(2014ལོའི་ཟླ་11ཚེས་1ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཅིག་པའི་ཐོག་གྲོས་འཆམ་བྱུང་བ)  

ལེའུ་དང་པོ།སྤྱིའི་རྩ་འཛིན།

དོན་ཚན་དང་པོ།གསང་མྱུལ་གྱི་བྱ་སྤྱོད་ལ་དོགས་ཟོན་དང་།བཀག་འགོགཆད་གཅོད་བཅས་བྱས་ནས་རྒྱལ་ཁབ་བདེ་འཇགས་སྲུང་སྐྱོང་བྱེད་ཆེད།རྩ་ཁྲིམས་གཞིར་བཟུང་བཅའ་ཁྲིམས་འདི་ཉིད་བཟོས་པ་ཡིན།

དོན་ཚན་གཉིས་པ།གསང་མྱུལ་ལ་འགོག་རྒོལ་བྱེད་པའི་ལས་དོན་སྤེལ་སྐབས།ཀྲུང་དབྱང་གིས་གཅིག་གྱུར་འགོ་ཁྲིད་མཛད་རྒྱུ་རྒྱུན་འཁྱོངས་བྱས་ཐོགཡོངས་བསྒྲགས་ལས་དོན་དང་གསང་བའི་ལས་དོན་ཕན་ཚུན་ཟུང་འབྲེལ་བྱེད་པ་དང་།ཆེད་གཉེར་ལས་དོན་དང་མང་ཚོགས་ལམ་ཕྱོགས་ཕན་ཚུན་ཟུང་འབྲེལ་བྱེད་པ།འགོག་སྲུང་ཧུར་ཐག་བྱེད་པ།ཁྲིམས་ལྟར་ཉེས་ཆད་གཅོད་པ་བཅས་ཀྱི་རྩ་དོན་རྒྱུན་འཁྱོངས་བྱ་རྒྱུ།

དོན་ཚན་གསུམ་པ།རྒྱལ་ཁབ་བདེ་སྲུང་ལས་ཁུངས་ནི་གསང་མྱུལ་ལ་འགོག་རྒོལ་བྱེད་པའི་ལས་དོན་ཐད་གཙོ་འགན་འཁུར་མཁན་ལས་ཁུངས་ཤིག་ཡིན།སྤྱི་བདེ་དང་གསང་སྲུང་སྲིད་འཛིན་དོ་དམ་སོགས་འབྲེལ་ཡོད་སྡེ་ཚན་གཞན་དག་དང་དམག་དཔུང་གི་འབྲེལ་ཡོད་སྡེ་ཚན་གྱིས་འགན་འཁྲི་ཁག་བགོས་གཞིར་བཟུང་གཞོགས་འདེགས་དམ་ཟབ་དང་མཐུན་སྦྱོར་གང་ལེགས་ཀྱིས་ཁྲིམས་བཞིན་འབྲེལ་ཡོད་ལས་དོན་ཡག་པོ་སྒྲུབ་དགོས།

དོན་ཚན་བཞི་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་རྒྱལ་ཁབ་ཀྱི་བདེ་འཇགས་དང་།སྙན་གྲགས།ཁེ་ཕན་བཅས་སྲུང་སྐྱོང་བྱ་རྒྱུའི་འོས་འགན་ཡོད་པས།རྒྱལ་ཁབ་ཀྱི་བདེ་འཇགས་དང་།སྙན་གྲགས།ཁེ་ཕན་བཅས་ལ་གནོད་པའི་བྱ་སྤྱོད་སྤེལ་མི་ཆོགརྒྱལ་ཁབ་ཀྱི་ལས་ཁུངས་དང་།དྲག་པོའི་སྟོབས་ཤུགས།སྲིད་ཏང་ཁག་དང་སྤྱི་ཚོགས་ཀྱི་ཚོགས་པ་ཁགདེ་བཞིན་ཁེ་ལས་དང་བྱ་གཞག་རྩ་འཛུགས་ཁག་བཅས་ཚང་མར་གསང་མྱུལ་གྱི་བྱ་སྤྱོད་ལ་དོགས་ཟོན་དང་བཀག་འགོག་བྱ་རྒྱུ་དང་རྒྱལ་ཁབ་ཀྱི་བདེ་འཇགས་སྲུང་སྐྱོང་བྱ་རྒྱུའི་འོས་འགན་ཡོད།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་དོན་སྒྲུབ་སྐབས་ངེས་པར་དུ་མི་དམངས་ཀྱི་རྒྱབ་སྐྱོར་ལ་བརྟེན་དགོས་པ་དང་སྦྲགས།མི་དམངས་སྐུལ་སློང་དང་སྒྲིག་འཛུགས་བྱས་ཏེ་རྒྱལ་ཁབ་ཀྱི་བདེ་འཇགས་ལ་གནོད་པའི་གསང་མྱུལ་གྱི་བྱ་སྤྱོད་ལ་དོགས་ཟོན་དང་བཀག་འགོག་བྱེད་དགོས།

དོན་ཚན་ལྔ་པ།གསང་མྱུལ་ལ་འགོག་རྒོལ་བྱེད་པའི་ལས་དོན་དེ་ངེས་པར་དུ་ཁྲིམས་བཞིན་སྤེལ་ཐོག་འགྲོ་བ་མིའི་ཐོབ་ཐང་ལ་བརྩི་འཇོག་དང་འགན་སྲུང་བྱེད་དགོས་པ་དང་།སྤྱི་དམངས་དང་རྩ་འཛུགས་ཀྱི་ཁྲིམས་མཐུན་ཁེ་དབང་འགན་སྲུང་བྱེད་དགོས།

དོན་ཚན་དྲུག་པ།རྒྱལ་ཁོངས་ཕྱི་རོལ་དུ་ཡོད་པའི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་རང་ངོས་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་ལ་གནོད་པའི་གསང་མྱུལ་གྱི་བྱ་སྤྱོད་སྤེལ་བའམ་མི་གཞན་ལ་ངན་སྐུལ་དང་རོགས་དངུལ་སྤྲད་དེ་གསང་མྱུལ་གྱི་བྱ་སྤྱོད་སྤེལ་དུ་བཅུག་པའི་རིགས་དང་ཡང་ན་རྒྱལ་ནང་གི་ལས་ཁུངས་དང་།རྩ་འཛུགས།མི་སྒེར་གྱིས་རྒྱལ་ཁོངས་ཕྱི་རོལ་གྱི་ལས་ཁུངས་དང་།རྩ་འཛུགས།མི་སྒེར་བཅས་དང་ངན་པ་ལག་སྦྲེལ་གྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་ལ་གནོད་པའི་གསང་མྱུལ་གྱི་བྱ་སྤྱོད་སྤེལ་བའི་རིགས་ཚང་མར་ངེས་པར་དུ་བཅའ་ཁྲིམས་ལྟར་བདའ་འདེད་གཏོང་དགོས།

དོན་ཚན་བདུན་པ།གསང་མྱུལ་ལ་འགོག་རྒོལ་བྱེད་པའི་ལས་དོན་ལ་རྒྱབ་སྐྱོར་དང་རོགས་རམ་བྱེད་མཁན་རྩ་འཛུགས་དང་མི་སྒེར་ལ་རྒྱལ་ཁབ་ནས་སྲུང་སྐྱོང་བྱ་རྒྱུ་དང་།བྱས་རྗེས་ཆེན་པོ་འཇོག་མཁན་ལ་བྱ་དགའ་སྤྲོད་རྒྱུ།

ལེའུ་གཉིས་པ།གསང་མྱུལ་ལ་འགོག་རྒོལ་བྱེད་པའི་ལས་དོན་ཁྲོད་ཀྱི་རྒྱལ་ཁབ་བདེ་སྲུང་ལས་ཁུངས་ཀྱི་འགན་དབང་།

དོན་ཚན་བརྒྱད་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་དོན་ཁྲོད་ཁྲིམས་ལྟར་མྱུལ་ཞིབ་དང་།བཀག་ཉར།གྲ་སྒྲིག་འདྲི་གཅོད།འཛིན་བཟུང་ལག་བསྟར་བྱེད་པ་དང་།དེ་བཞིན་བཅའ་ཁྲིམས་ནང་གཏན་ལ་ཕབ་པའི་འགན་དབང་གཞན་དག་སྤྱད་ཆོག

དོན་ཚན་དགུ་པ།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་མི་སྣས་ཁྲིམས་ལྟར་ལས་འགན་སྒྲུབ་སྐབས།གཏན་འབེབས་བཞིན་འོས་བབས་ལག་ཁྱེར་བསྟན་རྗེས་ཀྲུང་གོའི་སྤྱི་དམངས་སམ་ཡང་ན་རྒྱལ་ཁོངས་ཕྱི་རོལ་གྱི་མི་སྣའི་ཐོབ་ཐང་ལག་ཁྱེར་བཤེར་དབང་ཡོད་ལ།འབྲེལ་ཡོད་རྩ་འཛུགས་དང་མི་སྣར་འབྲེལ་ཡོད་ཀྱི་གནས་ཚུལ་བརྟག་དཔྱད་དང་འདྲི་རྩད་བྱེད་དབང་ཡང་ཡོད།

དོན་ཚན་བཅུ་པ།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་མི་སྣས་ཁྲིམས་ལྟར་ལས་འགན་སྒྲུབ་སྐབས།གཏན་འབེབས་བཞིན་འོས་བབས་ལག་ཁྱེར་བསྟན་རྗེས་འབྲེལ་ཡོད་ས་ཆ་དང་ལས་ཁུངས་ནང་བསྐྱོད་ཆོགརྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར།ཆོག་མཆན་ཞུས་ཐོབ་བྱུང་བ་དང་འོས་བབས་ལག་ཁྱེར་བསྟན་རྗེས་བཀག་སྡོམ་བྱས་པའི་འབྲེལ་ཡོད་ས་ཁུལ་དང་།ས་ཆ།ལས་ཁུངས་བཅས་སུ་བསྐྱོད་ཆོག་པ་མ་ཟད་འབྲེལ་ཡོད་ཡིག་ཚགས་དང་།དཔྱད་ཡིགདངོས་རྫས་བཅས་ལ་ལྟ་བཤེར་རམ་ཡང་ན་དེ་དག་བསྡུ་ལེན་བྱས་ཆོག

དོན་ཚན་བཅུ་གཅིག་པ།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་མི་སྣས་ཁྲིམས་ལྟར་ཛ་དྲག་ལས་འགན་སྒྲུབ་སྐབས།འོས་བབས་ལག་ཁྱེར་བསྟན་རྗེས་སྤྱི་སྤྱོད་འགྲིམ་འགྲུལ་ཡོ་བྱད་ནང་སྔོན་ལ་བསྡད་ཆོག་པ་དང་།འགྲིམ་འགྲུལ་ལམ་འགགས་གནས་ཚུལ་འཕྲད་སྐབས་སྔོན་དུ་བསྐྱོད་ཆོགརྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་ཀའི་དགོས་མཁོ་བཞིན་རྒྱལ་ཁབ་ཀྱི་འབྲེལ་ཡོད་གཏན་འབེབས་གཞིར་བཟུང་ལས་ཁུངས་དང་།ཚོགས་པ།ཁེ་ལས་བྱ་གཞག་རྩ་འཛུགས།མི་སྒེར་བཅས་ཀྱི་འགྲིམ་འགྲུལ་ཡོ་བྱད་དང་།འཕྲིན་གཏོང་ཡོ་བྱད།ས་ཆ།ཨར་སྐྲུན་དངོས་རིགས་བཅས་ཁྲིམས་ལྟར་སྔོན་དུ་སྤྱོད་པའམ་ཡང་ན་བསྡུ་ལེན་བྱས་ནས་བེད་སྤྱད་ཆོགདགོས་ངེས་སྐབས་འབྲེལ་ཡོད་ཀྱི་ལས་དོན་སྤེལ་གནས་དང་།སྒྲིག་ཆས།སྒྲིག་བཀོད་བཅས་སྒྲིག་སྦྱོར་བྱས་ཆོག་ཅིང་།ལས་འགན་བསྒྲུབས་ཚར་རྗེས་དུས་ཐོག་ཕྱིར་སློག་གམ་ཡང་ན་སྔར་ཡོད་སླར་གསོ་བྱེད་དགོས་པ་མ་ཟད།གཏན་འབེབས་ལ་གཞིགས་ནས་སྤྱོད་རིན་འོས་འཚམས་ཀྱང་སྤྲོད་དགོས།གལ་སྲིད་གྱོང་གུན་བྱུང་ན་ངེས་པར་དུ་ཁ་གསབ་བྱེད་དགོས།

དོན་ཚན་བཅུ་གཉིས་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་གྱི་བྱ་སྤྱོད་ལ་མྱུལ་ཞིབ་བྱ་རྒྱུའི་དགོས་མཁོ་བཞིན་རྒྱལ་ཁབ་ཀྱི་འབྲེལ་ཡོད་གཏན་འབེབས་གཞིར་བཟུང་།ཆོག་མཆན་ཞུ་བའི་འགྲོ་ལུགས་ནན་པོ་བརྒྱུད་རྗེས་ལག་རྩལ་གྱི་མྱུལ་ཞིབ་བྱེད་ཐབས་སྤྱད་ན་འགྲིག

