བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་4ཚེས་7ཉིན་གནས་ཚུལ་འབྱོར་གསལ། གོང་ཚེས་ཉིན་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རྡོ་རྗེ་ཚེ་རིང་གིས་རང་སྐྱོང་ལྗོངས་རྒྱལ་ཁབ་ས་ཆའི་ཐོན་ཁུངས་ཁོངས་གཏོགས་སུ་བརྟག་ཞིབ་གནང་བར་ཕེབས་པ་རེད།
རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ཐུགས་ཁུར་དང་རྒྱབ་སྐྱོར་གནང་ལུགས་མཚོན་པར་བྱ་ཆེད་རྡོ་རྗེ་ཚེ་རིང་དང་བཅས་པས་སྔ་རྗེས་སུ་ལྗོངས་རྒྱལ་ཁབ་ས་ཆའི་ཐོན་ཁུངས་ཐིང་ས་གཤིས་དང་ཁོར་ཡུག་ལྟ་ཞིབ་ཚད་ལེན་སྤྱི་ཁྱབ་ས་ཚིགས་དང་། རྒྱལ་ཁབ་ས་ཆའི་ཐོན་ཁུངས་འཆར་འགོད་གསར་སྤེལ་ཞིབ་འཇུག་ཁང་། ལྗོངས་ཐིག་ལེན་རིས་འབྲི་ཅུས། ལྗོངས་རྒྱལ་ཁབ་ས་ཆའི་ཐོན་ཁུངས་ཐིང་གི་འཛུགས་སྐྲུན་བྱེད་བཞིན་པའི་གཞུང་དོན་སྒྲུབ་ཡུལ་གསར་པ་སོགས་སུ་གཟིགས་ཞིབ་གནང་བ་དང་རྒྱ་ཆེའི་ལས་བྱེད་པ་དང་ལས་བཟོ་ཚོར་བྱམས་བརྩེའི་ངང་འཚམས་འདྲི་གནང་བ་རེད།