བོད་ལྗོངས་ཉིན་རེའི་ཚགས་པར་ཁང་དུ་གནས་ཚུལ་འབྱོར་གསལ། ཟླ་4ཚེས་18ཉིན་གྱི་ཕྱི་དྲོ་རྒྱལ་སྲིད་སྤྱི་ཁྱབ་ཁང་སྤྱོད་ངན་ཡོ་བསྲང་གཞུང་དོན་ཁང་གིས་2011ལོའི་རྒྱལ་ཡོངས་ཀྱི་སྤྱོད་ངན་ཡོ་བསྲང་ལས་དོན་གྱི་བཪྙན་འཕྲིན་ཁ་པར་ཚོགས་འདུ་འཚོགས་ཤིང་། ཚོགས་འདུའི་ཐོག་ཏང་གི་ཚོགས་ཆེན་བཅུ་བདུན་པ་དང་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ལྔ་པའི་དགོངས་དོན་མཛུབ་ཁྲིད་དུ་བྱས་ཏེ་ཚན་རིག་དང་མཐུན་པའི་གོང་འཕེལ་ལྟ་བ་ལག་བསྟར་དོན་འཁྱོལ་གཏིང་ཟབ་བྱེད་པ་དང་སྐབས་བཅུ་བདུན་པའི་ཀྲུང་དབྱང་སྒྲིག་ཨུད་ཀྱི་ཚང་འཛོམས་གྲོས་ཚོགས་ཐེངས་དྲུག་པ་དང་རྒྱལ་སྲིད་སྤྱི་ཁྱབ་ཁང་གི་སྤྱོད་གཙང་གཞུང་དྲང་གི་ལས་དོན་ཚོགས་འདུ་ཐེངས་བཞི་པའི་བཀོད་སྒྲིག་དང་བླང་བྱ་གཞིར་བཟུང་སྤྱོད་ངན་ཡོ་བསྲང་ལས་དོན་གྱི་ཉམས་མྱོང་དང་སྤེལ་ཐབས་ཐད་སྤེལ་རེས་དང་། གོམ་སྟབས་རྗེས་མའི་རྒྱལ་ཡོངས་ཀྱི་སྤྱོད་ངན་ཡོ་བསྲང་ལས་དོན་ལ་སྐུལ་སློང་དང་བཀོད་སྒྲིག མང་ཚོགས་ཀྱི་བསམ་འཆར་མང་བའི་འབུར་ཐོན་གནད་དོན་ཐག་གཅོད་ཏན་ཏིག་བཅས་བྱས་ཏེ་ཆབ་སྲིད་དང་ལས་རིགས་ཀྱི་སྤྱོད་ཚུལ་འཛུགས་སྐྱོང་ལ་སྐུལ་འདེད་བཏང་བ་རེད།

    རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཀུང་ཕུའུ་ཀོང་བོད་ལྗོངས་ཡན་ལག་ཚོགས་རའི་ཚོགས་འདུར་ཕེབས་པ་དང་སྦྲགས་གསུང་བཤད་ཀྱང་གནང་བ་རེད།

    ཀུང་ཕུའུ་ཀོང་གིས་སྡེ་ཚན་ཁག་གིས་ངེས་པར་དུ་ཚོགས་འདུའི་དགོངས་དོན་ལག་བསྟར་དོན་འཁྱོལ་ནན་ཏན་བྱས་ཏེ་རང་ལྗོངས་ཀྱི་དོན་དངོས་དང་བསྟུན་པ་དང་མང་ཚོགས་ཀྱི་བསམ་འཆར་མང་བའི་འབུར་ཐོན་གྱི་གནད་དོན་ཐག་གཅོད་བྱ་རྒྱུ་དེ་ཚད་བརྒལ་བྱེད་སར་བརྩིས་ཏེ་དམ་པ་དོན་གཉེར་མཐའ་འཁྱོངས་དང་ཏང་གི་ལམ་ཕྱོགས་དང་། བྱེད་ཕྱོགས། སྲིད་ཇུས་བཅས་དང་རང་སྐྱོང་ལྗོངས་ཀྱི་ཐབས་ཇུས་བཀོད་སྒྲིག་གལ་ཆེན་ཁག་ཇི་མ་ཇི་བཞིན་དོན་ཐོག་ཏུ་འཁྱོལ་བ་བྱེད་པ་དང་། འབུར་ཐོན་གནད་དོན་ཐག་གཅོད་ཧུར་ཐག་དང་། མང་ཚོགས་ཀྱི་བདེ་རྩར་ཐུག་པའི་ཁེ་ཕན་སྲུང་སྐྱོང་། ལྟེ་བར་དམིགས་ཏེ་སྤྱི་ཡོངས་ལ་ཞབས་འདེགས་ཞུ་བ་བཅས་ཀྱི་ཐོག་ནས་སྤྱི་ཚོགས་མཐུན་སྦྱོར་བརྟན་ལྷིང་ཡོང་རྒྱུར་འགན་ལེན་བྱེད་པ། སྤྱོད་གཙང་སྲིད་གཙང་འཛུགས་སྐྱོང་ལ་ཤུགས་སྣོན་བརྒྱབ་སྟེ་ཏང་དང་མང་ཚོགས་དབར་གྱི་འབྲེལ་བ་དང་ལས་བྱེད་པ་དང་མང་ཚོགས་དབར་གྱི་འབྲེལ་བ་ཟབ་ཏུ་བཏང་སྟེ་ཆབ་སྲིད་དང་ལས་རིགས་ཀྱི་སྤྱོད་ཚུལ་འཛུགས་སྐྱོང་ལས་དོན་གཏིང་ཟབ་སྤེལ་རྒྱུར་སྐུལ་འདེད་གཏོང་དགོས་པ་བཅས་ཀྱི་བླང་བྱ་བཏོན་གནང་བ་རེད།