དོན་ཚན་བཅུ་གསུམ་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་ཀའི་དགོས་མཁོ་བཞིན་འབྲེལ་ཡོད་རྩ་འཛུགས་དང་མི་སྒེར་གྱི་གློག་རྡུལ་འཕྲིན་གཏོང་ཡོ་བྱད་དང་དངོས་ཆས་སོགས་སྒྲིག་ཆས་དང་སྒྲིག་བཀོད་ལ་གཏན་འབེབས་གཞིར་བཟུང་དཔྱད་བཤེར་བྱས་ཆོགདཔྱད་བཤེར་བྱེད་སྐབས།རྒྱལ་ཁབ་ཀྱི་བདེ་འཇགས་ལ་གནོད་པའི་གནས་ཚུལ་ཡོད་པ་ཤེས་རྟོགས་བྱུང་ཚེ།རྒྱལ་ཁབ་བདེ་སྲུང་ལས་ཁུངས་ནས་ངེས་པར་དུ་དེ་དག་བཅོས་སྒྲིག་བྱེད་དུ་འཇུག་དགོས་པ་དང་།བཅོས་སྒྲིག་མི་བྱེད་པའམ་ཡང་ན་བཅོས་སྒྲིག་བྱས་ཀྱང་ད་དུང་རེ་བ་དང་མ་མཐུན་པའི་རིགས་ལ་སྒོ་ཐེལ་རྒྱག་པ་དང་བཙན་ཉར་བྱས་ཆོགདོན་ཚན་གོང་མའི་གཏན་འབེབས་བཞིན་སྒོ་ཐེལ་བརྒྱབ་པ་དང་བཙན་ཉར་བྱས་པའི་སྒྲིག་ཆས་དང་སྒྲིག་བཀོད་རིགས་ཡིན་པར་རྒྱལ་ཁབ་ཀྱི་བདེ་འཇགས་ལ་གནོད་འཚེ་ཡོད་པའི་གནས་ཚུལ་གཙང་སེལ་བཟོས་རྗེས།རྒྱལ་ཁབ་བདེ་སྲུང་ལས་ཁུངས་ཀྱིས་ངེས་པར་དུ་དུས་ཐོག་ཏུ་སྒོ་ཐེལ་བཀྲོལ་བ་དང་བཀག་ཉར་དངོས་རིགས་ཕྱིར་སྤྲོད་བྱེད་དགོས།

དོན་ཚན་བཅུ་བཞི་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་ཀའི་དགོས་མཁོ་བཞིན་རྒྱལ་ཁབ་ཀྱི་འབྲེལ་ཡོད་གཏན་འབེབས་གཞིར་བཟུང་།འགག་སྒོ་དང་མཐའ་སྲུང་སོགས་ཞིབ་བཤེར་ལས་ཁུངས་ལ་འབྲེལ་ཡོད་མི་སྣ་དང་།དཔྱད་ཡིགཡོ་བྱད་བཅས་ལ་ཞིབ་བཤེར་མི་བྱ་རྒྱུའི་རེ་འདུན་ཞུས་ཆོགའབྲེལ་ཡོད་ཞིབ་བཤེར་ལས་ཁུངས་ཀྱིས་ངེས་པར་དུ་དེར་གཞོགས་འདེགས་བྱེད་དགོས།

དོན་ཚན་བཅོ་ལྔ་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་གྱི་བྱ་སྤྱོད་ཐད་བེད་སྤྱད་པའི་ལག་ཆ་དང་རྒྱུ་དངོས་གཞན་དགདེ་བཞིན་གསང་མྱུལ་གྱི་བྱ་སྤྱོད་ལ་རོགས་སྐྱོར་བྱ་རྒྱུར་སྤྱད་པའི་མ་དངུལ་དང་།གནས་ཡུལ།དངོས་ཟོག་བཅས་ལ།ཆུད་བཙུགས་པའི་གྲོང་ཁྱེར་རིམ་པ་ཡན་གྱི་རྒྱལ་ཁབ་བདེ་སྲུང་ལས་ཁུངས་ཀྱི་འགན་འཁུར་མི་སྣའི་ཆོག་མཆན་ཐོབ་པ་བརྒྱུད་ཁྲིམས་བཞིན་སྒོ་ཐེལ་བརྒྱབ་པ་དང་།བཙན་ཉར་དང་བཀག་སྐྱིལ་བྱས་ཆོག

དོན་ཚན་བཅུ་དྲུག་པ།རྒྱལ་ཁབ་བདེ་སྲུང་ལས་ཁུངས་ཀྱིས་གསང་མྱུལ་ལ་འགོག་རྒོལ་བྱེད་པའི་ལས་དོན་གྱི་དགོས་མཁོ་བཞིན་འབྲེལ་ཡོད་ཚན་པ་དང་མཉམ་དུ་གསང་མྱུལ་ལ་འགོག་རྒོལ་བྱེད་པའི་ལག་རྩལ་ཐད་ཀྱི་འགོག་ཟོན་ཚད་གཞི་བཟོས་ཏེ།གསང་མྱུལ་ལ་འགོག་རྒོལ་བྱེད་པའི་ལག་རྩལ་ཐད་ཀྱི་འགོག་ཟོན་བྱ་ཐབས་རྣམས་འབྲེལ་ཡོད་སྡེ་ཚན་ནས་དོན་འཁྱོལ་བྱ་རྒྱུར་མཛུབ་ཁྲིད་བྱེད་དགོས་ཤིང་།ཆོག་མཆན་འགྲོ་ལུགས་ནན་པོ་བརྒྱུད་གནས་ཚུལ་ཐོན་གཞི་ཡོད་པའི་སྡེ་ཚན་ལ་དེའི་གསང་མྱུལ་འགོག་ཟོན་ལག་རྩལ་ཐད་ཞིབ་བཤེར་དང་ཞིབ་དཔྱད་ཚད་ལེན་བྱས་ཆོག

དོན་ཚན་བཅུ་བདུན་པ།རྒྱལ་ཁབ་བདེ་སྲུང་ལས་ཁུངས་དང་དེའི་ལས་དོན་མི་སྣས་ལས་དོན་སྒྲུབ་པའི་ནང་ངེས་པར་དུ་ཁྲིམས་བཞིན་ལས་དོན་བསྒྲུབ་དགོས་པ་ལས།འགན་དབང་ལས་བརྒལ་རིགས་དང་འགན་དབང་གང་བྱུང་དུ་སྤྱོད་རིགས་བྱེད་མི་ཆོག་པ་དང་།རྩ་འཛུགས་དང་མི་སྒེར་གྱི་ཁྲིམས་མཐུན་ཁེ་དབང་ལ་བཙན་གནོད་གཏོང་མི་ཆོགརྒྱལ་ཁབ་བདེ་སྲུང་ལས་ཁུངས་དང་དེའི་ལས་དོན་མི་སྣས་ཁྲིམས་བཞིན་གསང་མྱུལ་ལ་འགོག་རྒོལ་བྱེད་པའི་འགན་འཁྲི་སྒྲུབ་སྐབས་རྩ་འཛུགས་དང་མི་སྒེར་གྱི་ཆ་འཕྲིན་དང་དཔྱད་ཡིག་བཙལ་རྙེད་བྱུང་བ་རྣམས་གསང་མྱུལ་ལ་འགོག་རྒོལ་བྱེད་པའི་ལས་དོན་ཁོ་ནར་སྤྱོད་དགོས།རྒྱལ་ཁབ་ཀྱི་གསང་བ་དང་།ཚོང་ལས་ཀྱི་གསང་བ།མི་སྒེར་གྱི་གསང་བ་བཅས་ཡིན་ཕྱིན་ངེས་པར་དུ་གསང་སྲུང་བྱེད་དགོས།

དོན་ཚན་བཅོ་བརྒྱད་པ།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་མི་སྣས་ཁྲིམས་ལྟར་ལས་འགན་སྒྲུབ་པར་བཅའ་ཁྲིམས་ཐོག་ནས་སྲུང་སྐྱོང་བྱ་རྒྱུ།

ལེའུ་གསུམ་པ།སྤྱི་དམངས་དང་རྩ་འཛུགས་ཀྱི་འོས་འགན་དང་ཁེ་དབང་།

དོན་ཚན་བཅུ་དགུ་པ།ལས་ཁུངས་དང་།ཚོགས་པ།རྩ་འཛུགས་གཞན་དག་བཅས་ཀྱིས་ངེས་པར་དུ་ཚན་པ་དེ་གའི་མི་ལ་རྒྱལ་ཁབ་ཀྱི་བདེ་འཇགས་སྲུང་སྐྱོང་བྱ་རྒྱུའི་སློབ་གསོ་རྒྱག་དགོས་པ་དང་།སྡེ་ཚན་དེ་གའི་མི་སྣ་སྐུལ་སློང་དང་སྒྲིག་འཛུགས་བྱས་ནས་གསང་མྱུལ་གྱི་བྱ་སྤྱོད་ལ་དོགས་ཟོན་དང་བཀག་འགོག་བྱེད་དགོས།

དོན་ཚན་ཉི་ཤུ་པ།སྤྱི་དམངས་དང་རྩ་འཛུགས་ཀྱིས་ངེས་པར་དུ་གསང་མྱུལ་ལ་འགོག་རྒོལ་བྱེད་པའི་ལས་ཀར་མཐུན་རྐྱེན་སྐྲུན་པའམ་ཡང་ན་གཞོགས་འདེགས་གཞན་དག་བྱེད་དགོས།གསང་མྱུལ་ལ་འགོག་རྒོལ་བྱེད་པའི་ལས་དོན་ལ་གཞོགས་འདེགས་བྱས་རྐྱེན།རང་ཉིད་དང་ཡང་ན་རང་གི་གཉེན་ཉེའི་མི་ལུས་ལ་ཉེན་ཁ་འཕྲད་ཚེ།རྒྱལ་ཁབ་བདེ་སྲུང་ལས་ཁུངས་ལ་སྲུང་སྐྱོབ་གནང་རོགས་ཞུས་ཆོགརྒྱལ་ཁབ་བདེ་སྲུང་ལས་ཁུངས་ཀྱིས་ངེས་པར་དུ་འབྲེལ་ཡོད་ལས་ཁུངས་དང་མཉམ་དུ་ཁྲིམས་བཞིན་སྲུང་སྐྱོབ་བྱ་ཐབས་སྤྱོད་དགོས།

དོན་ཚན་ཉེར་གཅིག་པ།སྤྱི་དམངས་དང་རྩ་འཛུགས་ཀྱིས་གསང་མྱུལ་གྱི་བྱ་སྤྱོད་སྤེལ་རིགས་ཤེས་རྟོགས་བྱུང་ཚེ་ངེས་པར་དུ་རྒྱལ་ཁབ་བདེ་སྲུང་ལས་ཁུངས་ལ་དུས་ཐོག་ཏུ་སྙན་སེང་ཞུ་དགོས།སྤྱི་བདེ་ལས་ཁུངས་སོགས་རྒྱལ་ཁབ་ལས་ཁུངས་དང་རྩ་འཛུགས་གཞན་དག་ལ་སྙན་སེང་ཞུས་རིགས།འབྲེལ་ཡོད་རྒྱལ་ཁབ་ལས་ཁུངས་དང་རྩ་འཛུགས་ཀྱིས་ངེས་པར་དུ་རྒྱལ་ཁབ་བདེ་སྲུང་ལས་ཁུངས་ལ་ཕྲལ་དུ་བསྐྱལ་ནས་ཐག་གཅོད་བྱེད་དགོས།

དོན་ཚན་ཉེར་གཉིས་པ།རྒྱལ་ཁབ་བདེ་སྲུང་ལས་ཁུངས་ཀྱིས་འབྲེལ་ཡོད་གསང་མྱུལ་གྱི་བྱ་སྤྱོད་གནས་ཚུལ་ལ་བརྟག་དཔྱད་བྱེད་པ་དང་།འབྲེལ་ཡོད་དཔང་རྟགས་འཚོལ་བསྡུ་བྱེད་སྐབས།འབྲེལ་ཡོད་རྩ་འཛུགས་དང་མི་སྒེར་གྱིས་ངེས་པར་དུ་གནས་ཚུལ་ཇི་མ་ཇི་བཞིན་ཞུ་དགོས་པ་ལས་དང་ལེན་མི་བྱེད་པ་བྱེད་མི་རུང་།

དོན་ཚན་ཉེར་གསུམ་པ།སྤྱི་དམངས་དང་རྩ་འཛུགས་གང་ཞིག་གིས་གསང་མྱུལ་ལ་འགོག་རྒོལ་བྱེད་པའི་ལས་དོན་དང་འབྲེལ་བ་ཡོད་པའི་རྒྱལ་ཁབ་ཀྱི་གསང་དོན་ཤེས་རྟོགས་བྱུང་རིགས་གསང་བ་སྲུང་དགོས།

