ཀྲུང་གུང་བོད་རང་སྐྱོང་ལྗོངས་ཏང་ཨུད་དང་བོད་རང་སྐྱོང་ལྗོངས་མི་དམངས་སྲིད་གཞུང་ལ།

    ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་བྱམས་བརྩེའི་ཐུགས་ཁུར་དང་ཡང་དག་པའི་དབུ་ཁྲིད་དང་ཀྲུང་དབྱང་གི་སྡེ་ཚན་ཁག་དང་ཞིང་ཆེན （རང་སྐྱོང་ལྗོངས་དང་གྲོང་ཁྱེར ）ཁག་དང་རྒྱལ་ཡོངས་མི་དམངས་ཚོའི་ཤུགས་ཆེའི་རྒྱབ་སྐྱོར་འོག་ཨེ་ཤེ་ཡ་ལུས་རྩལ་འགྲན་ཚོགས་སྐབས་བཅུ་དྲུག་པ་དང་ཀོང་ཀྲོའུ་ཡི་2010ལོའི་ཨེ་ཤེ་ཡའི་དབང་པོ་སྐྱོན་ཅན་གྱི་ལུས་རྩལ་འགྲན་ཚོགས་རྒྱལ་ཁའི་ངང་མཇུག་འགྲིལ་བ་དང་མཐུན་སྒྲིལ་དང་། འཆམ་མཐུན། ཤེས་དཔལ། ངོ་མཚར་བཅས་ཀྱི་ཨེ་ཤེ་ཡའི་ལུས་རྩལ་རིག་གནས་ཀྱི་འདུ་འཛོམས་གཟབ་རྒྱས་དང་ཨེ་ཤེ་ཡའི་ལུས་རྩལ་འགྲན་ཚོགས་གཉིས་ངོ་མཚར་ཆེ་མཉམ་གྱི་སྐབས་གཅིག་གཉེར་བའི་དམིགས་ཚད་གྲུབ་འབྲས་ཐོབ་པའི་ངང་བསྒྲུབས་པ་དང་རྒྱལ་སྤྱིའི་སྤྱི་ཚོགས་ལ་གཟབ་ནན་ངང་ཁས་བླངས་པ་དེ་ཁ་ཐོག་ལག་བཞག་བྱས་པས་རྒྱལ་ཁབ་ཕྱི་ནང་ནས་རྒྱ་ཁྱབ་ཏུ་བསྔགས་བརྗོད་དང་ཚད་མཐོའི་གདེང་འཇོག་ཐོབ་ཡོད། ཀོང་ཀྲོའུ་ཡི་ཨེ་ཤེ་ཡ་ལུས་རྩལ་འགྲན་ཚོགས་དང་ཨེ་ཤེ་ཡའི་དབང་པོ་སྐྱོན་ཅན་གྱི་ལུས་རྩལ་འགྲན་ཚོགས་ཐོག་ནས་རང་རྒྱལ་གྱི་སྒྱུར་བཅོས་སྒོ་དབྱེ་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་གྱི་གྲུབ་འབྲས་ཧ་ཅང་ཆེན་པོ་དང་རང་རྒྱལ་གྱི་བསམ་པའི་དཔལ་ཡོན་སྲོལ་གཏོད་དང་སྤྱི་ཚོགས་ཀྱི་ཤེས་དཔལ་ཡར་ཐོན་གྱི་གྲུབ་འབྲས་ཧ་ཅང་ཆེན་པོ་ལེགས་པར་མངོན་པ་དང་ཀྲུང་ཧྭ་མི་རིགས་ཀྱི་དུས་ཡུན་རིང་པོའི་ལོ་རྒྱུས་དང་རིག་གནས་དང་ལྷག་པར་དུ་རི་བོ་ལིང་ནན་ལྷོ་རྒྱུད་ཀྱི་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤོས་ངོ་མཚར་ཆེན་པོས་མངོན་པར་བྱས་སྟབས་རྒྱ་ཆེའི་མི་དམངས་མང་ཚོགས་དང་མི་རིགས་ཀྱི་སྤོབས་སེམས་ཚོར་སེམས་ཧ་ཅང་ཆེ་རུ་ཕྱིན་པ་དང་རང་རྒྱལ་དང་ཨེ་ཤེ་ཡའི་རྒྱལ་ཁབ་ཁག་དང་ས་ཁུལ་ཁག་དབར་གྱི་མཐུན་སྒྲིལ་དང་། མཛའ་གྲོགས། སྤེལ་རེས་བཅས་ལ་སྐུལ་མ་ནུས་ལྡན་ཐེབས་ནས་སྤྲོ་སེམས་ཀྱིས་ཁེངས་ཤིང་། གཟབ་རྒྱས་ཆེ་བའི་འདུ་འཛོམས་དང་མཐུན་སྦྱོར་ལྡན་པའི་ཨེ་ཤེ་ཡ་ཞེས་པའི་གསོན་ཉམས་ལྡན་པའི་ལེའུ་ཞིག་བརྩམས་ཡོད།

