བོད་རང་སྐྱོང་ལྗོངས་མི་དམངས་འཐུས་ཚོགས་སྐབས་དགུ་པའི་ཚོགས་འདུ་ཐེངས་ཉེར་བཞི་པས་གྲོས་ཞིབ་བྱས་པ་དང་འབྲེལ་མི་དམངས་འཐུས་ཚོགས་ནོར་སྲིད་དཔལ་འབྱོར་ཨུ་ལྷན་གྱི་ཞིབ་བཤེར་སྙན་སྒྲོན་ལ་གཞིགས་པ་བརྒྱུད་རང་སྐྱོང་ལྗོངས་མི་དམངས་སྲིད་གཞུང་གི་བཀའ་མངགས་ལྟར་རང་སྐྱོང་ལྗོངས་ནོར་སྲིད་ཐིང་གི་ཐིང་ཀྲང་ཨའེ་ཅུན་ཐའོ་ཡིས་གནང་བའི 《བོད་རང་སྐྱོང་ལྗོངས་ཀྱི་2011ལོའི་ནོར་སྲིད་སྔོན་རྩིས་གཏོང་ཡོང་གི་འགྱུར་ལྡོག་གནས་ཚུལ་སྐོར་གྱི་སྙན་སྒྲོན 》ལ་ཆོག་མཆན་གནང་བ་རེད། ཚོགས་འདུའི་ཐོག་རང་སྐྱོང་ལྗོངས་ཀྱི་སྤྱིར་བཏང་སྔོན་རྩིས་ཀྱི་ནོར་ཤུགས་བསྡོམས་འབོར་དེ་ལོ་འགོའི་སྒོར་ཁྲི་5，319，760.3ནས་སྒོར་ཁྲི་7，694，128.4བར་ལེགས་སྒྲིག་བྱ་རྒྱུ་དང་། ཐེབས་རྩའི་སྔོན་རྩིས་དེ་ལོ་འགོའི་སྒོར་ཁྲི་119，442.8ནས་སྒོར་ཁྲི་198，082.8བར་ལེགས་སྒྲིག་བྱ་རྒྱུའི་གཏན་འབེབས་བྱས་པ་རེད།