བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་དགུ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཅིག་པའི་ཐོག་ནོར་སྲིད་ཐིང་གི་ཐིང་ཀྲང་གཞོན་པ་བུ་ཆུང་གིས་རང་སྐྱོང་ལྗོངས་མི་དམངས་སྲིད་གཞུང་གི་བཀའ་མངགས་ལྟར་གནང་བའི 《བོད་རང་སྐྱོང་ལྗོངས་ཀྱི་2008ལོའི་ནོར་སྲིད་ངེས་རྩིས་ཀྱི་སྙན་ཞུ 》དང་རང་སྐྱོང་ལྗོངས་རྩིས་བཤེར་ཐིང་གི་ཐིང་ཀྲང་ཀུན་བཟང་གིས་རང་སྐྱོང་ལྗོངས་མི་དམངས་སྲིད་གཞུང་གི་བཀའ་མངགས་ལྟར་གནང་བའི 《2008ལོའི་ལོ་འཁོར་གྱི་རང་སྐྱོང་ལྗོངས་རིམ་པ་འདི་གའི་སྔོན་རྩིས་ལག་བསྟར་དང་དེ་མིན་ནོར་སྲིད་གཏོང་ཡོང་གི་གནས་ཚུལ་ལ་རྩིས་བཤེར་བྱས་སྐོར་གྱི་ལས་དོན་སྙན་ཞུ 》གསན་ཡོད། ཚོགས་འདུས་རྩིས་བཤེར་ལས་དོན་སྙན་ཞུ་དང་ཟུང་འབྲེལ་བྱས་ཏེ 《བོད་རང་སྐྱོང་ལྗོངས་ཀྱི་2008ལོའི་ནོར་སྲིད་ངེས་རྩིས （འཆར་ཟིན ）》དང་ངེས་རྩིས་སྙན་ཞུར་ཞིབ་བཤེར་བྱས་ཤིང་། ནོར་སྲིད་དཔལ་འབྱོར་ཨུ་ཡོན་ལྷན་ཁང་གིས་བཏོན་པའི 《བོད་རང་སྐྱོང་ལྗོངས་ཀྱི་2008ལོའི་ནོར་སྲིད་ངེས་རྩིས་ལ་ཞིབ་བཤེར་བྱས་སྐོར་གྱི་སྙན་ཞུ 》མོས་མཐུན་བྱས་པ་མ་ཟད་བོད་རང་སྐྱོང་ལྗོངས་ཀྱི་2008ལོའི་ནོར་སྲིད་ངེས་རྩིས་ལ་ཆོག་མཆན་སྤྲོད་རྒྱུའི་གཏན་འབེབས་བྱས་པ་ཡིན།