ཟླ་3ཚེས་5ཉིན་གྱི་2015ལོའི་འདོན་ཐེངས་གསུམ་པའི《བོད་ལྗོངས་གསར་པ》ཞེས་པའི་དུས་དེབ་ཐོག་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་བློ་མཐུན་བློ་བཟང་རྒྱལ་མཚན་གྱི་རིགས་པའི་གཞུང་ལུགས་ཀྱི་རྩོམ་ཡིག《རྒྱུན་རྣམ་གསར་པ་དང་རང་རྟོགས་ངང་འཚམ་པ་ཧུར་ཐག་བྱས་ནས་ཚན་རིག་དང་མཐུན་པའི་ངང་མཆོང་སྐྱོད་ལྟ་བུའི་འཕེལ་རྒྱས་ལ་སྐུལ་འདེད་གཏོང་དགོས》ཞེས་པ་འཁོད་ཡོད།

རྩོམ་ཡིག་དེ་ཁག་གསུམ་ལ་བགོས་ཡོད་པ་སྟེ། གཅིག རང་ལྗོངས་ཀྱི་གནས་ཚུལ་དང་ཟུང་འབྲེལ་དམ་ཟབ་བྱས་ནས་དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པར་ངོས་འཛིན་གང་ལེགས་བྱེད་དགོས་པ་དང་། གཉིས། རང་འགུལ་ངང་བྱས་རྗེས་བཞག་ནས་དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པ་དང་འཚམ་གང་ཐུབ་བྱེད་དགོས་པ། གསུམ། བྱ་ཐབས་སྤྱོད་ཤུགས་ཆེ་རུ་བཏང་ནས་རྒྱུན་རྣམ་གསར་པའི་འཕེལ་རྒྱས་གསར་པར་ནུས་ཤུགས་ཡོད་རྒུས་སྐུལ་འདེད་གཏོང་དགོས་པ་བཅས་རེད།