1. གཞི་རྩའི་གླ་ཆ། མི་རེར་ཟླ་རེར་སྒོར་300དང （དེ་སྔའི་ཁ་གསབ་གྲངས་ཚུད ）ལོ་ཧྲིལ་པོར་སྒོར་3600ཡིན།

    2. གྲོང་ཚོ་རིམ་པའི་སྲོག་ཆགས་ཀྱི་རིམས་འགོག་སྨན་པའི་ཞབས་ཞུ་བྱ་དགའི་ཁ་གསབ་རོགས་དངུལ་ནི། འགན་འཁྲི་ནན་ཏན་འཁུར་མཁན་དང་སྲོག་ཆགས་རིམས་འགོག་ཞབས་ཞུའི་ལས་ཀ་ཡག་པོ་སྒྲུབ་མཁན་གྲོང་ཚོ་རིམ་པའི་སྲོག་ཆགས་ཀྱི་རིམས་འགོག་སྨན་པར་དཔྱད་བསྡུར་བྱས་ནས་ཚད་གཞི་ལོན་རྗེས། རང་སྐྱོང་ལྗོངས་ཀྱི་གཤམ་སྤྲོད་བྱས་པའི་སྤྱིར་བཏང་རང་བཞིན་གྱི་མ་དངུལ་སྒྱུར་སྤྲོད་བྱས་པའི་ནང་ནས་ཞིང་ལས་རྫོང （ས་མ་འབྲོག་གི་རྫོང་ཚུད ）དང་འབྲོག་ལས་ཁེར་རྐྱང་རྫོང་རིགས་གཉིས་སུ་དབྱེ་ནས་ཁག་སོ་སོར་ཞིང་འབྲོག་མང་ཚོགས་མི་རེར་ཆ་སྙོམས་སྒོར་2དང་སྒོར་4ལ་གཞིགས་ནས་གྲོང་ཚོ་རིམ་པའི་སྲོག་ཆགས་ཀྱི་རིམས་འགོག་སྨན་པའི་ཞབས་ཞུའི་བྱ་དགའི་ཁ་གསབ་མ་དངུལ་བཀོད་སྒྲིག་བྱས་ཐོག་ལོ་མཇུག་ཏུ་ཐེངས་གཅིག་རང་ལ་བྱ་དགའི་ཁ་གསབ་གྲོང་ཚོ་རིམ་པའི་སྲོག་ཆགས་ཀྱི་རིམས་འགོག་སྨན་པར་སྤྲོད་རྒྱུ།