བོད་ལྗོངས་ཉིན་རེའི་ཚགས་པར་ཁང་དུ་གནས་ཚུལ་འབྱོར་གསལ། ཟླ་4ཚེས་20ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་བྱམས་པ་ཕུན་ཚོགས་ཀྱིས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཚོགས་འདུ་ཐེངས་99པ་གཙོ་སྐྱོང་གནང་བ་དང་ལྗོངས་ཡོངས་ཀྱི་མི་དམངས་འཐུས་ཚོགས་ཀྱི་ལས་དོན་ཚོགས་འདུ་འཚོག་རྒྱུའི་སྐོར་གྱི་གྲོས་འགོ་དང་། རང་སྐྱོང་ལྗོངས་མི་དམངས་འཐུས་ཚོགས་ཀྱི་ཆེད་དོན་འདྲི་རྟོགས་ལས་དོན་སྐོར་གྱི་གྲོས་འགོ ཁེ་ལས་ཆུང་འབྲིང་འཕེལ་རྒྱས་འགྲོ་བའི་གནས་ཚུལ་ལ་ཞིབ་འཇུག་བྱ་རྒྱུའི་སྐོར་གྱི་ཇུས་གཞི། ལྗོངས་ཕྱིའི་འབྲེལ་ཡོད་ཞིང་ལྗོངས་སུ་བརྟག་ཞིབ་བྱ་རྒྱུའི་སྐོར་གྱི་ལས་ཀའི་ཇུས་གཞི་བཅས་ལ་ཞིབ་འཇུག་བྱས་པ་རེད།

    རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དང་དྲུང་ཆེ་གཅིག་ལྕོགས་ཀྲའོ་ཀྲེན་ཤིའུ་དང་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཝུའུ་ཅིང་ཧུའེ་ཚོགས་འདུར་ཕེབས་ཡོད་པ་རེད།

    ཚོགས་འདུའི་ཐོག་ལྗོངས་ཡོངས་ཀྱི་མི་དམངས་འཐུས་ཚོགས་ཀྱི་ལས་དོན་ཚོགས་འདུ་འཚོག་རྒྱུ་ནི་ལྗོངས་ཏང་ཨུད་ཀྱི་རྒྱུན་ཨུད་ཚོགས་འདུའི་ཐོག་གཏན་འབེབས་བྱས་པའི་ད་ལོའི་ལས་དོན་གལ་ཆེན་ཞིག་ཡིན། ཚོགས་འདུའི་ཐོག་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་པའི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱ་རྒྱུ་དང་དུས་བབ་གསར་པའི་འོག་མི་དམངས་འཐུས་ཚོགས་ཀྱི་ལས་དོན་ལ་དེ་བས་ཤུགས་སྣོན་རྒྱག་རྒྱུ་བརྗོད་དོན་གཙོ་བོར་བྱས་ཏེ་ཁྲིམས་འཛུགས་དང་། ལྟ་སྐུལ། འཐུས་མི་བཅས་ཀྱི་ལས་ཀའི་ཉམས་མྱོང་ལ་ཕྱོགས་སྡོམ་གཏིང་ཟབ་བྱེད་པ་དང་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ཁྲིམས་ལུགས་མ་ལག་གྲུབ་པའི་འགོ་འཛུགས་ས་གསར་པའི་ཐོག་ཁྲིམས་འཛུགས་ལས་དོན་ལ་དེ་བས་ཤུགས་སྣོན་རྒྱག་རྒྱུ་དང་“ལོ་ལྔ་ཚན་བཅུ་གཉིས་པའི ”འཆར་འགོད་ལག་བསྟར་གྱི་དུས་བབ་གསར་པའི་འོག་ལྟ་སྐུལ་ལས་དོན་ལ་སྔར་བས་ཤུགས་སྣོན་རྒྱག་རྒྱུ། གསར་དུ་བཟོ་བཅོས་རྒྱག་པའི་འདེམས་བསྐོའི་བཅའ་ཁྲིམས་ལག་བསྟར་བྱེད་པ་དང་2012ལོའི་གཞི་རིམ་མི་དམངས་འཐུས་ཚོགས་ཀྱི་སྐབས་བརྗེའི་དུས་བབ་གསར་པའི་འོག་འཐུས་མིའི་ལས་དོན་ལ་སྔར་བས་ཤུགས་སྣོན་རྒྱག་རྒྱུ་དང་དེ་བཞིན་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་རྒྱུའི་ཐད་རང་ངོས་ཀྱི་ནུས་པ་འཛུགས་སྐྱོང་བྱ་རྒྱུ་བཅས་ནང་དོན་གཙོ་བོར་ཞིབ་འཇུག་བྱས་ཏེ་མི་དམངས་འཐུས་ཚོགས་ལས་དོན་གྱི་དུས་བབ་གསར་པ་དང་ལས་འགན་གསར་པ་དང་འཚམས་པའི་དེང་སྐབས་མི་དམངས་འཐུས་ཚོགས་ལས་དོན་གྱི་ནང་དོན་གཙོ་བོ་མངོན་གསལ་དོད་དུ་ཕྱིན་ཡོད་པའི་ངོས་འཛིན་གནང་བ་རེད། ཚོགས་འདུའི་ཐོག་འབྲེལ་ཡོད་སྡེ་ཚན་གྱིས་ལས་འགན་ཁག་བགོས་ལ་ནན་པོར་གཞིགས་ཏེ་སྔ་ཙམ་དམ་འཛིན་བྱེད་པ་དང་སྔ་ཙམ་ཞིབ་འཇུག་བྱས་ནས་ལྗོངས་ཡོངས་ཀྱི་མི་དམངས་འཐུས་ཚོགས་ཀྱི་ལས་དོན་ཚོགས་འདུའི་གྲ་སྒྲིག་ལས་དོན་ཁག་ནན་ཏན་ངང་ཡག་པོ་སྒྲུབ་དགོས་པའི་བླང་བྱ་བཏོན་གནང་བ་རེད།

