ང་ཕོད་ཚེ་བརྟན་སྒྲོལ་དཀར་འདས་པོའི་སྐུ་པར།

    ཀྲུང་གོ་གུང་ཁྲན་ཏང་གི་གྲོགས་པོ་བློས་ཐུབ་དང་། ཏང་དང་ཡུན་རིང་མཉམ་ལས་དང་ལས་དོན་མཉམ་སྒྲུབ་གནང་མཁན། བློ་བརྟན་འགྱུར་མེད་ཀྱི་རྒྱལ་གཅེས་རིང་ལུགས་པ། དེ་སྔའི་བོད་ཀྱི་བུད་མེད་ལས་དོན་གྱི་གསར་གཏོད་པ་དང་འགོ་ཁྲིད་པ། སྐབས་བཞི་པ་དང་། ལྔ་པ། དྲུག་པ། བདུན་པ་བཅས་ཀྱི་རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ། རླབས་ཆེན་གྱི་རྒྱལ་གཅེས་རིང་ལུགས་པ་ང་ཕོད་ངག་དབང་འཇིགས་མེད་འདས་པོའི་སྐུ་ཟླ་བཅས་ཡིན་པའི་བློ་མཐུན་ང་ཕོད་ཚེ་བརྟན་སྒྲོལ་དཀར་སྙུང་གཞིས་རྐྱེན་པས་2012ལོའི་ཟླ་5ཚེས་24ཉིན་གྱི་ཆུ་ཚོད་19དང་སྐར་མ་25ཡི་ཐོག་པེ་ཅིང་དུ་སྐུ་གཤེགས་པ་དང་། སྐུ་གཤེགས་དུས་དགུང་ལོ་97རེད།