དོན་ཚན་ཉེར་བཞི་པ།མི་སྒེར་དང་རྩ་འཛུགས་གང་ཞིག་གིས་རྒྱལ་ཁབ་ཀྱི་གསང་དོན་ཁོངས་སུ་གཏོགས་པའི་ཡིག་ཆ་དང་།དཔྱད་ཡིགདངོས་རྫས་གཞན་དག་བཅས་ཁྲིམས་འགལ་གྱིས་བདག་བཟུང་བྱེད་མི་ཆོག

དོན་ཚན་ཉེར་ལྔ་པ།མི་སྒེར་དང་རྩ་འཛུགས་གང་ཞིག་གིས་ཀྱང་གསང་མྱུལ་གྱི་བྱེད་སྒོ་སྤེལ་བར་མཁོ་བའི་ཆེད་སྤྱོད་ཡོ་བྱད་ཡིན་ཕྱིན་ཁྲིམས་འགལ་གྱིས་དེ་དག་བདག་བཟུང་དང་བེད་སྤྱོད་བྱེད་མི་ཆོགརྒྱལ་སྲིད་སྤྱི་ཁྱབ་ཁང་གི་རྒྱལ་ཁབ་བདེ་སྲུང་གཙོ་འགན་འཁུར་མཁན་སྡེ་ཚན་གྱིས་རྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར་གསང་མྱུལ་གྱི་ཆེད་སྤྱོད་ཡོ་བྱད་གང་ཞིག་ཡིན་མིན་གཏན་འཁེལ་བྱེད་དགོས།དོན་ཚན་ཉེར་དྲུག་པ།མི་སྒེར་དང་རྩ་འཛུགས་གང་རུང་ཚང་མས་རྒྱལ་ཁབ་བདེ་སྲུང་ལས་ཁུངས་དང་དེའི་ལས་དོན་མི་སྣས་འགན་དབང་ལས་བརྒལ་བ་དང་།འགན་དབང་གང་བྱུང་དུ་སྤྱོད་པ།ཁྲིམས་འགལ་བྱ་སྤྱོད་གཞན་དག་བཅས་ཡོད་རིགས་ལ་གོང་རིམ་རྒྱལ་ཁབ་བདེ་སྲུང་ལས་ཁུངས་སམ་ཡང་ན་འབྲེལ་ཡོད་སྡེ་ཚན་ལ་ཉེས་འདོན་ཐེར་འཛུགས་བྱེད་དབང་ཡོད།ཉེས་འདོན་ཐེར་འཛུགས་བདག་སྤྲོད་བྱེད་མཁན་རྒྱལ་ཁབ་བདེ་སྲུང་ལས་ཁུངས་སམ་ཡང་ན་འབྲེལ་ཡོད་སྡེ་ཚན་གྱིས་དུས་ཐོག་ཏུ་དངོས་དོན་ཞིབ་རྩད་བྱས་ཏེ་ཐག་གཅོད་བྱེད་དགོས་པ་མ་ཟད།ཐག་གཅོད་བྱས་འབྲས་དེ་ཉེས་འདོན་ཐེར་འཛུགས་བྱེད་མཁན་ལ་ཤོད་དགོས།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་སྒྲུབ་རོགས་བྱེད་པའམ་ཡང་ན་ཁྲིམས་ལྟར་ཉེས་འདོན་ཐེར་འཛུགས་བྱེད་མཁན་གྱི་མི་སྒེར་དང་རྩ་འཛུགས་ལ་མི་སྒེར་དང་རྩ་འཛུགས་སུས་ཀྱང་བཙན་གནོན་དང་རྡུང་རྡེག་འཁོན་ལན་སློག་མི་ཆོག

ལེའུ་བཞི་པ།བཅའ་ཁྲིམས་ཀྱི་འགན་འཁྲི།

དོན་ཚན་ཉེར་བདུན་པ།རྒྱལ་ཁོངས་ཕྱི་རོལ་གྱི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་རང་ངོས་ནས་གསང་མྱུལ་གྱི་བྱ་སྤྱོད་སྤེལ་བའམ་ཡང་ན་མི་གཞན་ལ་ངན་སྐུལ་དང་རོགས་དངུལ་སྤྲད་དེ་གསང་མྱུལ་གྱི་བྱ་སྤྱོད་སྤེལ་དུ་བཅུག་པ་དང་།ཡང་ན་རྒྱལ་ནང་གི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་རྒྱལ་ཁོངས་ཕྱི་རོལ་གྱི་ལས་ཁུངས་དང་།རྩ་འཛུགས།མི་སྒེར་བཅས་དང་ངན་པ་ལག་སྦྲེལ་གྱིས་གསང་མྱུལ་གྱི་བྱ་སྤྱོད་གང་ཞིག་ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ།གསང་མྱུལ་གྱི་བྱས་ཉེས་བསགས་ཀྱང་རང་ཉེས་རང་ཞུ་བྱེད་པའམ་ཡང་ན་བྱས་རྗེས་འཇོག་མཁན་ལ་ཉེས་ཆད་ཆག་ཡང་ངམ་ཡང་བཟོས་སམ་ཡང་ན་རྩ་ཡང་གཏོང་རྒྱུ།བྱས་རྗེས་ཆེན་པོ་འཇོག་མཁན་ལ་བྱ་དགའ་སྤྲོད་རྒྱུ།

དོན་ཚན་ཉེར་བརྒྱད་པ།རྒྱལ་ཁོངས་ཕྱི་རོལ་ཏུ་མི་གཞན་གྱི་བཙན་སྐུལ་ལམ་ཡང་ན་བསླུ་བྲིད་མགོ་སྐོར་ཐེབས་ནས་དགྲ་བོའི་སྒྲིག་འཛུགས་དང་གསང་མྱུལ་སྒྲིག་འཛུགས་ནང་ཞུགས་ཏེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་བདེ་འཇགས་ལ་གནོད་པའི་བྱེད་སྒོ་སྤེལ་ཡོད་ཀྱང་།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཕྱིར་སྡོད་ལས་ཁུངས་ལ་དུས་ཐོག་ཏུ་གནས་ཚུལ་ཇི་མ་ཇི་བཞིན་ཞུ་མཁན་དང་།ཡང་ན་རྒྱལ་ནང་དུ་ལོག་རྗེས་ཐད་ཀར་རམ་ཡང་ན་རང་ཉིད་གནས་སའི་ཚན་པ་བརྒྱུད་ནས་རྒྱལ་ཁབ་བདེ་སྲུང་ལས་ཁུངས་སམ་ཡང་ན་སྤྱི་བདེ་ལས་ཁུངས་ལ་གནས་ཚུལ་ཇི་མ་ཇི་བཞིན་ཞུས་པ་མ་ཟད་འགྱོད་བཤགས་རྣམ་འགྱུར་ཡོད་མཁན་ལ་འགན་འཁྲི་བདའ་འདེད་མ་བཏང་ན་འགྲིག

