚོགས་དང་སྔར་བས་མཐུན་སྒྲིལ་དམ་ཟབ་བྱེད་པ་དང་། ཏང་དང་མང་ཚོགས་དབར་གྱི་ཤ་ཁྲག་ལྟ་བུའི་འབྲེལ་བ་ལེགས་སུ་གཏོང་བའི་བྱ་ཐབས་གལ་ཆེན་ཞིག་རེད། ཏང་ཙུའུ་ཡི་ཁོངས་མིས་འཁོད་ཆས་བསྡུས་པོས་གཞི་རིམ་ལ་ཟབ་འཇུག་དང་། དངོས་ཡོད་ནང་ཟབ་འཇུག མང་ཚོགས་ཁྲོད་ཟབ་འཇུག་བཅས་བྱས་ནས་ཞིང་འབྲོག་ཁུལ་གྱི་ཏང་འཛུགས་སྐྱོང་དང་དབུལ་སྐོར་གསར་སྤེལ་ལས་དོན་ལ་བརྟག་ཞིབ་བྱེད་པའི་ནང་དོན་གཉིས་པོ་དེར་དམ་པོར་དམིགས་ཏེ་བརྟག་དཔྱད་ཞིབ་འཇུག་གི་ལས་དོན་ཏན་ཏན་ཏིག་ཏིག་ངང་ཡག་པོ་བསྒྲུབས་ནས་ད་ཐེངས་ཀྱི་བརྟག་དཔྱད་ཞིབ་འཇུག་ལས་དོན་ལ་དངོས་ཕན་ཐོབ་རྒྱུའི་འགན་ལེན་བྱེད་དགོས་ཞེས་མཛུབ་སྟོན་གནང་བ་རེད།