    ཚོགས་འདུའི་ཐོག་འདྲི་རྟོགས་བྱེད་པ་ནི་མི་དམངས་འཐུས་ཚོགས་ཀྱིས “སྲིད་གཞུང་གཅིག་དང་ཁང་གཉིས ”ལ་ལྟ་སྐུལ་བྱེད་པའི་ཁྲིམས་གཏན་འཁེལ་བའི་རྣམ་པ་ཞིག་རེད། ན་ནིང་ནས་བཟུང་རྒྱལ་ཡོངས་མི་དམངས་འཐུས་ཚོགས་དང་ས་གནས་མི་དམངས་འཐུས་ཚོགས་འགས་ཆེད་དོན་འདྲི་རྟོགས་སྔ་རྗེས་སུ་བྱས་པར་སྤྱི་ཚོགས་ཀྱིས་རྒྱ་ཁྱབ་ངང་དོ་ཁུར་ཐོབ་པ་དང་དགེ་མཚན་ལྡན་པའི་ནུས་པ་ཐོན་ནས་དེ་ལྟ་སྐུལ་བྱ་ཐབས་དང་ཐབས་ཤེས་ལེགས་སུ་གཏོང་བ་དང་ལྟ་སྐུལ་གྱི་དངོས་ཕན་ཆེ་རུ་འགྲོ་བའི་བཀྲག་མདངས་འཚེར་ས་ཞིག་ཏུ་གྱུར་ཡོད། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་བའི་ལས་ཀའི་རྩ་དོན་ལ་གཞིགས་ཏེ་ཟླ་7པ་དང་ཟླ་9པར་འཚོག་རྒྱུའི་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཚོགས་འདུའི་ཐོག་རང་ལྗོངས་ཀྱི་སྒྱུར་འཕེལ་བརྟན་གསུམ་གྱི་གཙོ་གནད་དང་། དོ་ཁུར་ཆེ་ཤོས། དཀའ་གནད་བཅས་ཀྱི་གནད་དོན་དང་ཟུང་འབྲེལ་དམ་ཟབ་བྱས་ཏེ་ཆེད་དོན་འདྲི་རྟོགས་བྱས་ཐོག་ལྟ་སྐུལ་བྱེད་ཤུགས་ཆེ་རུ་དང་ལས་དོན་ལེགས་སུ་གཏོང་རྒྱུར་སྐུལ་འདེད་གཏོང་བར་དགེ་མཚན་ལྡན་པའི་ནུས་པ་ཐོན་ངེས་ཡིན་པའི་ངོས་འཛིན་བྱས་པ་རེད།