ནག་ཆུ་ས་ཁུལ་གྱི་ས་རིས་ཀྱི་མཚོན་རྟགས་ཐོན་ཟོག་ཁྲོམ་རའི་ཉོ་ཚོང་སྒྲིག་ལམ་ཚད་ལྡན་བཟོ་བ་དང་ཁྱད་ལྡན་ཐོན་ཟོག་གི་སྤུས་རྟགས་སྲུང་སྐྱོང་དང་ལེགས་སུ་གཏོང་ཆེད་ཉེ་ཆར་ནག་ཆུ་ས་ཁུལ་གྱིས 《ས་རིས་མཚོན་རྟགས་ཀྱི་སྲུང་སྐྱོང་ཐོན་ཟོག་བོད་ལྗོངས་ནག་ཆུའི་དབྱར་རྩྭ་དགུན་འབུའི 》ས་གནས་ཀྱི་ཚད་གཞི་བཟོས་པ་རེད།

    མིག་སྔར་རྒྱལ་ཁབ་སྤུས་ཚད་ཞིབ་བཤེར་སྤྱི་ཁྱབ་ཅུས་ཀྱིས་ནག་ཆུའི་དབྱར་རྩྭ་དགུན་འབུའི་ས་གནས་ཀྱི་ཚད་གཞི་སྲུང་སྐྱོང་སྙན་ཞུ་བདག་སྤྲོད་བྱས་ནས 《ས་རིས་མཚོན་རྟགས་ཀྱི་སྲུང་སྐྱོང་ཐོན་ཟོག་བོད་ལྗོངས་ནག་ཆུའི་དབྱར་རྩྭ་དགུན་འབུའི 》ས་གནས་ཀྱི་ཚད་གཞི (DB54/T0060-2012)དེ་རང་སྐྱོང་ལྗོངས་སྤུས་ཚད་ལྟ་སྐུལ་ཅུས་ཀྱིས་འདི་ལོའི་ཟླ་3ཚེས་28ཉིན་ཆོག་མཆན་སྤྲད་དེ་ཁྱབ་བསྒྲགས་བྱས་པ་དང་ཟླ་4ཚེས་28ཉིན་ནས་བཟུང་ལག་བསྟར་བྱ་རྒྱུ་རེད།