འདི་ལོ་ཚུན་དུ། ལྷ་ས་གྲོང་ཁྱེར་ཁྲེང་ཀོན་ཆུས་དོག་སྡེ་ཁྲོམ་གཞུང་དངུལ་པར་གྲོང་ཚོའི་ཏང་སྤྱི་ཁྱབ་ཀྲི་པུས་ལྷ་ས་གྲོང་ཨུད་སྲིད་ཁྲིམས་ཨུ་ལྷན་གྱི་གྲོང་སྡོད་ལས་དོན་རུ་ཁག་དང་མཉམ་དུ་ཏང་འཛུགས་སྐྱོང་གིས་སྣེ་ཁྲིད་རྒྱུ་མཐའ་འཁྱོངས་བྱེད་པ་དང་། “དམིགས་ཚད་ཆེན་པོ་གསུམ”ལ་དམིགས་པ། “བཞི་ཅན་མཉམ་འདྲེས”མཐའ་འཁྱོངས་བྱེད་པ། “འདུ་འགོད་ཁག་ལྔ”ལག་བསྟར་བྱེད་པ། “ལྔ་ལྔ་ལས་དོན་སྒྲུབ་སྟངས”གཞིར་བཟུང་། གཞི་རིམ་བཅོས་སྐྱོང་གི་ནུས་ཕྱོད་རྒྱུན་མཐུད་མཐོར་གཏོང་ལ་སྐུལ་འདེད་ཟམ་མི་ཆད་པར་གཏོང་བ་དང་། གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ནུས་པ་ཆེ་རུ་གཏོང་རྒྱུར་ཤུགས་སྣོན་རྒྱག་པ། གཞི་རིམ་ཏང་རྩ་འཛུགས་ཀྱི་འཐབ་འཛིང་མཁར་རྫོང་གི་ནུས་པ་དང་ཏང་ཡོན་གྱི་གདོང་ལེན་དཔེ་བཟང་ནུས་པ་འདོན་སྤེལ་གང་ལེགས་བྱེད་པ། རང་སྐྱོང་རྨང་གཞིར་བྱེད་པ་དང་། ཁྲིམས་སྐྱོང་སྔོན་སྤེལ་བྱེད་པ། སྤྱོད་སྐྱོང་བླ་སྲོག་གཏོད་པ་བཅས“སྐྱོང་གསུམ་ཟུང་འབྲེལ”གྱི་གསེར་གྱི་ལྡེ་མིག་ཁོང་དུ་ཆུད་པར་བྱས་ཏེ། ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་སྣེ་ཁྲིད་བྱེད་པའི་ལམ་བུ་ཞིག་རིམ་བཞིན་བཏོད་ནས་གཞི་རིམ་འཕེལ་རྒྱས་ཀྱི་གསོན་ཤུགས་འཕེལ་བར་བྱས་ཡོད།

“ཏང་འཛུགས་སྐྱོང+དྲ་མིག”གིས་རྩ་འཛུགས་ཀྱི་མ་ལག་ཚགས་དམ་དུ་བཏང་བ།

དངུལ་པར་གྲོང་ཚོས་ཏང་འཛུགས་སྐྱོང་གི་སྣེ་ཁྲིད་མཐའ་འཁྱོངས་ཀྱིས་ཏང་འཛུགས་སྐྱོང་གི་ལས་ཀའི་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས་ཏང་སྤྱི་ཁྱབ་ཀྲི་པུའི་ཧྲུའུ་ཅིས་ཏང་འཛུགས་སྐྱོང་གི་འགན་འཁྲི་གཙོ་བོ་འཁུར་དུ་བཅུག་ཡོད། དངུལ་པར་གྲོང་ཚོས་ཟླ་རེར་ཏང་འཛུགས་སྐྱོང་ལས་དོན་གྱི་ཆེད་དོན་ཞིབ་འཇུག་བཀོད་སྒྲིག་ཚོགས་འདུ་འཚོགས་ནས་མིག་སྔའི་ཏང་འཛུགས་སྐྱོང་ལས་དོན་གྱི་གཙོ་གནད་དང་དཀའ་གནད་ལ་ཞིབ་འཇུག་དང་དབྱེ་ཞིབ་བྱས་ཡོད། མིག་སྔའི་བར། ཆེད་དོན་ཞིབ་འཇུག་ཚོགས་འདུ་ཐེངས་4འཚོགས་ནས་དོན་ཚན་9ལ་ཞིབ་འཇུག་ཐག་གཅོད་བྱས་པས། ཏང་རྩ་འཛུགས་ཀྱིས“ཁ་ཕྱོགས་སྟངས་འཛིན་དང་། ཁྱོན་ཡོངས་ལ་དོ་དམ། དོན་ཆེན་ཇུས་འགོད། འགག་རྩར་དམ་འཛིན”བཅས་ཀྱི་ལྟེ་བའི་ནུས་པ་འདོན་སྤེལ་གང་ལེགས་ཐུབ་ཡོད།

