བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཚེས་25ཉིན་གྱི་སྔ་དྲོར་ཀྲུང་དབྱང་གིས་བཪྙན་འཕྲིན་ཁ་པར་ཚོགས་འདུ་འཚོགས་ཏེ 《རྟེན་འབྲེལ་མཛད་སྒོ་དང་། ཞིབ་འཇུག་གྲོས་བསྡུར་ཚོགས་འདུ། གླེང་སྟེགས་བཅས་ཀྱི་བྱེད་སྒོ་གཙང་བཤེར་དང་ཚད་ལྡན་ཡོང་བ་བྱ་རྒྱུའི་ལས་དོན་སྐོར་གྱི་ལག་བསྟར་བསམ་འཆར 》དང 《ཏང་སྲིད་ལས་ཁུངས་ཀྱི་གཞུང་དོན་རླངས་འཁོར་གནད་དོན་ཆེད་དོན་བཅོས་སྒྲིག་བྱ་རྒྱུའི་ལས་ཀའི་སྐོར་གྱི་ལག་བསྟར་བསམ་འཆར 》ལག་ལེན་བསྟར་ནས “བཅོས་སྒྲིག་ལས་དོན་ཁག་གཉིས ”ཡག་པོ་བསྒྲུབ་རྒྱུའི་སྐོར་བླང་བྱ་བཏོན་པ་རེད།
རང་སྐྱོང་ལྗོངས་ཏང་ཨུད་ཀྱི་རྒྱུན་ལས་ཨུ་ཡོན་སྒྲིག་ཨུད་ཀྱི་ཧྲུའུ་ཅི་ཅིན་ཧྲུའུ་པོ་བོད་ཡན་ལག་ཚོགས་རའི་ཚོགས་འདུར་ཕེབས་པ་དང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཀུང་ཕུའུ་ཀོང་གིས་བོད་ཡན་ལག་ཚོགས་རའི་ཚོགས་འདུ་གཙོ་སྐྱོང་གནང་བ། རང་སྐྱོང་ལྗོངས་སྲིད་གཞུང་གི་ཏང་ཙུའུ་ཡི་ཁོངས་མི་དྲུང་ཆེ་ཀའོ་དབྱང་ཚོགས་འདུར་ཞུགས་པ་རེད།
ཅིན་ཧྲུའུ་པོ་ཡིས་རྟེན་འབྲེལ་མཛད་སྒོ་དང་། ཞིབ་འཇུག་གྲོས་བསྡུར་ཚོགས་འདུ། གླེང་སྟེགས་བཅས་ཀྱི་བྱེད་སྒོ་གཙང་བཤེར་དང་ཚད་ལྡན་ཡོང་བ་བྱེད་པའི་ལས་དོན་དང་ཏང་སྲིད་ལས་ཁུངས་ཀྱི་གཞུང་དོན་དུ་སྤྱོད་རྒྱུའི་རླངས་འཁོར་གྱི་གནད་དོན་ཆེད་དོན་བཅོས་སྒྲིག་བྱ་རྒྱུའི་ལས་དོན་དེ་ཀྲུང་དབྱང་གི་ཇུས་འགོད་གལ་ཆེན་ཞིག་ཡིན་པ་དེས་བསྲི་ཚགས་ནན་ཏན་བྱ་རྒྱུའི་བླང་བྱ་སྔར་བས་ལག་བསྟར་དོན་འཁྱོལ་བྱེད་པ་དང་། ཏང་སྲིད་ལས་ཁུངས་དང་འགོ་ཁྲིད་ལས་བྱེད་པའི་ཀུན་སྤྱོད་འཛུགས་སྐྱོང་ལ་ཤུགས་སྣོན་རྒྱག་པ་དང་ལེགས་སུ་གཏོང་བ། འགོ་ཁྲིད་ལས་བྱེད་པ་སྤྱོད་གཙང་སྲིད་ཞུགས་བྱེད་པར་སྐུལ་མ་གཏོང་བ། ཏང་དང་མང་ཚོགས་དབར་དང་ལས་བྱེད་པ་དང་མང་ཚོགས་དབར་གྱི་འབྲེལ་བ་ལེགས་སུ་གཏོང་བ་བཅས་ཐད་གལ་འགངས་ཤིན་ཏུ་ཆེ་བའི་དོན་སྙིང་ལྡན་ཡོད། ས་ཁུལ་ཁག་དང་སྡེ་ཚན་ཁག་གིས་ངེས་པར་དུ་བསམ་བློ་དང་བྱ་སྤྱོད་ཀྲུང་དབྱང་གི་དགོངས་དོན་ཐོག་གཅིག་གྱུར་ཡོང་བ་བྱེད་པ་དང “བཅོས་སྒྲིག་ལས་དོན་ཁག་གཉིས ”བྱ་རྒྱུའི་སྐོར་གྱི་ཀྲུང་དབྱང་གི་སྤྱིའི་བླང་བྱ་གཞིར་བཟུང “བཅོས་སྒྲིག་ལས་དོན་ཁག་གཉིས ”ཉིན་རེའི་གྲོས་རིམ་གལ་ཆེན་ནང་བཅུག་སྟེ་སྒྲིག་འཛུགས་དང་འགོ་ཁྲིད་ལ་ཤུགས་སྣོན་རྒྱག་པ་དང་འགན་འཁྲི་ཆེ་རུ་བཏང་ནས་བྱ་ཐབས་ནུས་ལྡན་སྤྱད་དེ་ལས་དོན་དོན་འཁྱོལ་ཡོང་བར་དམ་འཛིན་ཤུགས་ཆེན་བྱེད་པ་དང་ལྟ་སྐུལ་དང་ཞིབ་བཤེར་ལ་ཤུགས་སྣོན་བརྒྱབ་ནས “བཅོས་སྒྲིག་ལས་དོན་ཁག་གཉིས ”ལ་ཕན་འབྲས་མངོན་གསལ་དོད་པོ་ཐོབ་པ་བྱས་ཐོག “ལོ་ལྔ་ཚན་བཅུ་གཉིས་པའི ”འགོ་ཡག་པོ་ཞིག་འཛུགས་པ་དང་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་མ་གཏོང་ཆེད་དང་ཏང་དབུ་བཪྙེས་ནས་ལོ་ངོ་90འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་60འཁོར་བར་རྟེན་འབྲེལ་ཞུ་ཆེད་མཐུན་སྦྱོར་ལྡན་པ་དང་བརྟན་ལྷིང་གི་ཁོར་ཡུག་ཅིག་གཏོད་དགོས་ཞེས་གསུངས་པ་རེད།