དོན་ཚན་ཉེར་དགུ་པ།རྒྱལ་ཁབ་བདེ་སྲུང་ལས་ཁུངས་ནས་འབྲེལ་ཡོད་གནས་ཚུལ་བརྟག་དཔྱད་དང་འབྲེལ་ཡོད་ཀྱི་དཔང་རྟགས་འཚོལ་བསྡུ་བྱེད་སྐབས།གསང་མྱུལ་གྱི་ཉེས་གསོག་བྱ་སྤྱོད་ཡོད་པ་གསལ་པོ་ཤེས་མཁན་གྱིས་གནས་ཚུལ་མ་བཤད་ཚེ།དེ་གནས་སའི་ཚན་པའམ་ཡང་ན་གོང་རིམ་གཙོ་འགན་འཁུར་མཁན་སྡེ་ཚན་གྱིས་དེར་ཆད་པ་འགེལ་རྒྱུ་དང་།ཡང་ན་རྒྱལ་ཁབ་བདེ་སྲུང་ལས་ཁུངས་ཀྱིས་དེར་སྲིད་འཛིན་བཀག་ཉར་ཉིན་བཅོ་ལྔ་མན་བྱ་རྒྱུ།ཉེས་གསོག་གི་ཚད་ལ་སླེབས་ཡོད་ཚེ་ཁྲིམས་ལྟར་ཉེས་དོན་གྱི་འགན་འཁྲི་བདའ་འདེད་གཏོང་རྒྱུ།

དོན་ཚན་སུམ་ཅུ་པ།དྲག་ཤུགས་དང་འཇིགས་སྐུལ་ལ་བརྟེན་ནས་རྒྱལ་ཁབ་བདེ་སྲུང་ལས་ཁུངས་ཀྱིས་ཁྲིམས་ལྟར་ལས་འགན་སྒྲུབ་པར་འགོག་རྐྱེན་བཟོས་ཚེ།ཁྲིམས་ལྟར་ཉེས་དོན་གྱི་འགན་འཁྲི་བདའ་འདེད་གཏོང་རྒྱུ།རྒྱལ་ཁབ་བདེ་སྲུང་ལས་ཁུངས་ཀྱིས་ཁྲིམས་ལྟར་ལས་འགན་སྒྲུབ་པར་མི་གཞན་གྱིས་རྐང་བཙུགས་ནས་འགོག་རྐྱེན་བཟོས་པ་སྟེ་དྲག་ཐབས་དང་འཇིགས་སྐུལ་བྱས་མེད་ཀྱང་མཇུག་འབྲས་ཚབས་ཆེན་བཟོས་ཚེ་ཁྲིམས་ལྟར་ཉེས་དོན་གྱི་འགན་འཁྲི་བདའ་འདེད་གཏོང་རྒྱུ་དང་།གནས་ཚུལ་ཚབས་ཆུང་རིགས་ལ་རྒྱལ་ཁབ་བདེ་སྲུང་ལས་ཁུངས་ནས་སྲིད་འཛིན་བཀག་ཉར་ཉིན་བཅོ་ལྔ་མན་བྱ་རྒྱུ།

དོན་ཚན་སོ་གཅིག་པ།གསང་མྱུལ་ལ་འགོག་རྒོལ་བྱེད་པའི་ལས་དོན་དང་འབྲེལ་བ་ཡོད་པའི་རྒྱལ་ཁབ་གསང་དོན་ཕྱི་གྱར་བྱས་ན་རྒྱལ་ཁབ་བདེ་སྲུང་ལས་ཁུངས་ནས་སྲིད་འཛིན་བཀག་ཉར་ཉིན་བཅོ་ལྔ་མན་བྱ་རྒྱུ་དང་།ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ།

དོན་ཚན་སོ་གཉིས་པ།རྒྱལ་ཁབ་ཀྱི་གསང་དོན་ཁོངས་སུ་གཏོགས་པའི་ཡིག་ཆ་དང་།དཔྱད་ཡིགདངོས་རྫས་གཞན་དག་བཅས་ཁྲིམས་འགལ་གྱིས་བདག་བཟུང་བྱེད་མཁན་དང་།དེ་བཞིན་གསང་མྱུལ་གྱི་ཆེད་སྤྱོད་ཡོ་བྱད་ཁྲིམས་འགལ་གྱིས་བདག་བཟུང་དང་བེད་སྤྱོད་བྱེད་མཁན་ལ་རྒྱལ་ཁབ་བདེ་སྲུང་ལས་ཁུངས་ཀྱིས་ཁྲིམས་ལྟར་དེའི་ལུས་པོ་དང་།དངོས་རྫས།སྡོད་གནས།འབྲེལ་ཡོད་ཀྱི་ས་ཆ་གཞན་དག་བཅས་ལ་སྔོག་བཤེར་བྱས་ཆོགཁྲིམས་འགལ་གྱིས་བདག་བཟུང་བྱས་པའི་རྒྱལ་ཁབ་ཀྱི་གསང་དོན་ཁོངས་སུ་གཏོགས་པའི་ཡིག་ཆ་དང་།དཔྱད་ཡིགདངོས་རྫས་གཞན་དགདེ་བཞིན་ཁྲིམས་འགལ་གྱིས་བདག་བཟུང་དང་བེད་སྤྱོད་བྱས་པའི་གསང་མྱུལ་གྱི་ཆེད་སྤྱོད་ཡོ་བྱད་རྣམས་གཞུང་བཞེས་གཏོང་རྒྱུ།རྒྱལ་ཁབ་ཀྱི་གསང་དོན་ཁོངས་སུ་གཏོགས་པའི་ཡིག་ཆ་དང་།དཔྱད་ཡིགདངོས་རྫས་གཞན་དག་བཅས་ཁྲིམས་འགལ་གྱིས་བདག་བཟུང་བྱས་ཏེ་ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ་དང་།ཉེས་གསོག་གི་ཚད་ལ་མ་སླེབས་པའི་རིགས་ལ་རྒྱལ་ཁབ་བདེ་སྲུང་ལས་ཁུངས་ནས་ཐ་ཚིག་སྒྲོག་པའམ་ཡང་ན་སྲིད་འཛིན་བཀག་ཉར་ཉིན་བཅོ་ལྔ་མན་བྱ་རྒྱུ།

