ཀྲུང་གོ་གུང་ཁྲན་ཏང་གི་གྲོགས་པོ་བློས་ཐུབ་དང་། ཏང་དང་ཡུན་རིང་མཉམ་ལས་གནང་མཁན་བློ་བརྟན་འགྱུར་མེད་ཀྱི་རྒྱལ་གཅེས་རིང་ལུགས་པ། རྒྱལ་ཡོངས་སྲིད་གྲོས་སྐབས་དགུ་པའི་རྒྱུན་ཨུ། བོད་རང་སྐྱོང་ལྗོངས་སྲིད་གྲོས་ཀྱི་དེ་སྔའི་ཀྲུའུ་ཞི་གཞོན་པ་བཅས་ཡིན་པའི་ཅིན་ཀྲུང་རྒྱལ་མཚན་ཕུན་ཚོགས་སྙིང་ཤུགས་ཉམས་ནས་མྱུར་སྐྱོབ་བྱས་ཀྱང་ཕན་ནུས་མ་ཐོན་པར་2010ལོའི་ཟླ་12ཚེས་29ཉིན་གྱི་ཆུ་ཚོད་10དང་སྐར་མ་40ཐོག་ལྷ་སར་སྐུ་གཤེགས་པ་དང་སྐུ་གཤེགས་དུས་དགུང་ལོ་85ཡིན།  བློ་མཐུན་ཅིན་ཀྲུང་རྒྱལ་མཚན་ཕུན་ཚོགས་འདས་པོའི་སྐུ་པར།