འདི་ནི་རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། ནག་ཆུ་གྲོང་ཨུད་ཀྱི་ཧྲུའུ་ཅི་གཞོན་པ། ཧྲི་ཀྲང་བཅས་ཡིན་པའི་བཀྲ་ཤིས་རྡོ་རྗེ་ཡིན་པ།

རང་སྐྱོང་ལྗོངས་ཀྱི་ཚོགས་འདུ་གཉིས་རིང་། རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། ནག་ཆུ་གྲོང་ཨུད་ཀྱི་ཧྲུའུ་ཅི་གཞོན་པ། ཧྲི་ཀྲང་བཅས་ཡིན་པའི་བཀྲ་ཤིས་རྡོ་རྗེས་འདི་ག་ཚགས་པར་གྱི་གསར་འགོད་པའི་ཆེད་དོན་བཅར་འདྲི་དང་ལེན་གནང་བ་རེད།

བཀྲ་ཤིས་རྡོ་རྗེས་གསུངས་དོན། 2025ལོར་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་ངོ་མས་བོད་དུ་གཟིགས་ཞིབ་གནང་བའི་རླབས་ཆེན་གྱི་གཟི་བརྗིད་འོག གྲོང་ཁྱེར་ཡོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཚོས་དྲིན་ཚོར་འབད་འབུངས་དང་འབད་འཐབ་ཧུར་ཐག་གྱིས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཡར་རྒྱས་གསར་པ་ཡོང་བར་སྐུལ་འདེད་བཏང་ནས་དཀའ་ངལ་ཁྲོད་གྲུབ་འབྲས་ཐོབ་པའི་རྒྱུགས་ལན་ཕུལ་བ་སྟེ། ལོ་འཁོར་མོར་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་7%འཕར་བ་དང་། གཏན་འཇགས་རྒྱུ་ནོར་ལ་མ་དངུལ་གཏོང་ཚད་24%འཕར་བ། སྤྱི་ཚོགས་ཀྱི་འཛད་རྫས་སིལ་ཚོང་བསྡོམས་འབོར་5%འཕར་བ། གཞི་ཁྱོན་ཡན་གྱི་བཟོ་ལས་ཀྱི་འཕར་ཐང་19.2%འཕར་བ། གྲོང་ཁྱེར་དང་གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་5.7%དང་7.4%སོ་སོར་འཕར་ཡོད།

བཀྲ་ཤིས་རྡོ་རྗེས། “ལོ་ལྔ་ཚན་བཅོ་ལྔ་པའི”འགོ་ཚུགས་ལོར་ང་ཚོས་ཡང་དག་པའི་སྲིད་དོན་ལས་རྗེས་ཀྱི་ལྟ་བ་སྔར་བས་འཛུགས་པ་དང་ལག་ལེན་བསྟར་བ་དང་། དམིགས་ཚད་གཏན་འཁེལ་བྱ་རྒྱུར་ལྷོད་གཡེང་མི་གཏོང་བ། དཔའ་ངར་ཆེར་སྐྱེད་ཀྱིས“ས་བབ་མཐོ་ཤོས་དང་། ཏང་གཤིས་ནན་ཤོས། ལས་སྒྲུབ་ལེགས་ཤོས”བཅས་ཀྱི་བསམ་བློའི་འཁྱེར་སོ་རྒྱུན་འཁྱོངས་བྱས་ཏེ་རྒྱལ་ཁབ་ཀྱི་བདེ་འཇགས་དང་སྐྱེ་ཁམས་བདེ་འཇགས་ཀྱི་སྲུང་བཅད་གཉིས་བརྟན་དུ་གཏོང་བ་དང་། མ་འཇོག་སྐུལ་ཁྲིད་དང་། ཐོན་ལས་འཕེལ་རྒྱས། འཛད་སྤྱོད་སྐུལ་གཏོང་བཅས་མི་མངོན་པའི་སྟོབས་ཤུགས་གསུམ་སྔོག་འདོན་གཏིང་ཟབ་བྱེད་པ། སྒྱུར་བཅོས་སྒོ་དབྱེ་དང་། གྲོང་ཁྱེར་གསར་སྒྱུར། གྲོང་གསེབ་དར་རྒྱས་བཅས་ཀྱི་སྒུལ་ཤུགས་ཆེན་པོ་གསུམ་ཆེ་རུ་གཏོང་བ། དམངས་འཚོ་འགན་ལེན་དང་རང་ངོས་འཛུགས་སྐྱོང་གི་ཆུ་ཚད་གཉིས་མཐོ་རུ་གཏོང་བ་བཅས་བྱས་ནས“འགོ་འཛུགས་བཀྲ་ཤིས་ཡོང་བ”ཧུར་ཐག་བྱེད་ཀྱི་ཡིན་ཞེས་གསུངས་པ་རེད།