དོན་ཚན་སོ་གསུམ་པ།རྒྱལ་ཁབ་བདེ་སྲུང་ལས་ཁུངས་ཀྱིས་ཁྲིམས་ལྟར་སྒོ་ཐེལ་བརྒྱབ་པ་དང་།བཙན་ཉར་དང་བཀག་སྐྱིལ་བྱས་པའི་རྒྱུ་ནོར་རྣམས་སྦས་སྐུང་དང་།གཞན་སྒྱུར།འཚོང་སྒྱུར།གཏོར་སྐྱོན་བཅས་བྱས་པ་དང་།ཡང་ན་གསང་མྱུལ་བྱེད་སྒོའི་གྱོད་དང་འབྲེལ་བའི་རྒྱུ་ནོར་ཡིན་པ་ཤེས་བཞིན་དུ་ད་དུང་སྦས་སྐུང་དང་།གཞན་སྒྱུར།ཉོ་སྒྲུབ།ཚབ་འཚོང་ངམ་ཡང་ན་བྱ་ཐབས་གཞན་གྱི་ཐོག་ནས་འགེབས་སྲུང་དང་སྦ་གསང་བྱས་པའི་དངོས་རིགས།རྒྱལ་ཁབ་བདེ་སྲུང་ལས་ཁུངས་ནས་ཚུར་ལེན་བྱ་རྒྱུ།ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་གྱི་འགན་འཁྲི་བདའ་འདེད་གཏོང་རྒྱུ།

དོན་ཚན་སོ་བཞི་པ།རྒྱལ་ཁོངས་ཕྱི་རོལ་གྱི་མི་སྣས་བཅའ་ཁྲིམས་འདི་དང་འགལ་ཚེ།ཀྲུང་གོའི་ས་ཁོངས་ནས་དུས་བཀག་ལྟར་ཁ་བྲལ་དུ་འཇུག་པའམ་ཡང་ན་མཐར་སྐྲོད་གཏོང་རྒྱུ།

དོན་ཚན་སོ་ལྔ་པ།སྲིད་འཛིན་བཀག་ཉར་གྱི་ཆད་གཅོད་གཏན་འབེབས་དང་སྲིད་འཛིན་བཙན་འདོམས་བྱ་ཐབས་ཀྱི་གཏན་འབེབས་ལ་དོ་བདག་གིས་ཡིད་མ་རངས་ཚེ།ཁྲིམས་གཅོད་ཆོད་ཡིག་ལག་འབྱོར་བྱུང་ཉིན་ནས་བཟུང་ཉིན་དྲུག་བཅུའི་ནང་ཚུན་དུ་ཐག་གཅོད་བྱེད་མཁན་གོང་རིམ་ལས་ཁུངས་ལ་བསྐྱར་གྲོས་ཡོང་རེ་ཞུས་ཆོགབསྐྱར་གྲོས་བྱས་པའི་གཏན་འབེབས་ལ་ད་དུང་ཡིད་མ་རངས་ཚེ།བསྐྱར་གྲོས་ཆོད་ཡིག་ལག་འབྱོར་བྱུང་ཉིན་ནས་བཟུང་ཉིན་བཅོ་ལྔའི་ནང་ཚུན་དུ་མི་དམངས་ཁྲིམས་ཁང་ལ་ཞུ་གཏུག་བྱས་ཆོག

དོན་ཚན་སོ་དྲུག་པ།བཅའ་ཁྲིམས་འདིའི་གཏན་འབེབས་ལྟར་སྒོ་ཐེལ་བརྒྱབ་པ་དང་།བཙན་ཉར་དང་བཀག་སྐྱིལ་བྱས་པའི་རྒྱུ་ནོར་རྣམས་ལ་རྒྱལ་ཁབ་བདེ་སྲུང་ལས་ཁུངས་ཀྱིས་ངེས་པར་དུ་ཉར་འཇོག་ཡག་པོ་བྱེད་དགོས་པ་མ་ཟད།གཤམ་གསལ་གནས་ཚུལ་ལ་གཞིགས་ཏེ་ཁག་སོ་སོར་ཐག་གཅོད་བྱེད་དགོས་པ་སྟེ།(གཅིག) ཉེས་གསོག་གི་དོགས་གཞི་ཡོད་རིགས་ལ་ཉེས་དོན་གཏུག་བཤེར་བཅའ་ཁྲིམས་ཀྱི་གཏན་འབེབས་བཞིན་ཐག་གཅོད་བྱ་རྒྱུ།(གཉིས)ཉེས་གསོག་གི་ཚད་ལ་མ་སླེབས་ཀྱང་ཁྲིམས་འགལ་གྱི་བྱ་བ་ཡོད་ལ་ཁྲིམས་བཞིན་གཞུང་བཞེས་གཏོང་དགོས་རིགས་ཡིན་ཕྱིན་ངེས་པར་དུ་གཞུང་བཞེས་གཏོང་དགོས་པ་དང་།ཁྲིམས་བཞིན་མེད་པ་བཟོ་དགོས་རིགས་ངེས་པར་དུ་མེད་པ་བཟོ་དགོས།(གསུམ)ཁྲིམས་འགལ་གྱི་བྱ་བ་མེད་པའམ་ཡང་ན་གྱོད་གཞི་དང་འབྲེལ་བ་མེད་རིགས་ལ་ངེས་པར་དུ་དེའི་སྒོ་ཐེལ་བཀྲོལ་བའམ།བཙན་ཉར་དང་བཀག་སྐྱིལ་གློད་པ་མ་ཟད།འབྲེལ་ཡོད་ཀྱི་རྒྱུ་ནོར་དུས་ཐོག་ཏུ་ཕྱིར་སློག་བྱེད་དགོས།གྱོང་གུན་བཟོས་རིགས་ལ་ངེས་པར་དུ་ཁྲིམས་བཞིན་གུན་གསབ་བྱེད་དགོས།རྒྱལ་ཁབ་བདེ་སྲུང་ལས་ཁུངས་ཀྱིས་གཞུང་བཞེས་བཏང་བའི་རྒྱུ་ནོར་ཚང་མ་རྒྱལ་མཛོད་ལ་རྩིས་སྤྲོད་བྱ་རྒྱུ།

