-
གོ་སྐབས་དམ་པོར་འཛིན། བབ་བསྟུན་མདུན་སྐྱོད་བྱེད།
རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། ཉིང་ཁྲི་གྲོང་ཨུད་ཀྱི་ཧྲུའུ་ཅི་གཞོན་པ། ཧྲི་ཀྲང་བཅས་ཡིན་པའི་དཔའ་དར་ལ་བཅར་འདྲི་ཞུས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2026-02-03
འདི་ནི་རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། ཉིང་ཁྲི་གྲོང་ཨུད་ཀྱི་ཧྲུའུ་ཅི་གཞོན་པ། ཧྲི་ཀྲང་བཅས་ཡིན་པའི་དཔའ་དར་ཡིན་པ།
རང་སྐྱོང་ལྗོངས་ཀྱི་ཚོགས་འདུ་གཉིས་ཀྱི་ཐོག་གསར་འགོད་པས་རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། ཉིང་ཁྲི་གྲོང་ཨུད་ཀྱི་ཧྲུའུ་ཅི་གཞོན་པ། ཧྲི་ཀྲང་བཅས་ཡིན་པའི་དཔའ་དར་ལ་བཅར་འདྲི་ཞུས་པ་ཡིན།
དཔའ་དར་གྱིས་འདས་མ་ཐག་པའི་2025ལོ་ནི“ལོ་ལྔ་ཚན་བཅུ་བཞི་པའི”འཆར་འགོད་ཀྱི་མཇུག་བསྡུའི་ལོ་ཞིག་དང་ཉིང་ཁྲིའི་འཕེལ་རྒྱས་ལོ་རྒྱུས་ཐོག་གི་སྤྱིར་བཏང་གཏན་ནས་མིན་པ་དང་གཡུར་ཟའི་གྲུབ་འབྲས་ཐོབ་པའི་ལོ་ཞིག་རེད། སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་ངོ་མ་སླར་ཡང་བོད་དུ་གཟིགས་ཞིབ་གནང་བར་ཕེབས་པ་དང་། ཀ་ལ་གྲོང་ཚོའི་ཡུལ་མི་ཡོངས་ལ་འཕྲིན་ལན་སྤྲིངས་པ། ཡར་སྨད་ཆུ་གློག་ལས་གྲྭ་འཛུགས་སྐྲུན་བྱེད་འགོ་ཚུགས་པ། ཡར་གཙང་ཚོགས་པ་ཉིང་ཁྲིར་བཙུགས་པ། ཉིང་ཁྲིར་ལོ་རྒྱུས་འཕེལ་རྒྱས་ཀྱི་གོ་སྐབས་གལ་ཆེན་ཐོབ་སྟེ། སྤྱི་ཚོགས་རིང་ལུགས་དེང་རབས་ཅན་གྱི་ཉིང་ཁྲི་གསར་པ་ཕྱོགས་ཡོངས་ནས་འཛུགས་སྐྲུན་བྱེད་པའི་ཡིད་ཆེས་དང་གདེང་ཚོད་དེ་བས་ཆེ་རུ་ཕྱིན་ཡོད་གསུངས་པ་རེད།
དཔའ་དར་གྱིས་2026ལོ་ནི“ལོ་ལྔ་ཚན་བཅོ་ལྔ་པའི”འཆར་འགོད་ཀྱི་འགོ་འཛུགས་ལོ་རེད། ལོ་རྒྱུས་ཀྱི་འགོ་འཛུགས་ས་གསར་པར་ང་ཚོས་ཉིང་ཁྲིའི་དཔལ་འབྱོར་གྱི་འཕར་སྣེ་གསར་པ་གཏོད་པའི་འཕེལ་རྒྱས་ཀྱི་ངེས་གནས་ལ་དམིགས་ཏེ། ནང་མཁོའི་སྟོན་ཕྱོགས་མངོན་གསལ་དོད་དུ་བཏང་ནས་དཔལ་འབྱོར་འཕེལ་རྒྱས་ཀྱི་སྒུལ་ནུས་གསར་པ་གསོག་འཇོག་བྱ་རྒྱུ་དང་། ཐོན་ལས་ལ་སྐུལ་ཁྲིད་བྱ་ཚུལ་མངོན་གསལ་དོད་དུ་བཏང་ནས་ཐོན་སྐྱེད་ནུས་ཤུགས་གསར་མ་ནུས་ཤུགས་ཡོད་རྒུས་སྐྱེད་སྲིང་དང་འཕེལ་རྒྱས་གཏོང་གི་ཡིན་ཞེས་གསུངས།
འབྲེལ་ཡོད་གསར་འགྱུར།