རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་ཚེ་རིང་བུ་ཁྲིད་ཀྱིས་གསུངས་དོན།
“དངོས་སྒྲུབ་ཀྱི་རྒྱུགས་ལན”ལ་བརྟེན་ནས་སྤྱི་ཁྱབ་ཧྲུའུ་ཅིའི་ཐུགས་བརྩེ་ཟབ་མོར་དྲིན་ལན་འཇལ་དགོས།
2025ལོའི་ཟླ་6པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཉིང་ཁྲི་གྲོང་ཁྱེར་བྲག་ཡིབ་ཆུས་ཉིང་ཁྲི་གྲོང་རྡལ་ཀ་ལ་གྲོང་ཚོའི་ཡུལ་མི་ཡོངས་ལ་འཕྲིན་ལན་སྤྲིངས་པ་ལས་ཀ་ལ་གྲོང་ཚོའི་ཡུལ་མི་ཚོར་ཐུགས་ཁུར་ཟབ་མོ་ཚོར་བ་མ་ཟད། ལྗོངས་ཡོངས་ཀྱི་ལས་བྱེད་པ་དང་མང་ཚོགས་ལའང་སྐུལ་ལྕག་ཆེན་པོ་ཐེབས་ནས་ངར་ཤུགས་ལྡབ་འཕེལ་བྱུང་ཡོད་པས། ཚང་མས་རྡོག་རྩ་གཅིག་ཏུ་བསྒྲིལ་ཏེ་ལས་རྗེས་དངོས་དང་མཐོང་ཐུབ་པའི་ཕན་འབྲས་ལ་བརྟེན་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཐུགས་བརྩེ་ཟབ་མོར་དྲིན་ལན་འཇལ་གྱི་ཡོད།
“སྤྱི་ཁྱབ་ཧྲུའུ་ཅིས་ཀ་ལ་གྲོང་ཚོའི་ཡུལ་མི་ཡོངས་ལ་སྤྲིངས་པའི་འཕྲིན་ལན་གལ་ཆེན་ནི་ཀ་ལ་གྲོང་ཚོ་ཁོ་ནར་ཐུགས་ཁུར་གནང་བ་ཙམ་མ་ཡིན་པར། ལྗོངས་ཡོངས་ཀྱི་ལས་བྱེད་པ་དང་མང་ཚོགས་ལ་བཅངས་པའི་ཐུགས་ཁུར་དང་མངགས་བཅོལ་ཟབ་མོའང་ཡིན་པས། ང་ཚོ་ཡང‘འཕྲིན་ཡིག་བསྐུར་ཡུལ’ཡིན”ཞེས་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་འཐུས་མི་དང་ཉིང་ཁྲི་གྲོང་ཁྱེར་མེ་ཏོག་རྫོང་བདེ་ཞིང་ཤང་ཝན་ལང་གྲོང་ཚོའི་ཏང་ཀྲི་པུའི་ཧྲུའུ་ཅི་དང་གྲོང་ཚོ་ཨུ་ལྷན་གྱི་ཀྲུའུ་རེན་ཚེ་རིང་བུ་ཁྲིད་ཀྱིས་ཉིང་ཁྲི་གྲོང་ཁྱེར་གྱི་ལས་བྱེད་པ་དང་མང་ཚོགས་ཀྱི་སྙིང་གཏམ་བརྗོད་པ་དང་། ཁོང་གིས“ང་ཚོའི་གྲོང་ཚོར་ཁམ་བུའི་མེ་ཏོག་མེད་མོད། འོན་ཀྱང་དཔྱིད་ཀྱི་དུས་སུ་སྔོ་ལྗང་ཇ་ལོ་དང་ཞིམ་མངར་ཞུ་མཁན་ཡོད་པས། ཕྱུག་འགྱུར་ལམ་དུ་སྐྱོད་ཐུབ་ཡོད”ཅེས་དགོད་བཞིན་དུ་བརྗོད།
ད་ལྟའི་ཝན་ལང་གྲོང་ཚོར། ཇ་ཞིང་ནང་ཇ་ཤིང་དང་ཞུ་མཁན་གྲལ་སྟར་འགྲིག་པོས་གནས་པ་དེ་ནི་ཉེ་བའི་ལོ་ཤས་རིང་མེ་ཏོག་རྫོང་གིས“ས་ཆ་གཅིག་ནས་འབྲས་བུ་གཉིས་བསྡུ་བའི”ཇ་དང་ཤིང་འབྲས་སྣོལ་འདེབས་བྱེད་སྟངས་ཁྱབ་གདལ་ཤུགས་ཆེན་བཏང་བའི་གསོན་ཉམས་ལྡན་པའི་གྲུབ་འབྲས་ཤིག་རེད། འདེབས་འཛུགས་བྱེད་སྟངས་དེ་ལས་ས་གནས་དེ་གའི་ས་ཆ་སྤྱོད་ཚད་མཐོ་རུ་ཕྱིན་པ་མ་ཟད། ད་དུང་ས་རྒྱུའི་གཤིན་ཚད་རང་བྱུང་སླར་གསོར་ཡང་སྐུལ་འདེད་ཐེབས་ནས། དཔལ་འབྱོར་དང་སྐྱེ་ཁམས་གཉིས་ཀར་གཡུར་ཟའི་གྲུབ་འབྲས་ཐོབ་ཡོད་པ་རེད།
འབྲེལ་ཡོད་གསར་འགྱུར།