“དྲ་མིག+ཁྲིམས་སྐྱོང་འཛུགས་སྐྱོང”ལས་སྤུས་ཚད་མཐོ་བའི་ཞབས་ཞུ་མངོན་འགྱུར་བྱུང་བ།

གཞི་རིམ་བཅོས་སྐྱོང་གི་དབང་རྩའི་སྣེ་མོ་ལྟ་བུ་ཡིན་པའི་སྡེ་ཁུལ་གྱི་བཅོས་སྐྱོང་ཕན་འབྲས་དེ་གྲོང་མིའི་འཚོ་བའི་སྤུས་ཚད་དང་སྤྱི་ཚོགས་ཞི་མཐུན་བརྟན་ལྷིང་དང་ཐད་ཀར་འབྲེལ་བ་དམ་ཟབ་ཡོད། 2024ལོར་དངུལ་པར་གྲོང་ཚོས་སྤྱི་ཚོགས་བཅོས་སྐྱོང་དེང་རབས་ཅན་གྱི་བླང་བྱར་དམིགས་ཏེ་ཁྲིམས་སྐྱོང་རིག་གནས་དང་མང་ཚོགས་ཀྱི་འཚོ་བ་གཞི་གཅིག་ཏུ་འདྲེས་ནས་དབང་རྩའི་སྣེ་མོའི་ལྟ་བུ་ཡིན་པའི་དྲ་བ་སྤྱད་དེ་རྒྱུན་གཏན་ཅན་གྱིས་བཅའ་ཁྲིམས་ཁྱབ་གདལ་ལས་དོན་སྤེལ་བ་དང་། ཁྲོམ་གཞུང་མངགས་གཏོང་ཁང་དང་གྲོང་ཚོའི་ཉེན་དོན་ཁང་ལ་བརྟེན་ནས་ཉེན་རྟོག་སྟོབས་ཤུགས་དྲ་མིག་ནང་མཉམ་འདྲེས་བྱས་ཏེ་འགལ་བ་དང་རྩོད་གཞི་སྔ་ཙམ་ཤེས་རྟོགས་དང་། སྔ་ཙམ་མཐོང་ཆེན། སྔ་ཙམ་འདུམ་འགྲིག སྔ་ཙམ་ཐག་གཅོད་བཅས་བྱས་ཡོད། མིག་སྔའི་བར། དངུལ་པར་གྲོང་ཚོར་བཅའ་ཁྲིམས་ཁྱབ་གདལ་གསོ་སྦྱོང་ཐེངས་3དང་བཅའ་ཁྲིམས་ཁྱབ་གདལ་དང་དྲིལ་བསྒྲགས་ཐེངས་11བྱས་པར་མང་ཚོགས་མི་ཐེངས་2000ལྷག་ཙམ་ལ་སློབ་གསོ་ཐེབས་ཡོད།

དེ་དང་ཆབས་ཅིག གྲོང་གསེབ་ཀྱི་ཁྲིམས་སྐྱོང་འཛུགས་སྐྱོང་དང་སྤྱི་ཚོགས་ཀྱི་ཞི་མཐུན་བརྟན་ལྷིང་སྲུང་སྐྱོང་ལ་སྐུལ་འདེད་གཏོང་བ་དང་། མང་ཚོགས་ཀྱི་ཁྲིམས་སྐྱོང་འདུ་ཤེས་ཟབ་ཏུ་གཏོང་བར་ཁྲིད་སྟོན་བྱེད་པ། ལས་དོན་སྒྲུབ་སྐབས་སྒྲིག་སྲོལ་དང་ཁྲིམས་སྲོལ་ལྟར་སྒྲུབ་པ་དང་། གནད་དོན་ཐག་གཅོད་བྱེད་སྐབས་བཅའ་ཁྲིམས་སྤྱོད་པ། འགལ་བ་སེལ་སྐབས་བཅའ་ཁྲིམས་ལ་བརྟེན་པ་བཅས་བྱ་ཆེད། དངུལ་པར་གྲོང་ཚོས་དམངས་ཕན་ཞབས་ཞུའི་ལྟེ་གནས་སུ་ཕྱོགས་མིའི་ཞབས་ཞུའི་ས་ཚིགས་དང་། མི་རིགས་མཐུན་སྒྲིལ་ཞབས་ཞུའི་ས་ཚིགས། བཅའ་ཁྲིམས་ཁྱབ་གདལ་དྲིལ་བསྒྲགས་ས་ཚིགས་བཅས་བཙུགས་ནས་དམངས་ཕན་ཞབས་ཞུ་བརྒྱུད་རིམ་ཅན་དུ་འགྱུར་བར་སྐུལ་འདེད་ནུས་ལྡན་བཏང་ཡོད།

“དྲ་མིག+གྲོང་མིའི་རང་སྐྱོང”གིས་བཅོས་སྐྱོང་ནུས་པ་ཆེ་རུ་བཏང་བ།

ཉེ་བའི་ལོ་ཤས་རིང་། དངུལ་པར་གྲོང་ཚོས་རང་སྐྱོང་རྨང་གཞིར་བྱེད་པ་དང་གྲོང་མིའི་རང་སྐྱོང་ནུས་པ་སྐྱེད་སྲིད་བྱས་ནས“དཔེ་མཚོན་རེ་ལ་གྲོས་བསྡུར་རེ”དང“གྲོས་བསྡུར་བཞི་དང་ཡོངས་བསྒྲགས་གཉིས”སོགས་དམངས་གཙོའི་དོན་གྲོས་ཐབས་ཇུས་འགོད་པའི་ལམ་ལུགས་འཐུས་སྒོ་ཚང་དུ་བཏང་ནས་དོན་འཁྱོལ་བྱེད་པ་དང་། མང་ཚོགས་ཀྱི་བསམ་འཆར་དང་གྲོས་འགོ་རྒྱ་ཁྱབ་ངང་བསྡུ་ལེན་བྱེད་པ། སྲོལ་རྒྱུན་གྱི་ཡུལ་སྲོལ་གོམས་གཤིས་ལ་བརྩི་འཇོག་གང་ལེགས་བྱས་པའི་རྨང་གཞིའི་ཐོག་ས་གནས་དེ་གའི་དོན་དངོས་དང་འཚམ་པའི《དངུལ་པར་གྲོང་ཚོའི་དོན་གྲོས་མཐུན་སྦྱོར་ལམ་ལུགས》དང《དངུལ་པར་གྲོང་ཚོའི་སྐར་གསོག་ལམ་ལུགས་ཀྱི་ཇུས་གཞི》སོགས་ཀྱི་ལམ་ལུགས་བཟོ་བ། མང་ཚོགས་ཡུལ་སྲོལ་དམངས་ཆིངས་བཟོ་བཅོས་ལས་དོན་ནང་ཞུགས་པར་ཁྲིད་སྟོན་བྱེད་པ། “ཡོངས་བསྒྲགས་གསུམ”ཁ་གསལ་ཡོང་བར་སྐུལ་འདེད་ཧུར་ཐག་གཏོང་བ། མང་ཚོགས་ཀྱི་གནས་ཚུལ་ཤེས་དབང་ལ་འགན་ལེན་བྱེད་པ། མང་ཚོགས་རང་སྐྱོང་ལས་དོན་ནང་ཞུགས་ཚད་མང་དུ་གཏོང་བ། མང་ཚོགས“དོ་དམ་ནང་ཞུགས་པ་དང་། མཉམ་དུ་སྲུང་བ། མཉམ་དུ་ལྟ་སྐུལ”བཅས་བྱེད་པར་འབོད་སྐུལ་བྱས་ཏེ། མང་ཚོགས་གཞི་རིམ་བཅོས་སྐྱོང་གི་ཕན་པ་ཐོབ་མཁན་དང་། དེའི་ནང་ཞུགས་མཁན། འཛུགས་སྐྲུན་བྱེད་མཁན་བཅས་སུ་འགྱུར་བ་བྱས་ཡོད།

དེ་དང་ཆབས་ཅིག དངུལ་པར་གྲོང་ཚོས་ཏང་ཡོན་རྒན་གྲས་དང་། ལས་བྱེད་པ་རྒན་གྲས། སྒྲོག་འགྲེལ་པ་སོགས་ཀྱི་དཔེ་སྟོན་སྣེ་ཁྲིད་ཀྱི་ནུས་པ་གང་ལེགས་བཏོན་ནས། མཁོ་དགོས་དམངས་ལ་འདྲི་བ་དང་ཐབས་ཇུས་དམངས་ལ་དྲིས་ཏེ། ལས་ཀའི་གཙོ་གནད་མང་ཚོགས་ཀྱི་འཕྲལ་མཁོ་དང་། སེམས་ཁྲལ། དཀའ་ངལ། རེ་སྒུག་བཅས་ཀྱི་གནད་དོན་ཐོག་བཞག་ནས་དམངས་ཀྱི་འདོད་བློ་ཉན་པ་དང་། དམངས་ཀྱི་བློ་གྲོས་འདུ་བ། དམངས་སེམས་གཅིག་ཏུ་སྒྲིལ་བ་བཅས་བྱས་ཏེ། མང་ཚོགས་གྲོང་གསེབ་བཅོས་སྐྱོང་ལས་དོན་ནང་ཧུར་ཐག་ཞུགས་ནས་མང་ཚོགས་རང་གིས་རང་ལ་དོ་དམ་དང་། རང་གིས་རང་ལ་སློབ་གསོ། རང་གིས་རང་ལ་ཞབས་འདེགས་བཅས་ཀྱི་རང་སྐྱོང་གི་རྣམ་པ་གསར་པ་ཞིག་ཆགས་པར་བྱས་ཏེ། མང་ཚོགས་རང་འགུལ་ངང་གྲོང་ཚོ་རིམ་པའི་ལས་དོན་ནང་ཞུགས་པའི་སྤྲོ་སེམས་འཕེལ་བར་བྱས་ཡོད།