རང་སྐྱོང་ལྗོངས་ཀྱི་ཀྲུའུ་ཞི་པད་མ་འཕྲིན་ལས་ཀྱིས་རང་སྐྱོང་ལྗོངས་མི་དམངས་འཐུས་ཚོགས་སྐབས་དགུ་པའི་ཚོགས་འདུ་ཐེངས་ལྔ་པའི་ཐོག་གནང་བའི་སྲིད་གཞུང་གི་ལས་དོན་སྙན་སྒྲོན་ནང་མཛུབ་སྟོན་གནང་དོན། 2011ལོར། ང་ཚོས་གྲོང་ཁྱེར་དང་གྲོང་གསེབ་ཀྱི་གོང་འཕེལ་གཅིག་གྱུར་འཆར་འགོད་བྱེད་རྒྱུ་མཐའ་འཁྱོངས་ཀྱིས་ཐོན་ཁུངས་སྒྲིལ་སྤྱོད་དང་གཙོ་གནད་ལ་འཕར་གཟིགས་བྱས་ཏེ་ཞིང་འབྲོག་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་བཏང་བ་དང་། ཞིང་འབྲོག་མང་ཚོགས་ཀྱི་ཡོང་འབབ་འཕར་སྣོན་ཡོང་བ་བྱས་ཡོད། “ཞིང་དུད་ལ་བརྒྱད་འཛོམས་བྱེད་པའི་”ལས་གཞི་ལག་བསྟར་ཤུགས་ཆེ་བྱས་ཏེ་ཞིང་འབྲོག་མང་ཚོགས་ཁྲི་20དང་། ཞིང་འབྲོག་ཁུལ་གྱི་དགེ་སློབ་མི་གྲངས་ཁྲི་2.3གྱི་འཐུང་ཆུའི་གནད་དོན་ཐག་གཅོད་བྱས་པ་དང་། སླར་ཡང་ཞིང་འབྲོག་མང་ཚོགས་ཁྲི་8.9ལ་གློག་བེད་སྤྱོད་ཐུབ་པ། སྲིད་འཛིན་གྲོང་ཚོར་གཞུང་ལམ་ཤར་གཏོང་ཐུབ་ཚད་86.4%ཟིན་པ། ཞིང་འབྲོག་ཁུལ་གྱི་འགུལ་འཁྱེར་འཕྲིན་དྲ་ཁེབས་ཚད་65%ཟིན་པ། གྲོང་གསེབ་ཀྱི་དུད་ཚང་ལ་སྤྱོད་པའི་རྫབ་རླངས་ཁྲི་3.5གསར་བཟོ་བྱས་པ། རླུང་འཕྲིན་བཪྙན་འཕྲིན་ཕྱོགས་བསྡུས་མི་མགོར་ཁེབས་ཚད་91.6%དང་92.8%ཟིན་པ། ཤང་གྲོང་ལ་སྦྲག་འཕྲིན་ཤར་གཏོང་ཐུབ་ཚད་བརྒྱ་ཆའི་གྲངས་5འཕར་བ། སྲིད་འཛིན་གྲོང་ཚོ་1000ཡི་མིའི་འཚོ་སྡོད་ཁོར་ཡུག་འཛུགས་སྐྱོང་དང་ཁོར་ཡུག་ཕྱོགས་བསྡུས་བཅོས་སྐྱོང་བཅས་བྱས་ཡོད། སླར་ཡང་སྒོར་དུང་ཕྱུར་10.14བཏང་ནས་དུད་ཚང་ཁྲི་6.39དང་ཞིང་འབྲོག་མང་ཚོགས་ཁྲི་34ཡི་བདེ་འཁོད་འཛུགས་སྐྲུན་བྱས་པ། འབྲེང་བཅོས་ཟམ་སྒྱུར་ལས་གཞི་རྩ་བའི་ཆར་ལེགས་སྒྲུབ་བྱུང་བ། གཞི་རྩའི་ཞིང་ནང་ཆུ་བེད་འཛུགས་སྐྲུན་བྱེད་རྒྱུར་ཤུགས་སྣོན་བརྒྱབ་སྟེ་ཞིང་འབྲོག་ལས་ཀྱི་ཕྱོགས་བསྡུས་ཐོན་སྐྱེད་བྱེད་ནུས་བརྟན་པོའི་ངང་ཆེ་རུ་སོང་ཞིང་། འབྲུ་རིགས་སྤྱིའི་ཐོན་འབོར་ཀྲོན་ཁྲི་93.2ཟིན་པ་དང་། ཕྱུགས་ཟོག་བཤས་གཏོང་ཚད་30.5%ཟིན་ཡོད། ཞིང་འབྲོག་མང་ཚོགས་ཀྱི་ཆེད་ལས་མཉམ་ལས་དཔལ་འབྱོར་རྩ་འཛུགས་གོང་འཕེལ་སྟོབས་ཆེར་སོང་བ་དང་། ཐབས་བརྒྱ་ཇུས་སྟོང་གིས་ཞིང་འབྲོག་མང་ཚོགས་ཀྱི་ཡོང་འབབ་འཕར་སྣོན་ཡོང་བ་བྱས་ཏེ་ཞིང་འབྲེལ་ཁ་གསབ་སྣ་ཚོགས་སྒོར་དུང་ཕྱུར་43.7སྐབས་འཕྲལ་དོན་འཁྱོལ་བྱས་ཤིང་། ཞིང་འབྲོག་མང་ཚོགས་མི་རེའི་ཆ་སྙོམས་འབབ་སྨར་སྒོར་4700ཟིན་ནས་ལོ་9བསྟུད་མར་གྲངས་གནས་གཉིས་ཀྱི་འཕར་ཚད་རྒྱུན་འཁྱོངས་ཐུབ་ཡོད། ཞིང་འབྲོག་མང་ཚོགས་མི་ཐེངས་ཁྲི་14.14ལ་སྦྱོང་བརྡར་སྤྲས་པ་དང་ངལ་ནུས་ཕྱིར་གཏོང་བྱེད་ཚད་མི་ཐེངས་ཁྲི་86ཟིན་ཞིང་། ངལ་ནུས་ཡོང་འབབ་སྒོར་དུང་ཕྱུར་18.5བྱུང་ཡོད། ཞིང་འབྲོག་མང་ཚོགས་མི་རེའི་ཆ་སྙོམས་འབབ་སྨར་སྒོར་1700ལས་དམའ་བའི་དབུལ་པོའི་མི་འབོར་ཁྲི་9.4ཉུང་དུ་སོང་ཡོད།