ཟླ་3ཚེས་30ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཀྲང་ཆིང་ལི་རང་ལྗོངས་ཀྱི་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་གཞུང་ལས་ཁང་དུ་ཕེབས་ནས་ལས་དོན་མི་སྣར་བྱམས་བརྩེའི་ངང་གཟིགས་པ་དང་ལས་དོན་སྙན་ཞུ་གསན་པ་མ་ཟད་གོམ་སྟབས་རྗེས་མར་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོར་བླང་བྱ་བཏོན་གནང་བ།

    བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་3ཚེས་30ཉིན་གནས་ཚུལ་འབྱོར་གསལ། གོང་ཚེས་ཉིན་གྱི་སྔ་དྲོ་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཀྲང་ཆིང་ལི་རང་ལྗོངས་ཀྱི་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་གི་གཞུང་དོན་ཁང་དུ་ཕེབས་ནས་ལས་དོན་མི་སྣར་བྱམས་བརྩེའི་ངང་གཟིགས་པ་དང་ལས་དོན་སྙན་ཞུ་གསན་པ་མ་ཟད་གཞི་རིམ་འཛུགས་སྐྱོང་ལོར་སྔར་བས་ཤུགས་སྣོན་རྒྱག་པའི་བྱེད་སྒོའི་ཐད་བླང་བྱ་ཡང་བཏོན་གནང་བ་རེད།

    རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་། སྒྲིག་ཨུད་ཧྲུའུ་ཅི། གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་རང་སྐྱོང་ལྗོངས་ཀྱི་འགོ་ཁྲིད་ཚོགས་ཆུང་གི་ཙུའུ་ཀྲང་བཅས་ཡིན་པའི་ཅིན་ཧྲུའུ་པོ་ཡིས་རང་ལྗོངས་སུ་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་ཚུལ་སྙན་སེང་ཞུས་པ་དང་ལྗོངས་ཏང་ཨུད་ཀྱི་རྒྱུན་ཨུ་དང་། རྩ་འཛུགས་པུའི་པུའུ་ཀྲང་། གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་རང་སྐྱོང་ལྗོངས་ཀྱི་འགོ་ཁྲིད་ཚོགས་ཆུང་གི་ཙུའུ་ཀྲང་གཞོན་པ་བཅས་ཡིན་པའི་དབྱིན་ཏེ་མིང་གིས་ལས་དོན་སྙན་ཞུའི་ཚོགས་འདུ་གཙོ་སྐྱོང་གནང་བ་རེད།

    ཀྲང་ཆིང་ལི་དང་བཅས་པ་དང་ཐོག་རང་ལྗོངས་ཀྱི་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་གི་གཞུང་དོན་ཁང་དུ་ཕེབས་ནས་ཕྱོགས་བསྡུས་ཚོགས་ཆུང་དང་། དྲིལ་བསྒྲགས་གསར་འགྱུར་གནད་བསྡུས་ཚོགས་ཆུང་། མཐུན་སྦྱོར་མཛུབ་ཁྲིད་ཚོགས་ཆུང་། སྐོར་སྐྱོད་ཞིབ་བཤེར་ཚོགས་ཆུང་བཅས་ཀྱི་ལས་དོན་མི་སྣར་བྱམས་བརྩེའི་ངང་གཟིགས་པ་དང་ཚང་མའི་ལས་དོན་སྒྲུབ་ཚུལ་མཁྱེན་རྟོགས་གནང་བ་རེད། བྱེད་སྒོ་སྤེལ་འགོ་ཚུགས་ཚུན