དོན་ཚན་སོ་བདུན་པ།རྒྱལ་ཁབ་བདེ་སྲུང་ལས་ཁུངས་ཀྱི་ལས་དོན་མི་སྣས་འགན་དབང་གང་བྱུང་དུ་སྤྱོད་པ་དང་།རང་འགན་སྣང་མེད་དུ་འཇོག་པ།ཉེ་ཕྱོགས་གཡོ་ཟོལ་བཅས་བྱས་པ་གང་ཞིག་ཉེས་གསོག་གི་ཚད་ལ་སླེབས་པ་དང་།ཡང་ན་ཁྲིམས་འགལ་གྱིས་བཀག་ཉར་བྱེད་པ་དང་།ཚ་འདྲི་ངོས་ལེན་ཞུ་རུ་འཇུག་པ།དཔང་རྟགས་བཙན་ལེན།ཡང་ན་གཏན་འབེབས་ལས་འགལ་ཏེ་རྒྱལ་ཁབ་ཀྱི་གསང་བ་དང་།ཚོང་ལས་ཀྱི་གསང་བ།མི་སྒེར་གྱི་གསང་བ་ཕྱི་གྱར་བྱས་པ་སོགས་ཀྱི་བྱ་སྤྱོད་ཉེས་གསོག་གི་ཚད་ལ་སླེབས་པ་ཡིན་ཕྱིན་དེར་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ།

ལེའུ་ལྔ་པ།ཞར་བྱུང་།

དོན་ཚན་སོ་བརྒྱད་པ།བཅའ་ཁྲིམས་འདིར་བརྗོད་པའི་གསང་མྱུལ་གྱི་བྱ་སྤྱོད་ཅེས་པ་ནི་གཤམ་གསལ་གྱི་བྱ་སྤྱོད་ལ་ཟེར་བ་སྟེ།(གཅིག) གསང་མྱུལ་སྒྲིག་འཛུགས་དང་དེའི་ལས་ཚབ་པས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་བདེ་འཇགས་ལ་གནོད་པའི་བྱ་སྤྱོད་སྤེལ་བའམ་ཡང་ན་ངན་སྐུལ་དང་རོགས་དངུལ་སྤྲད་དེ་མི་གཞན་ལ་སྤེལ་དུ་བཅུག་པའི་བྱ་སྤྱོད་དང་།ཡང་ན་རྒྱལ་ཁོངས་ཕྱི་ནང་གི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་དེ་དང་ངན་པ་ལག་སྦྲེལ་གྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་བདེ་འཇགས་ལ་གནོད་པའི་བྱ་སྤྱོད་རིགས་དང་།(གཉིས) གསང་མྱུལ་གྱི་སྒྲིག་འཛུགས་ནང་ཞུགས་པའམ་གསང་མྱུལ་གྱི་སྒྲིག་འཛུགས་དང་དེའི་ལས་ཚབ་ཀྱིས་སྤྲད་པའི་ལས་འགན་དང་དུ་བླངས་པའི་བྱ་སྤྱོད་རིགས།(གསུམ) གསང་མྱུལ་གྱི་སྒྲིག་འཛུགས་དང་དེའི་ལས་ཚབ་པ་ཕུད་པའི་དེ་མིན་གྱི་རྒྱལ་ཁོངས་ཕྱི་རོལ་གྱི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་རང་ངོས་ནས་རྒྱལ་ཁབ་ཀྱི་གསང་བའམ་གསང་འཕྲིན་རྐུ་འཁྱེར་དང་།མྱུལ་ཞིབ།བསྡུ་ཉོ་བཅས་བྱས་པ་དང་།ཡང་ན་རྒྱལ་ཁབ་ཀྱི་ལས་དོན་མི་སྣར་ངོ་ལོག་བྱ་རྒྱུའི་ངན་སྐུལ་དང་།བསླུ་བྲིད།རྔན་བསླུ་བཅས་བྱས་པ་དང་ཡང་ན་མི་གཞན་ལ་ངན་སྐུལ་དང་རོགས་དངུལ་སྤྲད་དེ་བྱ་སྤྱོད་སྤེལ་དུ་འཇུག་པའི་རིགས།གཞན་ཡང་རྒྱལ་ནང་གི་ལས་ཁུངས་དང་།རྩ་འཛུགས།མི་སྒེར་བཅས་ཀྱིས་དེ་དང་ངན་པ་ལག་སྦྲེལ་གྱིས་རྒྱལ་ཁབ་ཀྱི་གསང་བའམ་ཡང་ན་གསང་འཕྲིན་རྐུ་འཁྱེར་དང་།མྱུལ་ཞིབ།བསྡུ་ཉོ་བྱས་པ་དང་ཡང་ན་རྒྱལ་ཁབ་ཀྱི་ལས་དོན་མི་སྣར་ངོ་ལོག་བྱ་རྒྱུའི་ངན་སྐུལ་དང་།བསླུ་བྲིད།རྔན་བསླུ་བཅས་བྱས་པའི་བྱ་སྤྱོད་རིགས།(བཞི)དགྲ་བོར་ཚུར་རྒོལ་དམིགས་ཡུལ་གསལ་སྟོན་བྱེད་རིགས།(ལྔ)གསང་མྱུལ་གྱི་བྱེད་སྒོ་གཞན་དག་སྤེལ་རིགས་བཅས་སོ།

དོན་ཚན་སོ་དགུ་པ།རྒྱལ་ཁབ་བདེ་སྲུང་ལས་ཁུངས་དང་སྤྱི་བདེ་ལས་ཁུངས་ཀྱིས་བཅའ་ཁྲིམས་དང་།སྲིད་འཛིན་ཁྲིམས་སྲོལ།རྒྱལ་ཁབ་ཀྱི་འབྲེལ་ཡོད་གཏན་འབེབས་བཅས་གཞིར་བཟུང་།གསང་མྱུལ་གྱི་བྱ་སྤྱོད་ཕུད་པའི་དེ་མིན་གྱི་རྒྱལ་ཁབ་བདེ་འཇགས་ལ་གནོད་པའི་བྱ་སྤྱོད་ལ་དོགས་ཟོན་དང་།བཀག་འགོགཆད་གཅོད་བཅས་བྱ་རྒྱུའི་འགན་འཁྲི་སྒྲུབ་རིགས་ལ་ཁྲིམས་འདིའི་འབྲེལ་ཡོད་གཏན་འབེབས་སྤྱད་ན་འཐུས།

དོན་ཚན་བཞི་བཅུ་པ།བཅའ་ཁྲིམས་འདི་ཡོངས་བསྒྲགས་བྱས་ཉིན་ནས་བཟུང་ལག་བསྟར་བྱ་རྒྱུ།1993ལོའི་ཟླ་2ཚེས་22ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བདུན་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་སུམ་ཅུ་པའི་ཐོག་གྲོས་འཆམ་བྱུང་བའི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་བདེ་སྲུང་སྐོར་གྱི་བཅའ་ཁྲིམས》དེ་དུས་མཚུངས་སུ་རྩིས་མེད་གཏོང་རྒྱུ།