    ཀོང་ཀྲོའུ་ཡི་ཨེ་ཤེ་ཡ་ལུས་རྩལ་འགྲན་ཚོགས་དང་ཨེ་ཤེ་ཡའི་དབང་པོ་སྐྱོན་ཅན་གྱི་ལུས་རྩལ་འགྲན་ཚོགས་གྲབས་གཉེར་བྱེད་རིང་རང་སྐྱོང་ལྗོངས་མཆོག་གིས་ང་ཚོར་ཐོག་མཐའ་བར་གསུམ་དུ་ཤུགས་ཆེའི་རྒྱབ་སྐྱོར་དང་སྤྲོ་སེམས་འཁོལ་བའི་རོགས་རམ་གནང་བ་དང་ལྷག་དོན་དུ་ཨེ་ཤེ་ཡའི་ལུས་རྩལ་འགྲན་ཚོགས་དྲིལ་བསྒྲགས་དང་། དཔལ་འབར་བརྒྱུད་སྤྲོད། བདེ་འཇགས་སྲུང་སྐྱོབ། ཡིག་འབུལ་ངོ་བཅར། བརྟན་ལྷིང་སྲུང་སྐྱོང་སོགས་ཀྱི་ཐད་ཕན་འབྲས་གཟེངས་སུ་ཐོན་པའི་ཕྱག་ལས་འབོར་ཆེན་གནང་སྟེ་ང་ཚོས་ཨེ་ཤེ་ཡ་ལུས་རྩལ་འགྲན་ཚོགས་དང་ཨེ་ཤེ་ཡའི་དབང་པོ་སྐྱོན་ཅན་གྱི་ལུས་རྩལ་འགྲན་ཚོགས་གྲུབ་འབྲས་ཐོབ་པའི་ངང་གཉེར་ཆེད་ཁོར་ཡུག་བཟང་པོ་ཞིག་བསྐྲུན་པ་དང་གལ་ཆེའི་ནུས་པ་བཏོན་པ་དེའི་ཐོག་ནས་རང་སྐྱོང་ལྗོངས་མཆོག་གི་མི་དམངས་ཚོས་ཀོང་ཏུང་མི་དམངས་ལ་མཐུན་ལམ་ཟབ་མོ་འཆང་ལུགས་ལེགས་པར་མངོན་ཡོད་པར་བརྟེན་ང་ཚོས་ཞིང་ཆེན་འདི་ཡོངས་ཀྱི་མི་དམངས་ཀྱི་ཚབ་ཞུས་ཏེ་ཁྱེད་ཚོར་བླ་ན་མེད་པའི་གུས་འདུད་དང་ལྷག་བསམ་ཟོལ་མེད་ངང་ཐུགས་རྗེ་ཆེ་ཞུ་རྒྱུ་ཡིན།

    ང་ཚོས་བློ་མཐུན་ཧུའུ་ཅིན་ཐའོ་ཡིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་གི་མཐའ་འཁོར་དུ་སྔར་ལས་མཐུན་སྒྲིལ་དམ་ཟབ་བྱས་ཏེ་ཡིད་ཆེས་བརྟན་པོ་དང་བློ་རྩ་བརྟན་པོས་ཡར་རྒྱས་བརྩོན་ལེན་བྱས་ནས་དཔལ་འབྱོར་ཡུན་རིང་བརྟན་པོ་དང་ཅུང་མྱུར་ཙམ་ངང་འཕེལ་རྒྱས་འགྲོ་རྒྱུ་དང་སྤྱི་ཚོགས་མཐུན་སྦྱོར་དང་བརྟན་ལྷིང་ཡོང་རྒྱུར་གཙོ་གནད་དུ་སྐུལ་མ་གཏོང་བ་དང་མཉམ་ལས་ལ་མུ་མཐུད་ཤུགས་སྣོན་བརྒྱབ་སྟེ་གཉིས་ཕན་འཕེལ་རྒྱས་ཡོང་བ་དང་ཐུན་མོང་ཐོག་མཛེས་སྡུག་ལྡན་པའི་འབྱུང་འགྱུར་གཏོད་པའི་ཕུལ་བྱུང་གི་གྲུབ་འབྲས་ཐོག་ནས་ཀྲུང་གོ་གུང་ཁྲན་ཏང་དབུ་བཪྙེས་ནས་ལོ་90འཁོར་བར་བསུ་བ་ཞུ་རྒྱུ་ཡིན།

    རང་སྐྱོང་ལྗོངས་མཆོག་གི་དཔལ་འབྱོར་འཕེལ་རྒྱས་དང་། སྤྱི་ཚོགས་ཡར་ཐོན། མི་དམངས་བདེ་སྐྱིད་བཅས་ཡོང་བར་སྙིང་དབུས་ནས་སྨོན་འདུན་ཞུ་རྒྱུ་ཡིན།

ཀྲུང་གུང་ཀོང་ཏུང་ཞིང་ཨུད་དང་ཀོང་ཏུང་ཞིང་ཆེན་མི་དམངས་སྲིད་གཞུང་གིས།

2010ལོའི་ཟླ་12ཚེས་20ཉིན་ལ།