་རང་སྐྱོང་ལྗོངས་ཏང་ཨུད་ཀྱི་གཅིག་གྱུར་བཀོད་སྒྲིག་དང་བླང་བྱ་ལྟར་ལྗོངས་ཡོངས་ཀྱི་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་དང་གཞུང་དོན་ཁང་གིས་འགན་འཁྲི་ནན་ཏན་སྒྲུབ་པ་དང་། རིམ་པ་ཁག་གི་ཏང་སྲིད་རྩ་འཛུགས་ཀྱིས་བྱེད་སྤྱོད་སྤེལ་མྱུར་བ་དང་སྒྲིག་འཛུགས་ནུས་པ་ལྡན་པ། རྒྱ་ཆེའི་ཏང་ཡོན་ལས་བྱེད་པ་ཚོའི་སྤྲོ་སེམས་ཧ་ཅང་ཆེ་བ་དང་འཚང་ཁ་ཤིག་ཤིག་ངང་ཞུགས་པ། མི་རིགས་ཁག་གི་མང་ཚོགས་ཚོས་བསམ་པ་རྣམ་དག་ངང་བརྩི་བཀུར་དང་དགའ་བསུ་ཞུས་པ། བྱེད་སྒོ་ཁག་ཏན་ཏིག་ངང་སྤེལ་འགོ་བཙུགས་པ་དང་འགོ་ཡག་པོ་ཞིག་བརྩམས་པ་བཅས་མིག་སྔར་ལྗོངས་ཡོངས་སུ་ཁྱོན་བསྡོམས་རང་སྐྱོང་ལྗོངས་དང་། ས་ཁུལ། རྫོང་རིམ་པ་བཅས་གསུམ་གྱི་གྲོང་ཚོར་བཅའ་སྡོད་ལས་དོན་ཚོགས་ཆུང་1514བཙུགས་པར་ཁོངས་མི་12500ལྷག་ཙམ་ཡོད་པ་དང་གཤམ་གཏོང་ལས་བྱེད་པས་ལྗོངས་ཡོངས་ཀྱི་ལས་བྱེད་པའི་བསྡོམས་འབོར་གྱི་གསུམ་ཆ་གཅིག་ཟིན་རྒྱུ་དང་འབྲེལ་གཏུག་ས་ཚིགས་ཀྱིས་ལྗོངས་ཡོངས་ཀྱི་གྲོང་ཚོ (ཡུལ་མི )ཨུ་ལྷན་གྱི་གསུམ་ཆ་གཅིག་ཟིན་རྒྱུ་རྩ་བའི་ཆ་ནས་མངོན་འགྱུར་བྱུང་བ་དང་བྱེད་སྒོ་སྤེལ་བའི་མི་འབོར་ཞིང་འབྲོག་མང་ཚོགས་མི་འབོར་གྱི་གསུམ་ཆ་གཅིག་ལོན་པ་མཁྱེན་སྐབས་ཀྲང་ཆིང་ལི་ཐུགས་ཧ་ཅང་སྤྲོ་པོ་བྱུང་བ་དང་ཁོང་གིས་གློག་ཀླད་ཐོག་གི་ལག་ཁྱེར་ཁ་པར་གྱི་འཕྲིན་ཐུང་སྟེགས་བུ་བརྒྱུད་ལྗོངས་ཡོངས་ཀྱི་གྲོང་གསེབ་ཏུ་བཅའ་སྡོད་ལས་དོན་ཚོགས་ཆུང་གི་ཁོངས་མི་ཡོངས་ལ་བྱམས་བརྩེའི་འཚམས་འདྲི་ཞུས་གནང་བ་རེད། ཀྲང་ཆིང་ལིས་ཟླ་1ཚེས་23ཉིན་བྱེད་སྒོ་སྤེལ་ཚུན་ཕྱོགས་ཚང་མས་ཚད་མཐོའི་མཐོང་ཆེན་བྱས་པ་དང་། ལས་དོན་ཚོགས་ཆུང་ཁག་གིས་གྲོང་ཚོར་བཅའ་སྡོད་བྱ་སྤྱོད་སྤེལ་མྱུར་བ་དང་ལས་དོན་དམ་འཛིན་ཤུགས་ཆེན་བྱས་པ། བྱེད་སྒོའི་འགོ་ཁྲིད་ཚོགས་ཆུང་དང་དེ་བཞིན་གཞུང་དོན་ཁང་དང་མངགས་གཏོང་ཚན་པའི་མཛུབ་ཁྲིད་བྱེད་ཤུགས་ཆེ་བ། ལས་བྱེད་པ་དང་མང་ཚོགས་ཚོའི་ཚུར་སྣང་ལན་ཆ་ལེགས་པ། འགོ་ཡག་པོ་ཞིག་འཛུགས་ཐུབ་པ་བཅས་བྱུང་ཡོད་ལ་གོམ་སྟབས་རྗེས་མར་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་མུ་མཐུད་དམ་འཛིན་ཡག་པོ་བྱ་རྒྱུ་དང་དམ་འཛིན་བྱས་ནས་ཕན་འབྲས་ཐོན་རྒྱུའི་ཡིད་ཆེས་དང་ཆོད་སེམས་སྔར་ལས་བརྟན་དུ་ཕྱིན་ཡོད། དཔྱིད་དུས་གྲང་ངར་ཆེ་བའི་སྐབས་ཡིན་རུང་གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་གི་ཁོངས་མི་ཚོས་མི་དམངས་ལ་བརྩེ་སེམས་ཤིན་ཏུ་ཟབ་མོ་བཅངས་ཏེ་གཞི་རིམ་དང་མང་ཚོགས་ཁྲོད་ཟབ་འཇུག་གིས་དཀའ་ངལ་སྣ་ཚོགས་ཁྱད་བསད་བྱས་པ་དང་ཐག་རིང་ལུང་ཁུག་རི་གྲོང་ཡིན་ནའང་འདྲ། འགྲིམ་འགྲུལ་ལམ་རྒྱུད་ཡིན་ནའང་འདྲ་གང་ས་གང་དུ་གྲོང་ཚོར་བཅའ་སྡོད་ལས་དོན་ཚོགས་ཆུང་གི་ཁོངས་མི་ཚོས་ལས་བྲེལ་བྱས་པའི་གནས་ཚུལ་མཐོང་རྒྱུ་ཡོད་པ་དང་། ཁོང་ཚོ་གྲོང་ཚོ་དང་དུད་ཚང་དུ་བསྐྱོད་པ་དང་བདེ་སྡུག་སྐད་ཆ་དྲིས་པས་མི་རིགས་ཁག་གི་ཞིང་འབྲོག་མང་ཚོགས་ཚོས་ཏང་དང་སྲིད་གཞུང་གི་ཐུགས་ཁུར་དངོས་སུ་ཤེས་ཚོར་བྱུང་བ་མ་ཟད་ཕྱུག་འགྱུར་གྱིས་འབྱོར་འབྲིང་ཕྱོགས་སུ་བསྐྱོད་པའི་འཇོན་ཐང་དེ་བས་ཤེས་ཐུབ་པ་བྱུང་སྟེ་ཏང་དང་མང་ཚོགས་དབར་དང་། ལས་བྱེད་པ་དང་མང་ཚོགས་དབར་གྱི་འབྲེལ་བ་སྔར་ལས་དམ་ཟབ་ཏུ་ཕྱིན་ཡོད། འདི་གར་ངས་རང་སྐྱོང་ལྗོངས་ཏང་ཨུད་ཀྱི་ཚབ་ཞུས་ཏེ་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་དང་དེའི་གཞུང་དོན་ཁང་དང་གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་དང་མངགས་གཏོང་ཚན་པ་དང་དེ་བཞིན་ཀྲུང་དབྱང་དང་རང་སྐྱོང་ལྗོངས་ཀྱི་འབྲེལ་ཡོད་གསར་འགྱུར་ཚན་པ་ཁག་ལ་ལྷག་བསམ་ཟོལ་མེད་ངང་འཚམས་འདྲི་དང་སྙིང་དབུས་ནས་ཐུགས་རྗེ་ཆེ་ཞུ་རྒྱུ་མ་ཟད། བླ་ན་མེད་པའི་གུས་བཏུད་ཀྱང་ཞུ་རྒྱུ་ཡིན་ཞེས་གསུངས་པ་རེད།

    ཅིན་ཧྲུའུ་པོ་ཡིས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་རང་སྐྱོང་ལྗོངས་འགོ་ཁྲིད་ཚོགས་ཆུང་གི་ཚབ་ཞུས་ནས་ཞུས་པའི་ལས་དོན་སྙན་ཞུ་གསན་རྗེས་ཀྲང་ཆིང་ལིས་གསུང་བཤད་གལ་ཆེན་གནང་ཞིང་། ཁོང་གིས་ལྗོངས་འདི་ཡོངས་ཀྱི་གོང་འོག་ཚང་མས་ངེས་པར་དུ་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་བའི་གལ་ཆེའི་དོན་སྙིང་ལ་ངོས་འཛིན་གང་ལེགས་བྱས་ནས་བསམ་བློ་དང་བྱ་སྤྱོད་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱས་ཏེ་ཕྱར་བ་གྲུ་འདེགས་དང་ལས་དོན་ཏན་ཏིག་བསྒྲུབས་ནས་བྱེད་སྒོར་གྲུབ་འབྲས་དངོས་ཐོབ་རྒྱུའི་འགན་ལེན་བྱེད་དགོས། གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་དང་དེ་བཞིན་གཞུང་དོན་ཁང་དང་མངགས་གཏོང་བྱས་པའི་ཚོགས་ཆུང་ཁག་གིས་དུས་མཚམས་གོང་མའི་ལས་དོན་སྒྲུབ་ཚུལ་ལ་ཞིབ་བཤེར་ནན་ཏན་བྱས་ནས་བསམ་བློ་དང་། མི་སྣ། བྱེད་སྤྱོད། རྩ་འཛུགས། མང་ཚོགས་ཀྱི་ཚུར་སྣང། རྒྱབ་ཕྱོགས་མཁོ་སྒྲུབ་འགན་སྲུང་སོགས་ཕྱོགས་མང་པོའི་ཐད་ཕྱོགས་སྡོམ་དང་གསལ་པོ་ཡོང་བ་བྱས་ཏེ་ཡང་དག་པར་ཁས་ལེན་དང་བཟང་པོར་སྐུལ་འདེད་བཏང་ནས་ཧེ་བག་དང་གནད་དོན་འཚོལ་བ་དང་འབྲེལ་ལེགས་སྒྲིག་ཏན་ཏིག་བྱེད་དགོས་པ་དང་། དུས་མཚམས་རྗེས་མའི་ལས་དོན་དམིགས་སའི་རང་བཞིན་གྱི་སྒོ་ནས་བཀོད་སྒྲིག་ཡག་པོ་བྱེད་པ་དང་། བཏོན་པའི་བླང་བྱ་ཁ་གསལ་བ། བཀོད་སྒྲིག་བྱས་པའི་ལས་དོན་ཞིབ་ཕྲ་ཡིན་པ་བཅས་བྱས་ཏེ་ལས་དོན་གཏིང་ཟབ་དང་ཏན་ཏིག་ངང་བསྒྲུབས་ནས་བྱེད་སྒོ་དེ་རྒྱུན་ཆད་མེད་མར་གཏིང་ཟབ་ཏུ་གཏོང་དགོས། གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་གིས་ཁྱབ་རྒྱ་ཆེ་རུ་གཏོང་གང་ཐུབ་དང་ཡོངས་སུ་ཁྱབ་ཐུབ་པ་བྱས་ནས་ཐེམ་དུད་རེ་རེ་བཞིན་བསྐྱོད་དེ་མ་ཁྱབ་ས་དང་ཁུག་ཀྱོག་མི་ལུས་པ་བྱས་ནས་དྲིལ་བསྒྲགས་རུ་ཁག་དང་སོན་འདེབས་འཕྲུལ་འཁོར་ལ་དངོས་འབྲེལ་འགྱུར་བ་བྱེད་དགོས་པ་དང་། བྱེད་སྒོ་གཏིང་ཟབ་སྤེལ་ནས་གནས་ཚུལ་དངོས་མཐིལ་རྟོགས་བྱས་ཏེ་མཐོང་ཐོས་མྱོང་གྲུབ་ཀྱི་དཔྱད་གཞི་ཁོང་དུ་ཆུད་དགོས་པ། བྱེད་ཐབས་དངོས་བཏོན་ནས་མང་ཚོགས་ཀྱི་མངོན་གསལ་དོད་པོའི་གནད་དོན་ཐག་གཅོད་བྱེད་རོགས་བྱེད་དགོས་པ་བཅས། ཏང་གི་ལམ་ཕྱོགས་དང་བྱེད་ཕྱོགས་སྲིད་ཇུས་དང་ཀྲུང་དབྱང་གི་ཚོགས་འདུ་རབ་དང་རིམ་པའི་དགོངས་དོན་དྲིལ་བསྒྲགས་དང་དོན་འཁྱོལ་བྱས་པ་བརྒྱུད་མང་ཚོགས་ཀྱིས་ཕན་པ་གང་ནས་བྱུང་བ་དང་ཕན་པ་སུ་ལ་འདོགས་པ་ཤེས་པར་བྱས་ནས་བསམ་བློའི་ཐོག་གི་དོགས་འཆར་སེལ་བ་དང་། གྲོང་ཚོ་དང་མང་ཚོགས་ཀྱི་འཕེལ་རྒྱས་ཀྱི་བསམ་ཕྱོགས་གསལ་པོ་བཟོ་རོགས་བྱས་པ་བརྒྱུད་མང་ཚོགས་ལ་ཁྱིམ་དར་ཕྱུག་འགྱུར་གྱི་ལམ་བུ་འཚོལ་ཐུབ་པ་བྱེད་པ། ཏཱ་ལའི་རུ་ཚོགས་ལ་ཐེར་འདོན་དགག་རྒྱག་དང་ཁ་ཕྲལ་ལ་ངོ་རྒོལ་བྱེད་པའི་སློབ་གསོ་རྒྱག་པ་བརྒྱུད་མཐུན་སྦྱོར་དང་བརྟན་ལྷིང་ལ་གནོད་པའི་མངོན་གསལ་དོད་པོའི་གནད་དོན་ཐག་གཅོད་བྱས་ནས་མང་ཚོགས་ལ་དུས་བདེའི་འཚོ་བ་སྐྱེལ་དུ་འཇུག་པ། གྲོང་ཚོ་རིམ་པའི་ཨུ་ལྷན་གཉིས་ཀྱི་ཚན་ཁག་གི་བྱང་ཚད་མཐོ་རུ་གཏོང་རོགས་བྱས་པ་བརྒྱུད་ལམ་ལུགས་འཐུས་ཚང་དུ་གཏོང་བ་དང་གཞི་རིམ་ཚན་ཁག་འཛུགས་སྐྱོང་ཡག་པོ་བྱས་ནས་མང་ཚོགས་ལ་བརྟེན་ས་ཡོད་པ་བྱེད་པ་དང་མང་ཚོགས་ཁྲོད་གནས་ཐུབ་པའི་ལས་དོན་རུ་ཁག་ཅིག་འཇོག་པ་བྱེད་དགོས་ཞེས་གསུངས།

    ཀྲང་ཆིང་ལིས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་བར་ངེས་པར་དུ་ཏང་གི་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པ་དང་ལྗོངས་ཏང་ཨུད་སྐབས་བདུན་པའི་ཨུ་ཡོན་ཚང་འཛོམས་གྲོས་ཚོགས་ཐེངས་བདུན་པའི་དགོངས་དོན་ལག་ལེན་བསྟར་རྒྱུ་དང་ཟུང་འབྲེལ་བྱེད་དགོས་པ་དང་། ངེས་པར་དུ་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་པ་དང་ལྗོངས་ཏང་ཨུད་ཀྱི་ལས་དོན་ཚོགས་འདུའི་དགོངས་དོན་ལག་ལེན་བསྟར་རྒྱུ་དང་ཟུང་འབྲེལ་བྱེད་དགོས་པ། ངེས་པར་དུ་སྔོན་གཏོད་ལེགས་བརྩོན་གྱི་བྱེད་སྒོ་སྤེལ་བ་དང་སློབ་སྦྱོང་རྣམ་པའི་ཏང་རྩ་འཛུགས་འཛུགས་སྐྱོང་དང་ཟུང་འབྲེལ་བྱེད་དགོས་པ། ངེས་པར་དུ་ཏང་དབུ་བཪྙེས་ནས་ལོ་90འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་60འཁོར་བར་བསུ་བ་ཞུ་བའི་རྟེན་འབྲེལ་བྱེད་སྒོ་དང་ཟུང་འབྲེལ་བྱེད་དགོས་པ། ངེས་པར་དུ་དེང་སྐབས་ཀྱི་འཕེལ་རྒྱས་དང་བརྟན་ལྷིང་གི་ལས་དོན་ཁག་དང་ཟུང་འབྲེལ་བྱེད་དགོས། ལྗོངས་ཡོངས་ཀྱི་རིམ་ཁག་ཏང་རྩ་འཛུགས་དང་ལྷག་པར་དུ་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་གིས་འགོ་ཁྲིད་དང་མཛུབ་ཁྲིད་ལ་གོམ་གང་མདུན་སྤོས་ཀྱིས་ཤུགས་སྣོན་བརྒྱབ་ནས་ཞབས་ཞུ་དང་མཐུན་སྦྱོར་ཡག་པོ་བྱས་ཏེ་བྱེད་སྒོ་དེར་ཚད་མཐོའི་མཐོང་ཆེན་བྱས་ནས་དུས་བཀག་ལྟར་ཞིབ་འཇུག་དང་དབྱེ་ཞིབ་བྱེད་དགོས། མངགས་གཏོང་ཚན་པའི་འགན་འཁུར་བློ་མཐུན་གཙོ་བོ་འཆར་གཞི་ཡོད་པའི་སྒོ་ནས་ས་ཚིགས་སུ་བསྐྱོད་དེ་བདེ་འདྲི་དང་མཛུབ་ཁྲིད་བྱས་ནས་གནད་དོན་དངོས་ཐག་གཅོད་བྱེད་པར་དུས་ཐོག་ཏུ་མཐུན་སྦྱོར་བྱེད་རོགས་བྱེད་དགོས་པ་དང་གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་གི་ཁོངས་མིར་བསམ་གཞིགས་དང་། ཐུགས་ཁུར། རྒྱབ་སྐྱོར་བཅས་སྔར་ལས་མང་ཙམ་བྱེད་པ་དང་དྲོ་སྐྱིད་སྦྱིན་པའི་ལས་དོན་མང་ཙམ་བསྒྲུབ་དགོས། དྲིལ་བསྒྲགས་ཚན་པ་ཁག་གིས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་དྲིལ་བསྒྲགས་བྱེད་ཤུགས་ཆེ་རུ་བཏང་ནས་དཔེ་མཚོན་རང་བཞིན་དུས་ཐོག་ཏུ་ཤེས་པ་དང་། ཕྱོགས་སྡོམ་བྱེད་པ། ཁྱབ་གདལ་བཅས་བྱེད་པ་དང་ཉམས་མྱོང་སྤེལ་རེས་བྱས་ནས་བྱེད་སྒོ་ཏན་ཏིག་དང་བདེ་བླག་ངང་སྤེལ་བར་ཁོར་ཡུག་བཟང་པོ་བསྐྲུན་ཏེ་བྱེད་སྒོར་རྔམ་བརྗིད་དང་ནུས་པ་ལྡན་པ་དང་གྲུབ་འབྲས་ཐོབ་པ་བྱས་ཏེ་མི་རིགས་ཁག་གི་མང་ཚོགས་ལ་དངོས་ཕན་སྔར་ལས་མང་བ་ཐོབ་པ་དང་། སྤྱི་ཚོགས་སྔར་ལས་མཐུན་སྦྱོར་དང་བརྟན་ལྷིང་ཡོང་བ། བོད་འདི་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བདེ་འཁོད་ཀྱི་རླབས་ཆེན་འཕེལ་རིམ་ཁྲོད་གོམ་སྟབས་སྔར་ལས་ཆེ་བ་སྤོ་བ་བཅས་བྱེད་ཐུབ་པ་བྱས་ཏེ་ཕུལ་དུ་བྱུང་བའི་གྲུབ་འབྲས་ཀྱི་ཐོག་ནས་ཀྲུང་གོ་གུང་ཁྲན་ཏང་དབུ་བཪྙེས་ནས་ལོ་90འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་60འཁོར་བར་ལེགས་སྐྱེས་འབུལ་དགོས་ཞེས་ནན་གསུངས་གནང་བ་རེད།

    ཅིན་ཧྲུའུ་པོ་ཡིས་ལས་དོན་སྙན་སེང་ཞུ་སྐབས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་བ་ནི་ལྗོངས་ཏང་ཨུད་ཀྱིས་མི་རྩ་བར་འཛིན་པ་དང་དམངས་ཆེད་སྲིད་སྐྱོང་གི་བླང་བྱ་ལག་བསྟར་དོན་འཁྱོལ་བྱས་ནས་དུས་བབ་གསར་པའི་འོག་མང་ཚོགས་ལས་དོན་ལ་ཤུགས་སྣོན་རྒྱག་པ་དང་ལེགས་བཅོས་གཏོང་བའི་ཐབས་ཇུས་གལ་ཆེན་ཞིག་ཡིན། བྱེད་སྒོ་སྤེལ་འགོ་བཙུགས་ཚུན་རང་སྐྱོང་ལྗོངས་ཀྱི་རིམ་ཁག་ཏང་སྲིད་རྩ་འཛུགས་ཀྱིས་ཚད་མཐོའི་མཐོང་ཆེན་གནང་བ་དང་སྒྲིག་འཛུགས་ནུས་ལྡན་བྱས་པས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་སྤེལ་བ་དུས་ཐོག་ཏུ་འཁེལ་བ་དང་གོམ་སྟབས་གཅིག་གྱུར་བྱུང་བ་དང་། བཀོད་སྒྲིག་ཕྲ་ཞིང་ཞིབ་པ་དང་འགན་སྲུང་ནུས་ལྡན་བྱུང་བས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཡག་པོ་བཙུགས་པ་དང་བདེ་བླག་ངང་གོང་འཕེལ་བྱུང་བ། ལས་དོན་ཏན་ཏིག་བསྒྲུབས་པ་དང་བྱ་ཐབས་ནུས་པ་ལྡན་པས་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་བཀྲག་མདངས་འཚེར་ས་རིམ་པ་ལྟར་མངོན་པ་དང་གསོན་ཉམས་ལྡན་པ་ཡོད་པ་བཅས་རེད། སླད་ཕྱིན་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་དང་དེ་བཞིན་གཞུང་དོན་ཁང་དང་གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་གིས་ངེས་པར་དུ་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ལྟར་འགན་འཁྲི་ནན་ཏན་ངང་སྒྲུབ་པ་དང་གསར་གཏོད་རང་བཞིན་གྱིས་ལས་དོན་བསྒྲུབ་སྟེ་བྱེད་སྒོར་སྔར་བས་གྲུབ་འབྲས་ལྡན་པ་བྱས་ནས་ལྗོངས་ཏང་ཨུད་ཀྱི་མངགས་བཅོལ་གལ་ཆེན་དང་ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཀྱི་རེ་འདུན་སྟོང་ཟད་དུ་མི་འགྲོ་བ་བྱེད་དགོས་ཞེས་བསྟན་གནང་ཡོད།

    དབྱིན་ཏེ་མིང་གིས་སྙན་ཞུའི་ཚོགས་འདུ་གཙོ་སྐྱོང་གནང་སྐབས་ལྗོངས་ཡོངས་ཀྱི་རིམ་ཁག་ཏང་ཨུད་དང་། སྲིད་གཞུང་། གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་འགོ་ཁྲིད་ཚོགས་ཆུང་དང་དེ་བཞིན་གཞུང་ལས་ཁང་། གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་བཅས་ཀྱིས་ངེས་པར་དུ་ཧྲུའུ་ཅི་ཀྲང་ཆིང་ལིའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ནན་ཏན་བྱེད་པ་དང་གོ་བ་གཏིང་ཟབ་བླངས་ནས་དོན་དངོས་དང་ཟུང་འབྲེལ་གྱིས་ལག་བསྟར་དོན་འཁྱོལ་ལས་དོན་དམ་འཛིན་ཡག་པོ་བྱས་ནས་ཏང་གི་བྱེད་ཕྱོགས་སྲིད་ཇུས་དྲིལ་བསྒྲགས་བྱེད་ཤུགས་སྔར་བས་ཆེ་རུ་གཏོང་བ་དང་། མངོན་གསལ་དོད་པོའི་གནད་དོན་ཐག་གཅོད་བྱེད་ཤུགས་སྔར་བས་ཆེ་རུ་གཏོང་བ། ཏང་དང་མང་ཚོགས་དབར་དང་ལས་བྱེད་པ་དང་མང་ཚོགས་དབར་གྱི་འབྲེལ་བ་སྔར་བས་དམ་ཟབ་ཏུ་གཏོང་བ། གཞི་རིམ་རྩ་འཛུགས་འཛུགས་སྐྱོང་ལ་སྔར་བས་ཤུགས་སྣོན་རྒྱག་པ་བཅས་དང་འབྲེལ་ལྟ་སྐུལ་ཞིབ་བཤེར་ལ་ཤུགས་སྣོན་བརྒྱབ་ནས་བྱེད་སྒོར་གྲུབ་འབྲས་དངོས་ཐོབ་རྒྱུའི་འགན་ལེན་བྱེད་དགོས་པའི་བླང་བྱ་བཏོན་གནང་ཡོད།

    གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོའི་རང་སྐྱོང་ལྗོངས་ཀྱི་འགོ་ཁྲིད་ཚོགས་ཆུང་གི་ཁོངས་མི་དང་དེ་བཞིན་གཞུང་དོན་ཁང་གི་འགན་འཁུར་བློ་མཐུན་གཙོ་བོ་དང་རང་སྐྱོང་ལྗོངས་སྒྲིག་ཨུད་དང་རང་སྐྱོང་ལྗོངས་ཀྱི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་སྙན་ཞུའི་ཚོགས་འདུར་ཞུགས་ཡོད་པ་རེད།