བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཕྱོགས་མིར་ཞབས་ཞུ་དང་དོ་དམ་ལ་ཤུགས་སྣོན་རྒྱག་པ་དང་ཕྱོགས་མིའི་ཁྲིམས་མཐུན་ཁེ་དབང་ལ་འགན་ལེན་བྱ་ཆེད་ཕྱོགས་མིའི་སྐོར་གྱི་རང་ལྗོངས་ཀྱི་ས་གནས་རང་བཞིན་གྱི་ཁྲིམས་སྲོལ་དང་པོ་སྟེ 《བོད་རང་སྐྱོང་ལྗོངས་ཀྱི་ཕྱོགས་མིར་ཞབས་ཞུ་དོ་དམ་སྲོལ་ཡིག 》དེ་ཚེས་28ཉིན་དངོས་སུ་ཁྱབ་བསྒྲགས་བྱས་ནས་ལག་བསྟར་བྱ་རྒྱུ་ཡིན་པ་རེད།
《བོད་རང་སྐྱོང་ལྗོངས་ཀྱི་ཕྱོགས་མིར་ཞབས་ཞུ་དོ་དམ་སྲོལ་ཡིག 》བཟོས་པ་དེ་རང་ལྗོངས་ཀྱི་ཕྱོགས་མིའི་ལས་དོན་འཕེལ་རྒྱས་ཀྱི་དོན་དངོས་དང་འཚམ་པ་དང་ཁྱབ་ཁོངས་དེའི་ལས་དོན་ལ་བཅའ་ཁྲིམས་ཀྱི་གཞི་འཛིན་ས་དང་འགན་ལེན་མཁོ་འདོན་བྱེད་པ་དང་ཕྱོགས་མིར་ཞབས་ཞུ་དང་དོ་དམ་གྱི་ཕུགས་ཕན་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་ཆེད་བཅའ་ཁྲིམས་ཀྱི་རྨང་གཞི་བཏིང་ཡོད་པ་རེད།